សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កម្ចីឥណទានផ្លូវការដែលផ្តល់ដោយធនាគារ និងគ្រឹះស្ថានមីក្រូហិរញ្ញវត្ថុ ដែលទទួលស្គាល់ដោយធនាគារជាតិនៃកម្ពុជា ត្រូវបានទទួលស្គាល់ជាប្រភពទុនសំខាន់សម្រាប់ការពង្រីកអាជីវកម្ម និងការបើកអាជីវកម្ម។ ទោះយ៉ាងជានេះក្តី បច្ចុប្បន្ន ក៏នៅមានកម្ចីឥណទានក្រៅផ្លូវការដែលបង្កហានិភ័យខ្ពស់ដល់អ្នកប្រើប្រាស់ និងងាយធ្លាក់ទៅក្នុងបំណុលលើសលប់បាន។
ការប្រើប្រាស់ឥណទានក្រៅផ្លូវការនេះ ត្រូវបានមើលឃើញថា មានហានិភ័យខ្ពស់ ដោយអត្រាការប្រាក់ខ្ពស់ និងអាចរុញច្រានឱ្យអ្នកប្រើប្រាស់ឥណទានក្រៅផ្លូវការជាប់នូវបំណុលលើសលប់។ ទន្ទឹមនេះ មានការត្អួញត្អែរមួយចំនួនថា ការទទួលបានឥណទានផ្លូវធនាគារ និងគ្រឹះស្ថានហិរញវត្ថុគឺមានភាពស្មុគស្មាញ និងនីតិវិធីច្រើន ដែលធ្វើឱ្យប្រជាជនមួយចំនួនងាកទៅខ្ចីបុលពីឯកជន ជាជាងប្រើប្រាស់កម្ចីផ្លូវការពីស្ថាប័នធនាគារ និងគ្រឹះស្ថានមីក្រូហិរញ្ញវត្ថុជាដើម។ តែយ៉ាងក៏ដោយ នីតិវិធីខ្លះ គឺជាច្បាប់ដែលតម្រូវឱ្យធនាគារ និងគ្រឹះស្ថានមីក្រូហិរញ្ញវត្ថុអនុវត្តន៍។ ឧទាហរណ៍ ការពិនិត្យលើប្រវត្តិឥណទានអតិថិជន ការកំណត់អត្តសញ្ញាណរបស់អតិថិជនឱ្យបានច្បាស់លាស់ និងលក្ខខណ្ឌកម្ចី ទាំងនេះគឺច្បាប់តម្រូវ។
យ៉ាងណាក៏ដោយ ប្រតិបត្តិករហិរញ្ញវត្ថុនៅតែលើកទឹកចិត្តដល់អ្នកដែលមានបំណងប្រើប្រាស់កម្ចី គួរប្រើប្រាស់កម្ចីគ្រឹះស្ថានហិរញ្ញវត្ថុផ្លូវការ ទោះមាននីតិវិធីច្រើនក្នុងការពិនិត្យ និងវាយតម្លៃមុននឹងផ្តល់កម្ចីក្តី ព្រោះក្រោមហេតុផលថា នីតិវិធី និងលក្ខខណ្ឌ ដែលតម្រូវដោយគ្រឹះស្ថានហិរញ្ញវត្ថុផ្លូវការ នឹងធានាដល់ការប្រើប្រាស់ឥណទាន ឬកម្ចីរបស់អតិថិជនបានជោគជ័យ និងចំគោលដៅ។ ផ្ទុយទៅវិញ ការប្រើប្រាស់កម្ចីក្រៅផ្លូវការបង្កផលប៉ះផលអវិជ្ជមានជាច្រើន ដល់អ្នកប្រើប្រាស់ ដូចជាអត្រាថ្លៃ ការគំរាមកំហែងទាមទារប្រាក់ ដែលឈានដល់ការប្រើប្រាស់អំពើហឹង្សា បរិហាកេរ្តិ៍តាមរយៈបណ្តាញសង្គម ហើយនិងមានករណីឈានដល់ការធ្វើអត្តឃាតទៀតផង។
ក្នុងគោលដៅកាត់បន្ថយកម្ចីក្រៅផ្លូវការ ឥណទាន ឬកម្ចីមិនទាមទារទ្រព្យធានា (unsecured loan) ដែលជាផលិតផលឥណទានមួយក្នុងចំណោមផលិតផលឥណទានរបស់គ្រឹះស្ថានធនាគារ និងមីក្រូហិរញ្ញវត្ថុផ្លូវការ បានិងកំពុងជួយប្រជាពលរដ្ឋកាត់បន្ថយការប្រើប្រាស់កម្ចីក្រៅផ្លូវការ និងខុសច្បាន់ដែលមានអត្រាការថ្លៃ និងផលប៉ះពាល់អវិជ្ជមានជាច្រើនដល់អ្នកប្រើប្រាស់ ឬប្រជាពលរដ្ឋប្រើក្រាស់។
ប្រតិបត្តិករ និងអ្នកជំនាញក្នុងវិស័យហិរញ្ញវត្ថុ បានលើកឡើងថា បច្ចុបន្បនេះ គ្រឹះស្ថានហិរញ្ញវត្ថុផ្លូវការបង្កើតផលិតផលឥណទានកាន់តែសម្បូរបែប និងនីតិវិធិងាយស្រួលសម្រាប់អតិថិជនក្នុងការប្រើប្រាស់ ហើយនឹងស្របនឹងគោលការណ៍របស់ស្ថានគ្រឹះស្ថាន។ ការណ៍នេះគឺសំដៅដល់ការជួយប្រជាពលរដ្ឋងាកមកប្រើប្រាស់កម្ចីផ្លូវការ និងបន្ថយការប្រើប្រាស់កម្ចីក្រៅផ្លូវការ និងខុសច្បាប់។ គេសង្កេតឃើញថា ចាប់តាំងពីកម្ចីដែលមិនទាមទារទ្រព្យធានា (unsecured loan) មានការប្រើប្រាស់កាន់តែទូលំទូលាយមក វាបានជួយកាត់បន្ថយនូវកម្ចីក្រៅផ្លូវការ ដែលមានអត្រាការខ្ពស់ បានច្រើន៕
Account
Security
Favourite Content