សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទិវានៃសេចក្តីស្រឡាញ់ ឬ Valentine’s Day ដែលគេប្រារព្ធឡើងរៀងរាល់ឆ្នាំនៅថ្ងៃទី១៤ ខែកុម្ភៈ ហើយតាមទម្លាប់គេតែងតែទិញអំណោយជូនមនុស្សជាទីស្រឡាញ់របស់ខ្លួន មិនថាគូស្នេហ៍ ស្វាមីភរិយា ឬក្រុមគ្រួសារនោះទេ។ ឆ្លៀតក្នុងឱកាសនេះ ការទិញផលិតផលក្នុងស្រុកធ្វើជាអំណោយ គឺជាជម្រើសដ៏ល្អមួយសម្រាប់សេដ្ឋកិច្ចក្នុងស្រុក។
ឯកឧត្តម បណ្ឌិត សួង ណយ អគ្គលេខាធិការរងគណៈកម្មាធិការជាតិជំរុញចលនាភូមិមួយផលិតផលមួយនៃទីស្ដីការគណៈរដ្ឋមន្ដ្រីបានមានប្រសាសន៍ទាក់ទងនឹងឱកាសទិវានៃក្ដីស្រឡាញ់ថា សម្រាប់យុវជនអាចទិញអំណោយជូនមនុស្សជាទីស្រឡាញ់មិនថាឱពុកម្ដាយ ជីដូនជីតា មិនថាម្ហូបអាហារ នំចំណី ផ្លែឈើ ត្រីសាច់ ដែលជាផលិតផលក្នុងស្រុកយើង និងជាផ្នែកមួយជួយដល់សេដ្ឋកិច្ចក្នុងស្រុក។
ឯកឧត្តមបានបញ្ជាក់ថា ៖
«ក្នុងឱកាសទិវានៃក្ដីស្រឡាញ់នេះ យើងសូមអំពាវនាវឱ្យយុវជន កូនៗ អាចទិញកាដូជាផលិតផលខ្មែរជូនឪពុកម្ដាយ ជីដូនជីតា ម៉ាកុង ឯស្វាមីក៏អាចនាំក្រុមគ្រួសារទៅទទួលទានអាហារនៅតាមភោជនីយដ្ឋានខ្មែរ ជាពិសេសអាចទទួលទានជានំបញ្ចុក ហើយបើបានបញ្ចុកគ្នាកាន់តែផ្អែមល្ហែម»។
ឯកឧត្តមបន្ថែមថា៖
«យើងអាចទិញផលិតផលផ្សេងទៀតដូចជា បន្លែ ផ្លែឈើ ត្រីសាច់ ប្រហុក ផ្អក ត្រីងៀត ត្រីឆ្អើរ សាច់ក្រក យកមកឱ្យមនុស្សជាទីស្រឡាញ់ ក៏ដូចជាក្រុមគ្រួសាររបស់យើង ដែលក្រៅពីជូនជាអំណោយតុបតែងស្រស់ស្អាតហើយ គេក៏អាចយកមកធ្វើម្ហូបហូបចុកជុំ ក្រុមគ្រួសារ សាច់ញាតិបានថែមទៀតផង»។
គួរបញ្ជាក់ដែរថា ទិវានៃក្ដីស្រឡាញ់ ឬValentine’s Day គឺជាថ្ងៃដែលបញ្ជាក់អំពីសេចក្ដីស្រឡាញ់ជាទូទៅ ដោយមិនចាំបាច់សម្រាប់តែគូស្នេហ៍នោះឡើយ ពោលគឺសេចក្ដីស្រឡាញ់មានលក្ខណៈធំទូលំទូលាយ ដែលក្នុងពេលបច្ចុប្បន្ននេះមានមនុស្សជាច្រើនបានចាត់ទុកថ្ងៃនេះជាថ្ងៃពិសេសជាងថ្ងៃណាៗទាំងអស់ក្នុងការបង្ហាញពីក្តីស្រឡាញ់របស់ពួកគេទៅកាន់មនុស្សជាទីស្រឡាញ់ ឪពុកម្តាយ បងប្អូន និង មិត្តភ័ក្តិជាដើម៕
Account
Security
Favourite Content