កំពូលមេចុងភៅលំដាប់ពិភពលោក Alain Darc បានបន្សល់ទុកស្នាដៃជាច្រើនក្នុងវិស័យម្ហូបអាហារនៅកម្ពុជា

គួរឱ្យសោកស្ដាយ ! ប៉ាប៉ា “Alain Darc” បុគ្គលដែលធ្វើឲ្យវិស័យបដិសណ្ឋារកិច្ចម្ហូបអាហារនៅកម្ពុជាល្បីល្បាញទៅដល់កម្រិតអន្តរជាតិទទួលមរណៈភាពហើយនាព្រឹកថ្ងៃអាទិត្យ ទី២៤ ខែធ្នូ ឆ្នាំ២០២៣ ដោយសារបញ្ហាសុខភាព វ័យជរា និងមានជំងឺប្រចាំកាយ។ មុនពេលទទួលមរណៈភាព លោកបានបន្សល់ទុកនូវស្នាដៃក្នុងវិស័យមុខម្ហូបអាហារជាច្រើន ក៏ដូចជាបង្កើតនូវបទពិសោធដ៏អស្ចារ្យសម្រាប់អ្នកបន្តវេននៅកម្ពុជា។

ប៉ាប៉ា “Alain Darc” មេចុងភៅលំដាប់ពិភពលោករូបនេះធ្លាប់បានចូលរួមយ៉ាងសំខាន់ក្នុងវិស័យបដិសណ្ឋារកិច្ចម្ហូបអាហារនៅកម្ពុជា ហើយថែមទាំងបានបណ្តុះបណ្តាលជំនាញផ្នែកម្ហូបអាហារដល់អ្នកបន្តវេនដែលជាជនជាតិខ្មែរជាច្រើនរូបចំណុះឱ្យភោជនីយដ្ឋានលំដាប់អន្តរជាតិ TOPAZ ស្ថិតនៅក្នុងរាជធានីភ្នំពេញ រហូតមានសមត្ថភាពអាចចូលរួមប្រកួតប្រជែង និងទទួលបានពានរង្វាន់នៅលើឆាកអន្តរជាតិជាបន្តបន្ទាប់។

គួររំលឹកដែរថា លោក Alain Darc ត្រូវបានគេទទួលស្គាល់ថាជាតួអង្គដ៏សំខាន់ក្នុងវិស័យម្ហូបអាហារលំដាប់អន្តរជាតិក្នុងរាជធានីភ្នំពេញ។ លោកបានបន្សល់ទុកនូវមរតក និងស្នាដៃក្នុងវិស័យបដិសណ្ឋារកិច្ចម្ហូបអាហារជាច្រើន ជាពិសេសតាមរយៈកេរ្ត៍ឈ្មោះដ៏ល្បីល្បាញនៃភោជនីយដ្ឋាន Topaz ក្រោមការទទួលស្គាល់ និងគាំទ្រពីសំណាក់ទាំងភ្ញៀវជាតិ និងអន្តរជាតិ ស្ទើរគ្រប់លំដាប់ថ្នាក់។ អ្វីដែលកាន់តែគួរឱ្យកត់សម្គាល់ថែមទៀតនោះ ក្រោយកម្ពុជាបញ្ចប់សង្គ្រាម ហើយទទួលបានសុខសន្តិភាពពេញលេញ ក្រុមការងាររបស់លោកបានចូលរួមចំណែកជាចំណុចចាប់ផ្តើមដ៏សំខាន់មួយដែលនាំមកវិញនូវការរីកចម្រើននៃវិស័យម្ហូបអាហារ និងបដិសណ្ឋារកិច្ចឱ្យរស់វើក ហើយបន្តអភិវឌ្ឍជាលំដាប់ក្នុងសង្គមកម្ពុជារហូតមកដល់បច្ចុប្បន្ន។

