ភ្នំពេញ៖ក្រុមហ៊ុន ជីប ម៉ុង នារសៀលថ្ងៃទី១៨ខែមីនា ឆ្នាំ២០២៥ បានរៀបចំដំណើរទស្សនកិច្ចពិសេសមួយតាមឧទ្ធម្ភាគចក្រចំនួនពីរគ្រឿងជូនអតិថិជនដែលបានគាំទ្រផលិតស៊ីម៉ងត៍អូដ្ឋនិងស៊ីម៉ងត៍ វី ទៅទស្សនកិច្ចស្វែងយល់ពីរោងចក្រ ស៊ីម៉ងត៍អូដ្ឋ និងស៊ីម៉ងត៍ វី នៅខេត្តកំពត។

អ្នកឧកញ៉ា លាង ពៅ(ភីធើរ) អគ្គនាយកក្រុមហ៊ុន ជីប ម៉ុង អ៊ិនស៊ី បានថ្លែងថា៖ ការរៀបចំដំណើរទស្សនកិច្ចនេះ ចង់បង្ហាញដេប៉ូ ចែកចាយទាំងអស់របស់ស៊ីម៉ងត៍អូដ្ឋ និងស៊ីម៉ងត៍ វី នៅទូទាំងប្រទេសឱ្យបានឃើញ និងបានដឹងថា រោងចក្រស៊ីម៉ងត៍អូដ្ឋ ដែលវិនិយោគដោយក្រុមហ៊ុន ជីប ម៉ុង អ៊ិនស៊ី ដែលមានក្រុមហ៊ុន ជីប ម៉ុង ជាក្រុមហ៊ុនមេ  ដែលបានវិនិយោគ ទឹកលុយសរុប ជិត៣០០លានដុល្លារអាមេរិកបង្កើតរោងចក្រផលិតស៊ីម៉ងត៍ខ្នាតយក្សដ៏ធំដំបូងគេនៅកម្ពុជាដែលមានស្តង់ដារខ្ពស់លំដាប់អន្តរជាតិ ។

អ្នកឧកញ៉ា លាង ពៅ បានលើកឡើងថា៖ស៊ីម៉ងត៍អូដ្ឋនិងស៊ីម៉ងត៍ វី ដែលជាផលិតផលរបស់ក្រុមហ៊ុន ជីប ម៉ុង និងជាស៊ីម៉ងត៍ដែលមានទាំងគុណភាព និងទំនុកចិត្ត ជូនអតិថិជនដែលឈរជើងលើទីផ្សារ ជាងពីរទស្សវត្សរ៍មកហើយ។រោងចក្រស៊ីម៉ងត៍អូដ្ឋ ជីប ម៉ុង អ៊ិនស៊ី គឺជារោងចក្រដំបូងគេនៅកម្ពុជាដែលបំពាក់នៅបច្ចេកវិទ្យាទំនើបចុងក្រោយបង្អស់មកពីអឺរ៉ុបស្តង់ដាលំដាប់ពិភពលោក ។ ជាពិសេសមានបុគ្គលិក    ៩៩ភាគរយជាជនជាតិខ្មែរ។

ថ្មីៗនេះក្រុមហ៊ុនយក្សមួយនេះ ទើបតែចេញ រចនាបទ រូបរាងថ្មីទៅលើសម្បកកញ្ចប់ទាំងស៊ីម៉ងត៍អូដ្ឋនិងស៊ីម៉ងត៍វី ដែលមានលក់នៅលើទីផ្សារគ្រប់ដេប៉ូចែកចាយទូទាំងប្រទេសកម្ពុជា។

អ្នកឧកញ៉ា បានឱ្យដឹងផងដែរថា៖« ពីមុនការកកើតរោងចក្រផលិតស៊ីម៉ត៍ នៅស្រុកខ្មែរ យើងមានការនាំចូលច្រើន  ផ្ទុយទៅវិញដោយសារប្រទេសកម្ពុជាយើងមានកំណើនសេដ្ឋកិច្ចល្អ និងការអភិវឌ្ឍបន្តបន្ទាប់ ធ្វើឱ្យក្រុមហ៊ុន ជីប ម៉ុង ដែលជាក្រុមហ៊ុនមេរបស់ ជីប ម៉ុង អ៊ិនស៊ី ពង្រីកខ្លួន ទៅមុខជាបន្តបន្ទាប់ ព្រមទាំងបានសម្រេចចិត្តពង្រីក និងវិនិយោគ ការផលិតស៊ីម៉ងត៍នៅក្នុងស្រុក។ដូចនេះហើយ យើងបានជំនួសការនាំចូលយ៉ាងច្រើន។ឥឡូវនេះទីផ្សារនាំចូលស៊ីម៉ងត៍ សឹងតែសូន្យភាគរយ ដែលពីមុនការនាំចូលមានពី៦០ទៅ៧០ភាគរយ។ទាំងនេះគឺដោយសារការរួមចំណែករបស់ក្រុមហ៊ុនឯកជនឯកជនក្នុងស្រុក ដែលក្នុងនោះមានក្រុមហ៊ុនជីបម៉ុង  ហ៊ានវិនិយោគដើម្បីកាត់បន្ថយការនាំចូល ពីក្រៅប្រទេសដោយជំនួសដោយផលិតផលក្នុងស្រុក។ដូច្នេះជួយបង្វែរការចាយវាយទៅលើស៊ីម៉ងត៍នាំចូល មកប្រើប្រាស់ស៊ីម៉ងត៍ផលិតក្នុងស្រុក ផលិតដោយកូនខ្មែរ ។

អ្នកឧកញ៉ា បានបញ្ជាក់ថា៖« ការផលិតស៊ីម៉ងត៍ក្នុងស្រុកនេះ ជាការចូលរួមចំណែកដ៏ធំជួយទៅដល់សេដ្ឋកិច្ចជាតិ ជាពិសេសបង្វិលពីការនាំចូល មកជាការផលិតក្នុងប្រទេសវិញ។»

អ្នកឧកញ៉ាអគ្គនាយកក្រុមហ៊ុន ជីប ម៉ុង អ៊ិនស៊ី បានថ្លែងអំណរគុណយ៉ាងជ្រាលជ្រៅដល់ម្ចាស់ដេប៉ូចែកចាយបន្តនូវស៊ីម៉ងត៍អូដ្ឋនិងស៊ីម៉ងត៍ វី  និងអំពាវនាវដល់ប្រជាពលរដ្ឋខ្មែរទូទាំងប្រទេស ពីពេលនេះ ម៉ោងនេះ ត្រូវជឿជាក់លើក្រុមហ៊ុនខ្មែររបស់យើង ជាពិសេសក្រុមហ៊ុនដែលវិនិយោគដោយកូនខ្មែរ១០០ភាគរយ និងការផលិតចង្វាក់ផលិតកម្មទាំងឡាយ ដែលបង្កើតឡើងដោយកូនខ្មែរ។ខ្មែរអាចធ្វើបាន ធ្វើបានល្អ និងល្អជារៀងរហូត៕