សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បញ្ហាជម្លោះយោធារវាងអ៊ុយក្រែន និងរុស្ស៊ី មិនត្រឹមតែបានរុញច្រានឲ្យតម្លៃថាមពលកើនឡើងនៅគ្រប់ទីកន្លែងប៉ុណ្ណោះទេ ប៉ុន្តែវាថែមទាំងធ្វើឲ្យកម្រិតអតិផរណាកើនឡើងខ្ពស់មិនធ្លាប់មានឡើយក្នុងរយៈពេលប៉ុន្មានទសវត្សរ៍ចុងក្រោយនេះនៅតាមបណ្តាប្រទេសជាច្រើន។
អ្នកសេដ្ឋកិច្ចវិទូជាច្រើនតាមរយៈសារព័ត៌មាន The Financial Times បានបង្ហាញអំពីក្តីបារម្ភយ៉ាងខ្លាំងចំពោះស្ថានភាពសំពាធតម្លៃនាពេលបច្ចុប្បន្នបូករួមទាំងការធ្លាក់ចុះនៃសេដ្ឋកិច្ចពិភពលោកផងនោះនឹងអាចធ្វើឲ្យមានការវិលត្រឡប់មកវិញនូវវិបត្តិជាប់គាំងអតិផរណាដ៏អាក្រក់មួយសាជាថ្មីដែលត្រូវបានគេហៅថា Stagflation ជាព្រឹត្តិការណ៍ធ្លាប់កើតម្តងហើយកាលពីអំឡុងទសវត្សរ៍ឆ្នាំ១៩៧០។
តើអ្វីទៅជាព្រឹត្តិការណ៍ Stagflation ហើយវានឹងអាចកើតឡើងម្តងទៀតដែរឬយ៉ាងណា?
តាមរយៈការពន្យល់ខ្លីៗដោយ The Financial Times បានបញ្ជាក់ថា Stagflation គឺជាពេលវេលាដែលអតិផរណាបានកើនឡើងដល់កម្រិតខ្ពស់បំផុត ខណៈដែលក្នុងពេលជាមួយគ្នានេះអត្រាតម្រូវការបែរជានៅទ្រឹងនឹងថ្កល់ទៅវិញ។ ប៉ុន្តែតាមរយៈ The World Economic Forum (WEFORUM) វិញបានពន្យល់បែបនេះថា ពាក្យ Stagflation គឺជាការបូកបញ្ចូលលក្ខខណ្ឌ២ជាមួយគ្នា Stagnation ដែលជាការជាប់គាំង និង Inflation កើតមានអតិផរណាដែលជាព្រឹត្តិការណ៍មួយកើតឡើងក្នុងពេលជាមួយគ្នានៅពេលដែលសេដ្ឋកិច្ចបានដាំក្បាលចុះទាបបំផុត ហើយអត្រានៃអ្នកអត់ការងារមានការកើនឡើងយ៉ាងខ្ពស់បំផុត ខណៈដែលតម្លៃនៃការចាយវាយប្រចាំថ្ងៃមានកម្រិតខ្ពស់ខ្លាំង។
ក្នុងពេលដែលពិភពលោកកំពុងមានបញ្ហាអតិផរណាបែបនេះវាបានក្លាយទៅជាសញ្ញាដ៏គួរឲ្យព្រួយបារម្ភបំផុតសម្រាប់អ្នកសេដ្ឋកិច្ច ពីព្រោះថាដើម្បីធ្វើឲ្យអតិផរណាមានភាពធូរស្រាលមកវិញនោះគឺមានតែវិធីសាស្ត្រមួយប៉ុណ្ណោះដើម្បីដោះស្រាយបាន ប៉ុន្តែវានឹងធ្វើឲ្យសេដ្ឋកិច្ចបែរជាដើរថយក្រោយទៅវិញ។
