សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពីសារព័ត៌មានបរទេសបានរាយការណ៍ថា សេដ្ឋកិច្ចរបស់ប្រទេសវៀតណាមត្រូវបានព្យាករណ៍ថានឹងកើនឡើង ៦ ភាគរយនៅឆ្នាំនេះ ដែលស្ទុះងើបឡើងវិញពីការធ្លាក់ចុះក្នុងឆ្នាំ២០២៣ ហើយគេរំពឹងថា វានឹងជំរុញដោយការនាំចេញ។
កាលពីឆ្នាំមុន សេដ្ឋកិច្ចវៀតណាមបានប្រឈមមុខនឹងបញ្ហាសំខាន់ៗ ដោយសារការធ្លាក់ចុះនៃការនាំចេញ ប៉ុន្តែបានស្ទុះងើបឡើងវិញនៅឆមាសទី២ ដែលលើសពីការរំពឹងទុកជាមួយនឹងអត្រាកំណើន ៥,១ ភាគរយ។
លោក Hoe Ee Khor ប្រធានសេដ្ឋវិទូរបស់ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន +៣ (AMRO) រំពឹងថា សម្ទុះវិជ្ជមាននេះនឹងបន្តនៅឆ្នាំនេះ ជាមួយនឹងការព្យាករណ៍អត្រាកំណើន ៦ ភាគរយ។ យ៉ាងណាក៏ដោយ បើទោះបីជាការព្យាករណ៍នេះទាបជាងគោលដៅផ្លូវការបន្តិច ប៉ុន្តែគែសន្មត់ថាវាជាល្បឿនមធ្យមនៃការងើបឡើងវិញនៃការនាំចេញ។ យ៉ាងណាមិញ ការប្រមូលផ្តុំខ្ពស់នៃការនាំចេញផលិតកម្មធ្វើឱ្យប្រទេសវៀតណាមងាយរងគ្រោះទៅនឹងការប៉ះទង្គិចពីខាងក្រៅ ដូចដែលបានកើតឡើងកាលពីឆ្នាំមុន ជាមួយនឹងការធ្លាក់ចុះនៃគ្រឿងអេឡិចត្រូនិក និងទំនិញផលិតកម្ម។
ជាមួយគ្នានេះ ដើម្បីកាត់បន្ថយភាពងាយរងគ្រោះនេះ លោក Khor បានផ្តល់យោបល់ឱ្យវៀតណាមធ្វើពិពិធកម្មទីផ្សារនាំចេញរបស់ខ្លួន និងផ្លាស់ប្តូរខ្សែសង្វាក់តម្លៃដោយចូលរួមក្នុងការនាំចេញផលិតកម្មដែលមានតម្លៃខ្ពស់។ យុទ្ធសាស្ត្រនេះនឹងជួយធានាបាននូវភាពធន់ និងកំណើនប្រកបដោយចីរភាពនៃសេដ្ឋកិច្ចវៀតណាម។
ទន្ទឹមនឹងនេះ ការនាំចេញគឺជាសសរស្តម្ភសំខាន់មួយក្នុងចំណោមសសរស្តម្ភសំខាន់ទាំង៣ នៃកំណើនសេដ្ឋកិច្ចរបស់វៀតណាមក្នុងឆ្នាំ២០២៣ រួមជាមួយនឹងការវិនិយោគ និងការប្រើប្រាស់។ នៅក្នុងត្រីមាសទី១នៃឆ្នាំ២០២៣ ការនាំចេញរបស់វៀតណាមបានធ្លាក់ចុះ ប៉ុន្តែបានចាប់ផ្តើមកើនឡើងវិញចាប់ពីត្រីមាសទី២។ ជាមួយនឹងការព្យាករណ៍កំណើន ៦ ភាគរយក្នុងឆ្នាំ២០២៤ វៀតណាមបានជាប់ចំណាត់ថ្នាក់លេខ ៣ ក្នុងការព្យាករណ៍កំណើនផលិតផលក្នុងស្រុកសរុបរបស់ Amro នៅឆ្នាំ២០២៤ ដែលតាមពីក្រោយប្រទេសហ្វីលីពីន (៦,៣ ភាគរយ) និងកម្ពុជា (៦,២ ភាគរយ)។ លើសពីនេះ គេរំពឹងថា ការវិនិយោគផ្ទាល់ពីបរទេស (FDI) នឹងនៅតែជាកត្តាជំរុញដ៏សំខាន់នៃការពង្រីកសេដ្ឋកិច្ច។ កាលពីឆ្នាំ២០២៣ រំហូរវិនិយោគបរទេសចូលក្នុងប្រទេសវៀតណាមបានកើនឡើងយ៉ាងខ្លាំងទៅដល់ ៣២ ភាគរយ ឬ ៣៦,៦២ ពាន់លានដុល្លារ ហើយវៀតណាមនៅតែជាគោលដៅវិនិយោគដ៏ពេញចិត្តសម្រាប់បរទេស ជាពិសេសជាមួយប្រទេសចិន៕
Account
Security
Favourite Content