សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពត ៖ ចិញ្ចឹមក្ងាន ស្ដាប់ទៅធម្មតាដូចដែលកសិករយើងតែងតែចិញ្ចឹមលេងពីរឬបីក្បាលឱ្យដើរស៊ីស្មៅជិតផ្ទះ តែយើងមិនទាន់ដឹងទេថា ការចិញ្ចឹមក្ងានគឺងាយស្រួលចិញ្ចឹមជាងសត្វដទៃ ឱ្យផលច្រើន ហើយអាចលក់បានរាប់រយរាប់ពាន់ដុល្លារក្នុងមួយខែៗ ខណៈដែលតម្រូវការទីផ្សារមានភាពទូលាយ។
លោក សុខ លី ជាម្ចាស់កសិដ្ឋានចិញ្ចឹមក្ងានមួយកន្លែងស្ថិតនៅ ភូមិខ្ពបរុន ឃុំស្រែចែង ស្រុកជុំគិរី ខេត្តកំពត បានមានប្រសាសន៍ថា ក្ងានជាសត្វស្រួលចិញ្ចឹម ស្រួលឱ្យចំណី ហើយតម្រូវការទីផ្សារក៏នៅតែមានច្រើនដោយសារតែរសជាតិសាច់របស់វាឆ្ងាញ់ មានប្រូតែអ៊ីនខ្ពស់ ហើយតម្រូវការអ្នកចិញ្ចឹមក៏មានការកើនឡើង។
លោកបញ្ជាក់ថា ៖
“ក្ងានស្រួលចិញ្ចឹមជាងមាន់ ជាងទា ហើយចំណីវាស៊ីក៏អាស្រ័យលើម្ចាស់ដែរ យើងអាចឱ្យវាស៊ីដើមចេកជាមួយកន្ទក់លាយចំណីបន្តិច បើរវល់យើងក៏អាចដាក់តែស្រូវឱ្យវាស៊ី ចំណែកឯទីផ្សារឥឡូវក៏មានគេចិញ្ចឹមច្រើនតែខ្ញុំនៅតែលក់ដាច់”
លោកបន្តថាឱ្យដឹងថា បច្ចុប្បន្នកសិដ្ឋានរបស់លោកកំពុងចិញ្ចឹមក្ងានពីរប្រភេទគឺ ក្ងានក្បាលតោ និងក្ងានស្រែ ដែលលោកអាចផ្គត់ផ្គង់ទាំងក្ងានពូជ ក្ងានសាច់ និងពងក្ងានផងដែរ។ ចំណែកតម្លៃវិញ ពូជក្ងានក្បាលតោ ១គូចាប់ពី ១៥០ដុល្លារឡើងទៅសម្រាប់កូនអាយុពី ១៥-៣០ថ្ងៃ ចំណែកឯមេក្ងានស្រែ១ក្បាល ២៥ដុល្លារ ក្ងានឈ្មោលអាចជាន់មេបាន ១ក្បាល ៣០ដុល្លារ បើក្ងានស្ទាវៗទើបនឹងធំអាចតម្លៃក្រោមនេះ ចំណែកពងក្ងានវិញ ១គ្រាប់មានតម្លៃ ១៥ ០០០រៀល។
ម្ចាស់កសិដ្ឋានខាងលើបានបន្ថែមថា ៖
“ជាទូទៅយើងលក់ដាច់ច្រើនជាងគេគឺក្ងានសាច់ ដែលយើងលក់ឱ្យម៉ូយៗនៅតាមហាងនានា ឯពូជក្ងាន និងពងក្ងានគឺលក់ដាច់បន្ទាប់បន្សំដែរ។ ចំណែកក្ងានក្បាលតោគឺលក់ដាច់យូរៗម្ដងដោយសារប្រជាជនយើងមិនទាន់និយមចិញ្ចឹមនៅឡើយ”
សម្រាប់អ្នកចង់ចិញ្ចឹមក្ងាន លោក សុខ លី បានចែករំលែកថា ៖
“យើងអាចចាប់ផ្ដើមចិញ្ចឹមពីតិចតួចតាមលទ្ធភាព ដូចជា មេ១ ឈ្មោល១ ឬមេ២ ឈ្មោល១ ឬក៏បងប្អូនមានធនធានច្រើនអាចចិញ្ចឹម១០ក្បាល និងមានឈ្មោលសម្រាប់ជាន់ ២ ឬ៣ក្បាលក៏បាន។ ប្រសិនបើយើងមានត្រពាំងទឹក ឬស្រះទឹករឹតតែប្រសើរដោយសារក្ងានចូលចិត្តទឹក ក្រៅពីនេះយើងគ្រាន់តែត្រូវការទ្រុង និងកន្លែងសម្រាប់ក្ងានពងប៉ុណ្ណោះ។ ដោយឡែកការចិញ្ចឹមវិញ យើងអាចដាច់ចំណីឱ្យក្ងានស៊ី ១ថ្ងៃ ២ដង ព្រឹកម្ដង និងល្ងាចម្ដង តែបើយើងមានដីធំ យើងអាចលែងក្ងានឱ្យស៊ីស្មៅ ឬដើមចេកតែម្ដង ដែលអាចកាត់បន្ថយចំណីខ្លះ។ ឯចំណុចដែលគួរតែប្រុងប្រយ័ត្ននោះគឺ នៅពេលក្ងានមិនស៊ីចំណីត្រូវតាមដាន និងដាក់ថ្នាំឱ្យវាផឹកផងដែរ។ មួយវិញទៀត ការឱ្យផលជាស៊ុត គឺក្ងានមួយរដូវកាលវាពង ២-៣ដង ដោយវាពងមួយថ្ងៃរំលងមួយថ្ងៃ យើងអាចរើសទុកលក់ ឬក៏ទុកឱ្យវាក្រាបដោយប្រើរយៈពេលប្រមាណ ២ខែទើបញាស់បានជាកូនក្ងាន”
គួរបញ្ជាក់ដែរថា លោក សុខ លី បានចាប់ផ្ដើមចិញ្ចឹមក្ងានរយៈពេលជិត ៥ឆ្នាំមកហើយ ដោយចាប់ផ្ដើមពីដើមទុនតិចតួចប៉ុណ្ណោះ ហើយនៅពេលអនាគតលោកក៏ចង់បង្កើតជាកសិដ្ឋានធំល្មមមួយដោយទុកមេឱ្យបានច្រើន និងបង្កាត់កូនក្ងានបានរាប់រយ រាប់ពាន់ក្បាលសម្រាប់ផ្គត់ផ្គង់ទីផ្សារក្នុងទ្រង់ទ្រាយធំនៅទូទាំងប្រទេសផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី ទទួលបានការចុះបញ្ជីលក់សញ្ញាបណ្ណចីរភាពនៅផ្សារមូលបត្រកម្ពុជាជាផ្លូវការ
ព្រឹត្តិការណ៍, អត្ថបទពាណិជ្ជកម្ម
• 11/09/2026
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ពិធីចុះបញ្ជីលក់សញ្ញាបណ្ណចីរភាពជាផ្លូវការរបស់គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី”ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណិ្ឌតសភាចារ្យ ហ៊ាន សាហ៊ីបរដ្ឋលេខាធិការនៃក្រសួងសេដ្ឋកិច្ច
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content