សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ជាទូទៅ កាលដែលស្ថិតនៅក្រោមបន្ទុកគ្រួសារ យុវជន សិស្ស-និស្សិត ច្រើនតែមិនទាន់បានគិតគូរពីការរៀបចំផែនការចាយវាយប្រចាំថ្ងៃ។ ក្នុងករណីភាគច្រើន លុះតែរៀនចប់មានការងារធ្វើ ពោលគឺចាប់ផ្ដើមរស់នៅដោយខ្លួនឯង ទើបយុវជនចាប់ខ្វល់ខ្វាយពីការគ្រប់គ្រងចំណាយ ចំណូលរបស់ខ្លួន។ ប៉ុន្តែវាមិនដូច្នោះទេ ការចេះធ្វើផែនការចាយវាយ ការរៀបចំផែនការសន្សំ ធ្វើបានកាន់តែលឿនគឺកាន់ តែល្អ មានន័យថា សន្សំកាន់តែយូរ ប្រាក់ក៏បានកាន់តែច្រើន ហើយចំណុចមួយដែលយុវជនមិនសូវជាចាប់អារម្មណ៍នោះគឺ ប្រាក់សន្សំទាំងនោះអាចអនុញ្ញាតឱ្យពួកគេយកទៅធ្វើជាទុនក្នុងការសិក្សា ឬសូម្បីតែការបង្កើតអាជីវកម្មផ្ទាល់ខ្លួន។
ក្នុងឱកាសផ្សព្វផ្សាយពីបំណិនជីវិតទៅកាន់និស្សិតសកលវិទ្យាល័យ ឡាយហ្វ លោកបណ្ឌិត តាន់ មុនីវណ្ណ ដែលជាប្រធានសមាគមធុរកិច្ចអេឡិចត្រូនិក (CEA) និងអគ្គនាយករងក្រុមហ៊ុន ម៉ុង ប្ញទ្ធី គ្រុប បានលើកទឹកចិត្តសិស្ស និស្សិតឱ្យចាប់ផ្ដើមរៀបចំផែនការចាយ និងសន្សំរៀងៗខ្លួន។
លោកបណ្ឌិត តាន់ មុនីវណ្ណ៖
“មនុស្សម្នាក់ៗ ត្រូវតែមានផែនការចាយ ទូទៅបើអត់មានផែនការចាយទេ មនុស្សម្នាក់ហ្នឹងក៏មិនដឹងដែរថាត្រូវសន្សំលុយរបៀបម៉េច។”
យ៉ាងណាមិញ ដើម្បីអាចសន្សំបាន លោកបណ្ឌិតណែនាំសិស្ស និស្សិតឱ្យកាត់បន្ថយការចំណាយណាដែលមិនចាំបាច់ ជាពិសេសការចំណាយលើម្ហូបអាហារថ្លៃៗ ដែលមានតម្លៃខ្ពស់ហើយ មិនល្អសម្រាប់សុខភាពទៅទៀត។
លោកបណ្ឌិត ៖
“គួរជ្រើសរើសញុំាអ្វីដែលល្អសម្រាប់សុខភាព ហើយរបស់ដែលល្អចំពោះសុខភាព ទូទៅគឺវាមិនឆ្ងាញ់ដូចរបស់ដែលបំផ្លាញសុខភាពទេ អីចឹងហើយសុខចិត្តយកលុយនោះទៅទិញ ម្ហូបណាដែលមានប្រូតេអ៉ីនគ្រប់គ្រាន់ មានបន្លែគ្រប់គ្រាន់ ពេលនោះយើងមិនត្រឹមតែសល់លុយទេ តែសុខភាពយើងក៏ល្អដែរ។”
លោកបណ្ឌិតបន្តគូសបញ្ជាក់ថា ៖
“លុយ បើយើងអត់ចេះសន្សំទុកទេ មិនត្រឹមតែមិនសល់ទេ តែយើងក៏អត់មាន កម្លាំងចិត្តធ្វើការ ឬរៀនសូត្រដែរ និយាយរួមគឺអត់គោលដៅ ម្លោះហើយក្នុងអំឡុងពេលដែលកំពុង រៀននេះត្រូវមានទម្លាប់នេះឱ្យហើយ ហើយពេលរៀនចប់ យើងងាយនឹងចាត់ចែងដំណើរជីវិតបន្តទៀត។”
ក្នុងដំណាក់កាលសាកល្បង ក្នុងមួយខែលោកបណ្ឌិតលើកទឹកចិត្តឱ្យសាកសន្សំឱ្យបាន ៥០ដុល្លារ ហើយត្រូវមានការអត់ធ្មត់ សន្សំទុកលុយនោះឱ្យបានច្រើន គឺទុកសម្រាប់ប្រើការនៅថ្ងៃក្រោយ៕
Account
Security
Favourite Content