អ្នកជំនាញសេដ្ឋកិច្ច តាមរយៈ WEFORUM បានពន្យល់ទៀតថា ធនាគារកណ្តាលនានាអាចធ្វើឲ្យកម្រិតអតិផរណាមានការធ្លាក់ចុះមកវិញ ប៉ុន្តែចាំបាច់ត្រូវតែបង្កើនអត្រាការប្រាក់សម្រាប់រាល់ការកម្ចីនានាដែលមានន័យថា កម្ចីទាំងឡាយមានតម្លៃកាន់តែថ្លៃ ឬមានន័យស្មើនឹងការធ្វើឲ្យអត្រាកំណើនសេដ្ឋកិច្ចមានល្បឿនថយចុះជាបន្តបន្ទាប់ប្រសិនបើពេលវេលានេះនឹងអូសបន្លាយកាន់តែយូរ។
គួររំលឹកដែរថា ព្រឹត្តិការណ៍កាលពីទសវត្សរ៍ឆ្នាំ១៩៧០ សហរដ្ឋអាមេរិកបានទទួលបទពិសោធជាមួយនឹង Stagflation ម្តងរួចមកហើយដែលគ្រានោះអត្រាអតិផរណាបានកើនឡើងទៅដល់១៣,៣ភាគរយនៅឆ្នាំ១៩៨០ ចំណែកឯអត្រានៃអ្នកអត់ការងារធ្វើមានទៅដល់១០,៨ភាគរយនៅក្នុងឆ្នាំ១៩៨២។ ក្នុងគ្រា Stagflation ផលប៉ះពាល់ដ៏ធ្ងន់ធ្ងរបានធ្វើឲ្យមនុស្សរាប់លាននាក់ជួបបញ្ហាលំបាកខ្លាំងក្នុងការដោះស្រាយបញ្ហាចាយវាយប្រចាំថ្ងៃមិនគ្រប់គ្រាន់សូម្បីតែម្ហូបអាហារភេសជ្ជៈ និងថាមពលប្រើប្រាស់ ជាពិសេសកាន់តែអាក្រក់ចំពោះអ្នកដែលអត់ការងារធ្វើ ខណៈដែលទីផ្សារការងារក៏ជាប់គាំងទៅហើយនោះ។
បច្ចុប្បន្ន ការកើនឡើងនៃតម្លៃថាមពល និងវិបត្តិនៃការផ្គត់ផ្គង់សង្វាក់ផលិតកម្មនៃទីផ្សារសកលបានធ្វើឲ្យអត្រាអតិផរណាមានកំណើនកាន់តែខ្លាំង ខណៈដែលបញ្ហារីករាលដាលនៃវិបត្តិកូវីដ-១៩ ក៏មិនទាន់បានធូរស្រាល១០០ភាគរយនៅឡើយដែលវាបានធ្វើឲ្យអ្នកសេដ្ឋកិច្ចជាច្រើនបារម្ភថាព្រឹត្តិការណ៍ Stagflation នឹងអាចកើតឡើងវិញសាជាថ្មី ប៉ុន្តែក៏មានអ្នកសេដ្ឋកិច្ចខ្លះបានអះអាងដែរថា វាស្ថិតនៅក្នុងដំណាក់កាលចាប់ផ្តើមប៉ុណ្ណោះគឺពិភពលោកនៅតែមានពេលវេលាដើម្បីអាចជៀសផុតពីវិបត្តិនេះបាន៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ធនាគារ ស្ថាបនា និងក្រុមហ៊ុន វីសា រៀបចំកម្មវិធីទស្សនាការប្រកួតបាល់ទាត់ពិភពលោក FIFA World Cup 2026™ Visa Sathapana Viewing Party
ព្រឹត្តិការណ៍, អត្ថបទពាណិជ្ជកម្ម
• 10/07/2026
ធនាគារ ស្ថាបនា និងក្រុមហ៊ុន វីសា រៀបចំកម្មវិធីទស្សនាការប្រកួតបាល់ទាត់ពិភពលោក FIFA World Cup 2026™ Visa Sathapana Viewing Party
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content