ការរួមចំណែករបស់លោកនៅក្នុងវិស័យបដិសណ្ឋារកិច្ចផ្នែកម្ហូបអាហារនៅកម្ពុជា បានជួយ និងជំរុញឱ្យវិស័យមួយនេះរីកដុះដាលគួរឱ្យកត់សម្គាល់ ជាមួយនឹងការបង្កើតមុខម្ហូបអាហារបែបបារាំងដ៏ល្អឥតខ្ចោះ តាមរយៈបទពិសោធជាយូរនៅក្នុងប្រទេសបារាំង ក៏ដូចជាបណ្តាប្រទេសផ្សេងៗជាច្រើនទៀត។ ការចែករំលែកនូវជំនាញ និងបទពិសោធផ្នែកម្ហូបអាហារដ៏អស្ចារ្យរបស់លោកបានចាក់ចូលយ៉ាងជ្រៅទៅក្នុងដួងចិត្ត និងគំនិតនៃទេពកោសល្យចុងភៅស្រុកល្បីៗជាច្រើនដែលធ្លាប់បានទទួលការបណ្តុះបណ្តាលដោយផ្ទាល់ពីរូបលោក។

មេចុងភៅលំដាប់ពិភពលោក លោក Alain Darc ដែលត្រូវបានគេហៅគាត់ថា «ប៉ាប៉ា ឬ Papa» គឺជាចុងភៅអាជីពដ៏ល្បីរួចទៅហើយតាំងតែពីពេលដែលគាត់បានប្រកបអាជីពនៅក្នុងភោជនីយដ្ឋាន សណ្ឋាគារដ៏ប្រណិតនៅឯប្រទេសបារាំងមុនពេលគាត់ធ្វើដំណើរមកកាន់កម្ពុជា។

ក្រៅតែពីជំនាញជាមេចុងភៅហើយនោះ លោកក៏ជាអ្នកមានជំនាញខាងផលិតស្រា និងជាសមាជិកនៃឧស្សាហកម្មម្ហូបអាហារ – ភេសជ្ជៈ ដែលបន្តវេនពីក្រុមគ្រួសារនៃត្រកូល Darc មានប្រវត្តិល្បីល្បាញលើជំនាញម្ហូបអាហារតាំងតែពីឆ្នាំ១៧៧៣មកម្ល៉េះ ខណៈពេលដែលបុព្វបុរសលោកបានបម្រើការជា ‘Officier de Bouche’ នៅក្នុងសម័យស្តេច Louis Philippe I. Alain ។ បន្ថែមពីនេះ ឪពុករបស់លោក Alain Darc ក៏ជាបុគ្គលល្បីឈ្មោះ រហូតទទួលបានងារជា Meilleur Ouvrier de France និង Maître Cuisinier de France ផងដែរ។

លោក Alain បានធ្វើដំណើរមកកម្ពុជាជិត២ទសវត្សរ៍មកហើយ ពោលគឺក្នុងអំឡុងឆ្នាំ២០០៥ ដោយបានយកមកជាមួយនូវបទពិសោធយ៉ាងអស្ចារ្យនៃសិល្បៈធ្វើម្ហូបអាហារខ្នាតអន្តរជាតិ និងបានក្លាយជាចំណែកដ៏គួរឲ្យចងចាំនៃភោជនីយដ្ឋាន Topaz ក៏ដូចជាវិធីសាស្ត្រនៃការកែច្នៃម្ហូបអាហាររបស់ខ្មែរជាមូលដ្ឋានទៅជាអាហារលំដាប់ពិភពលោក ហើយក៏ជាការចូលរួមចំណែកអភិវឌ្ឍធនធានមនុស្សក្នុងវិស័យបដិសណ្ឋារកិច្ចម្ហូបអាហាររបស់កម្ពុជារហូតមកផងដែរ។

សូមបញ្ជាក់ផងដែរថា កំពូលមេចុងភៅលំដាប់ពិភពលោក Alian Darc ក៏ធ្លាប់បានចូលរួមសកម្មភាពយ៉ាងសកម្មនៅអង្គការ Pour unSourire d’Enfant ដែលជាអង្គការសប្បុរសធម៌ដ៏ធំបំផុតមួយនៅប្រទេសកម្ពុជា ក្នុងការជួយដល់កុមារក្រីក្រ ងាយរងគ្រោះ ដែលស្វែងរកជំនាញផ្នែកម្ហូបអាហារក្នុងវិស័យទេសចរណ៍ ជាមួយនឹងការបង្កើតឱកាសជូនមនុស្សជាច្រើនដែលពេញចិត្ត និងស្រឡាញ់ជំនាញនៅក្នុងវិស័យមុខម្ហូបអាហារ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *