ប្រព័ន្ធទូទាត់សងប្រាក់នៅកម្ពុជាកាន់តែមានភាពទូលំទូលាយសម្រាប់អ្នកប្រើប្រាស់

ភ្នំពេញ ៖ ធនាគារជាតិនៃកម្ពុជាគ្រប់គ្រងលើប្រព័ន្ធទូទាត់សងប្រាក់ចំនួន ៥ រួមមាន ប្រព័ន្ធផាត់ទាត់ជាតិ (NCS) ប្រព័ន្ធសេវាទូទាត់រហ័ស (FAST) ប្រព័ន្ធខេមបូឌានស៊ែស្វីច (CSS) ប្រព័ន្ធរីធែលផេ (Retail Pay) និងប្រព័ន្ធបាគង ដែលប្រព័ន្ធទាំងនេះមានភាពកាន់តែទូលំទូលាយសម្រាប់អ្នកប្រើប្រាស់ និងបានជួយសម្រួលយ៉ាងច្រើនដល់អ្នកប្រើប្រាស់ក្នុងការទូទាត់សងប្រាក់។

ប្រព័ន្ធផាត់ទាត់ជាតិនៅក្នុឆ្នាំ២០២១ ៖ ប្រព័ន្ធផាត់ទាត់ជាតិមានដំណើរការទូទាត់លើប្រតិបត្តិការនៃឧបករណ៍ទូទាត់មូលប្បទានប័ត្រ និងបញ្ជាផ្ទេរឥណទាន។ នៅស្នាក់ការកណ្តាលធនាគារជាតិនៃកម្ពុជា ប្រព័ន្ធផាត់ទាត់ជាតិមានសមាជិកផ្ទាល់ ៣៦ និងសមាជិកមិនផ្ទាល់ ១៨ និងមានសមាជិកចូលរួមតាមមណ្ឌលដោះដូរមូលប្បទានប័តទាំង ៧ ដូចជា៖ ខេត្តសៀមរាប ២៧ កំពង់ចាម ១៨ ព្រះសីហនុ ១៩ បាត់ដំបង ២០ បន្ទាយមានជ័យ ៨ ស្វាយរៀង ៧ និងកំពង់ធំ ៦។

ដោយសារដំណើរការទូទាត់នៃប្រព័ន្ធផាត់ទាត់ជាតិមានលក្ខណៈមជ្ឈការនៅស្នាក់ការកណ្ដាល ដូច្នេះមណ្ឌលដោះដូរមូលប្បទានប័ត្រទាំង ៧ មានភារកិច្ចដោះដូរមូលប្បទានប័ត្ររូបវន្តប៉ុណ្ណោះ។ ប្រព័ន្ធផាត់ទាត់ជាតិធ្វើការទូទាត់ ប្រតិបត្តិការ ២ ដង ក្នុង ១ ថ្ងៃ គឺ ពេលព្រឹកម៉ោង ១១និង១៥នាទី ទូទាត់លើប្រតិបត្តិការបញ្ញាផ្ទេរ ឥណទាន និងម៉ោង ៣និង១៥នាទីរសៀល ទូទាត់រួមគ្នាលើប្រតិបត្តិការបញ្ញាផ្ទេរឥណទាន និងប្រតិបត្តិការមូលប្បទានប័ត្រ។

ទូទាត់តាមមូលប្បទានប័ត្រនៅក្នុឆ្នាំ ២០២១ ៖ សកម្មភាពទូទាត់មូលប្បទានប័ត្រនៅក្នុងប្រព័ន្ធផាត់ទាត់ជាតិ បានដំណើរការចំនួន ២៤២ ថ្ងៃ។ ការទូទាត់មូលប្បទានប័ត្រចារឹកជាប្រាក់រៀលមាន ៣១,៧ ពាន់សន្លឹក បានថយចុះ -១០,៧% (ពី ៣៥,៥៧ ពាន់សន្លឹក) និងទំហំប្រាក់ទូទាត់មាន ១៩,១ ទីលានរៀលបានថយចុះ -១៦,៨% ធៀបនឹងឆ្នាំមុន (ពី ២២,៩ ទីលានរៀល)។ ចំណែកឯការទូទាត់មូលប្បទានប័តជាប្រាក់ដុល្លារអាមេរិកមាន ១,០៧ លានសន្លឹក បានថយចុះ -១០,៣% (ពី ១,២ លានសន្លឹក) និងទំហំប្រាក់ទូទាត់បានថយចុះ -៧,៦% (ពី ៥០,២ ពាន់លានដុល្លារអាមេរិក មក ៤៦,៤ ពាន់លានដុល្លារអាមេរិក)។

សេវាទូទាត់បញ្ជាផ្ទេរឥណទាននៅក្នុឆ្នាំ ២០២១៖ ការប្រើប្រាស់បញ្ជាផ្ទេរឥណទានដែលជាឧបករណ៍ទូទាត់សងប្រាក់អេឡិចត្រូនិក មានការកើនឡើងគួរឱ្យកត់សម្គាល់។ កំណើននេះបង្ហាញពីកំណើនទូទាត់ក្នុងសកម្មភាពសេដ្ឋកិច្ច ដោយប្រើប្រាស់ឧបករណ៍ទូទាត់អេឡិចត្រូនិកជំនួសឱ្យការប្រើប្រាស់ មូលប្បទានប័ត្រ និងសាច់ប្រាក់។ ប្រតិបត្តិការបញ្ញាផ្ទេរឥណទានជាប្រាក់រៀលមានចំនួន ១៥,៩ ពាន់ ប្រតិបត្តិការ ដោយបានកើនឡើង ៥៧,៤% (ពី ១០,១ ពាន់ប្រតិបត្តិការ) និងទំហំប្រាក់ផ្ទេរមានចំនួន ៤,៩ ទីលានរៀលដោយបានកើនឡើង ៥,២% (ពី ៤,៧ ទ្រីលានរៀល)។

បញ្ជាផ្ទេរឥណទានជាប្រាក់ដុល្លារអាមេរិកមានចំនួន ៥៦៣,១ ពាន់ប្រតិបត្តិការ ដោយបានកើនឡើង ៧១,៤% (ពី ៣២៨,៤ ពាន់ ប្រតិបត្តិការ) ប៉ុន្តែទំហំប្រាក់ផ្ទេរមានចំនួន ១០,៤ ពាន់លានដុល្លារអាមេរិក ដោយថយចុះ -១៨,១% (ពី ១២,៧ ពាន់លានដុល្លារអាមេរិក) ធៀបនឹងឆ្នាំមុន។

ប្រព័ន្ធសេវាទូទាត់រហ័សនៅក្នុឆ្នាំ ២០២១ ៖ ប្រព័ន្ធសេវាទូទាត់រហ័សមានសមាជិកសរុប ៥៥ ក្នុងនោះ សមាជិកកំពុងដំណើរការ ៤៧ (មានគ្រឹះស្ថានមីក្រូហិរញ្ញវត្ថុទទួលប្រាក់បញ្ញើ ៦)។ ប្រព័ន្ធសេវាទូទាត់រហ័សដំណើរការទូទាត់លើប្រតិបត្តិការផ្ទេរមូលនិធិជាប្រាក់រៀលតម្លៃតូច ដែលមានទំហំប្រាក់អតិបរមា ៤០ លានរៀល ក្នុងមួយប្រតិបត្តិការ។ ការទូទាត់របស់ប្រព័ន្ធនេះមានលក្ខណៈភ្លាមៗសម្រាប់អតិថិជន និងការរង់ចាំការទូទាត់សុទ្ធរវាងសមាជិកនៅពេលក្រោយក្នុងថ្ងៃតែមួយ។

ប្រព័ន្ធសេវាទូទាត់រហ័សបានដំណើរការទូទាត់ចំនួន ២០២ ថ្ងៃ និងបានទូទាត់ប្រតិបត្តិការផ្ទេរមូលនិធិចំនួន ៦២ ពាន់ប្រតិបត្តិការ ដោយបានកើនឡើង ៣២,២% (ពី ៤៦,៩ ពាន់ប្រតិបត្តិការ) និងទំហំប្រាក់ទូទាត់មានចំនួន ១៤៣,២ ពាន់លានរៀល ដោយបានថយចុះ -២២,៦% (ពី ១៨៥ ពាន់លានរៀល)។

ប្រព័ន្ធខេមបូឌានស៊ែស្វីច (CSS) នៅក្នុឆ្នាំ ២០២១ ៖ ប្រព័ន្ធ CSS បានដំណើរការទូទាត់លើឧបករណ៍ទូទាត់ប័ណ្ណឥណពន្ធ ដែលប្រតិបត្តិការផ្ទេរមូលនិធិនៃឧបករណ៍នេះ កើតឡើងដោយប្រើប្រាស់ម៉ាស៊ីនដក និងដាក់ប្រាក់ស្វ័យប្រវត្តិ (ATM) និងម៉ាស៊ីន POS ជាភ្នាក់ងារប្រតិបត្តិការ។ ប្រព័ន្ធ CSS បានដំណើរការទូទាត់លើប្រតិបត្តិការ ៣ ប្រភេទគឺ៖ ប្រតិបត្តិការផ្ទេរប្រាក់ (ATM) ប្រតិបត្តិការដកប្រាក់ (ATM និង POS) ប្រតិបត្តិការទិញទំនិញ (POS) និងមានប្រតិបត្តិការមិនមែនហិរញ្ញវត្ថុ ៣ ទៀត ដូចជា៖ ប្រតិបត្តិការពិនិត្យសមតុល្យ ប្រតិបត្តិការរបាយការណ៍សង្ខេប និងប្រតិបត្តិការប្ដូរលេខសម្ងាត់។

បច្ចុប្បន្ន ប្រព័ន្ធ CSS មានសមាជិក ៥៣ ក្នុងនោះសមាជិកផ្ទាល់ដែលជាធនាគារពាណិជ្ជមាន ៤៥ និងគ្រឹះស្ថានមីក្រូហិរញ្ញវត្ថុទទួលប្រាក់បញ្ញើមាន ៦ ព្រមទាំងសមាជិកមិនផ្ទាល់ជាធនាគារពាណិជ្ជមាន ២។ ប្រព័ន្ធ CSS បានដំណើរការទូទាត់ចំនួន ២៤២ថ្ងៃ ដោយបានទូទាត់លើប្រតិបត្តិការជាប្រាក់រៀលសរុបចំនួន ៣៨៣,៥ ពាន់ប្រតិបត្តិការ ដោយបានកើនឡើង ៦២,១%(ពី ២៣៦,៦ ពាន់ប្រតិបត្តិការ) និងទំហំប្រាក់ទូទាត់មានចំនួន ៧៦,២ ពាន់លានរៀល ដោយបានកើនឡើងជាង ៧៨,៤% (ពី ៤២,៧ ពាន់លានរៀល) ធៀបនឹងឆ្នាំ ២០២០។ ប្រតិបត្តិការជាប្រាក់ដុល្លារអាមេរិកមានចំនួន ៨៦,៥ ពាន់ប្រតិបត្តិការ ដោយកើនឡើង ៨១% (ពី ៤៧,៨ ពាន់ប្រតិបត្តិការ) និងទំហំប្រាក់ទូទាត់មានចំនួន ១០,៤ លានដុល្លារអាមេរិក ដោយកើនឡើង ១,១ ដង (ពី ៤,៩ លានដុល្លារអាមេរិក) ធៀបនឹងឆ្នាំ២០២០។

ប្រព័ន្ធរីធែលផេ នៅក្នុឆ្នាំ ២០២១ ៖ ប្រព័ន្ធរីធែលផៃមានប្រព័ន្ធរងចំនួន ៣ គឺ៖ ប្រព័ន្ធផ្ទេរមូលនិធិភ្លាមៗ (RFT) ប្រព័ន្ធទូទាត់ចល័ត (MPS) និងប្រព័ន្ធទូទាត់តាមរយៈ QR Code (QPS) ដែលមានប្រព័ន្ធផាត់ទាត់អេឡិចត្រូនិក (ECS) សម្រាប់ធ្វើការបញ្ចូលចំនួនប្រាក់ទូទាត់នៃចំនួនប្រតិបត្តិការ និងកម្រៃប្រតិបត្តិការ ដែលបានគណនាដោយប្រព័ន្ធកណ្ដាល RFT និង QPS។

ប្រព័ន្ធរីធែផេមានសមាជិកសរុបចំនួន ២៣ ជាគ្រឹះស្ថានធនាគារនិងហិរញ្ញវត្ថុ និងត្រូវបានដាក់ឱ្យដំណើរការផ្លូវការកាលពីថ្ងៃទី២៦ ខែមករា ឆ្នាំ២០២១ ដែលមានសមាជិកស្ថាបនិកចំនួន ១៤ កំពុងធ្វើប្រតិបត្តិការ។ ចំណែកឯ ប្រព័ន្ធ QPS និង MPS មិនទាន់ដំណើរការនៅឡើយ។ ប្រព័ន្ធរីធែលផេបានដំណើរការទូទាត់ចំនួន ២៤២ថ្ងៃ។ ប្រតិបត្តិការ ទូទាត់តាមប្រព័ន្ធ RFT ជាប្រាក់រៀលមានការកើនឡើងទាំងចំនួនប្រតិបត្តិការនិងទឹកប្រាក់ ដោយមាន ៣២,១ ពាន់ប្រតិបត្តិការ (កើន ២,៦ ដង) និង ៣៥៦,៩ ពាន់លានរៀល (កើន ៧,២ ដង) រៀងគ្នា បើធៀបនឹងឆ្នាំមុន។ បន្ថែមពីនេះ ការទូទាត់លើប្រតិបត្តិការជាប្រាក់ដុល្លារអាមេរិកទាំងចំនួនប្រតិបត្តិការ និងទឹកប្រាក់កើនឡើង ៦១,៣ ពាន់ប្រតិបត្តិការ (កើន ៣ ដង) និង ១៨៦,១ លានដុល្លារអាមេរិក (កើន ២,២ដង) រៀងគ្នា។

ប្រព័ន្ធបាគងនៅក្នុឆ្នាំ ២០២១ ៖ ចាប់តាំងពីត្រូវបានដាក់ឱ្យដំណើរការ ប្រព័ន្ធបាគងមានគ្រឹះស្ថានជាសមាជិកសរុបចំនួន ៥៥ ដោយក្នុងនោះមានគ្រឹះស្ថានចំនួន ២៧ បានដាក់ឱ្យដំណើរការជាផ្លូវការ និងគ្រឹះស្ថានចំនួន ២៨ ផ្សេងទៀតកំពុងរៀបចំសិក្សា និងធ្វើសន្ធានកម្មតភ្ជាប់ប្រព័ន្ធ។ ប្រព័ន្ធបាគងមានអតិថិជនចុះឈ្មោះប្រើប្រាស់តាមរយៈកម្មវិធីបាគងមានចំនួន ២៥៤ ពាន់គណនី។ ដោយឡែក នៅក្នុងឆ្នាំ ២០២១ ប្រតិបត្តិការធ្វើឡើងតាមប្រព័ន្ធបាគងមានចំនួនសរុប ៥,៧ លានប្រតិបត្តិការ (១,២ លានប្រតិបត្តិការជាប្រាក់រៀល និង៤,៥ លានប្រតិបត្តិការជាប្រាក់ដុល្លារអាមេរិក) និងទំហំសាច់ប្រាក់ប្រតិបត្តិការជាប្រាក់រៀលចំនួន ១,៧ ទ្រីលានរៀល និងជាប្រាក់ដុល្លារអាមេរិកចំនួន ១,៩ ពាន់លានដុល្លារអាមេរិក៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

ព័ត៌មានទូទៅ

មើលទាំងអស់ ➧

បទយកការណ៍, ហិរញ្ញវត្ថុ

• 09/04/2026

បុរីអូរស្វាយ ពីតំបន់សមរភូមិដែលគេបោះបង់ចោលជាង ៦០ឆ្នាំ ក្លាយទៅជាតំបន់ទេសចរណ៍តាមទន្លេមេគង្គ

ចំណេះដឹងទូទៅ, ព្រឹត្តិការណ៍

• 09/04/2026

ស្រុកបុរីអូរស្វាយសែនជ័យ ខេត្តស្ទឹងត្រែង ដែលធ្លាប់តែជាតំបន់ញាំញីដោយភ្លើងសង្គ្រាមស៊ីវិលកាលពីអតីតកាលជាង ៦០ឆ្នាំនោះ បច្ចុប្បន្ន បាន និងកំពុងក្លាយទៅជាតំបន់ទេសចរណ៍ដ៏ស្រស់ត្រកាល និងជាទីទាក់ទាញ

ទីផ្សាររថយន្តអគ្គិសនីរបស់ចិននៅប្រទេសអាល្លឺម៉ង់ កើនឡើងខ្លាំង ដោយសារតម្លៃប្រេងបន្តឡើងខ្ពស់ឥតឈប់ឈរ

ព្រឹត្តិការណ៍, សេដ្ឋកិច្ច

• 09/04/2026

ស្របពេលដែលតម្លៃប្រេងសាំង និងម៉ាស៊ូត បន្តឡើងថ្លៃឥតឈប់ឈរ ការលក់រថយន្តអគ្គិសនី (EVs) របស់ចិននៅក្នុងប្រទេសអាល្លឺម៉ង់នាពេលបច្ចុប្បន្នកំពុងកើនឡើងខ្លាំងគួរឱ្យកត់សម្គាល់

និយ័តករមូលបត្រកម្ពុជា នឹងអនុញ្ញាតឱ្យប្រតិបត្តិករទូរគមនាគមន៍ប្រមូលដើមទុនពីសាធារណជន

ព្រឹត្តិការណ៍, ហិរញ្ញវត្ថុ

• 09/04/2026

ឆាប់ៗខាងមុខនេះ ប្រតិបត្តិករទូរគមនាគមន៍នៅកម្ពុជា នឹងអាចប្រមូលដើមទុនពីសាធារណជន ដើម្បីពង្រឹងសេដ្ឋកិច្ចកម្ពុជាឱ្យកាន់តែរឹងមាំ។ នេះយោងបើតាមសេចក្ដីប្រកាសព័ត៌មានរួម របស់និយ័តករមូលបត្រកម្ពុជា (SERC) និងនិយ័តករទូរគមនាគមន៍កម្ពុជា

រដ្ឋមន្ត្រីការបរទេសចិន លោក Wang Yi ទៅបំពេញទស្សនកិច្ចនៅកូរ៉េខាងជើងក្នុងសប្តាហ៍នេះ

ព្រឹត្តិការណ៍, សេដ្ឋកិច្ច

• 09/04/2026

រដ្ឋមន្ត្រីការបរទេសចិន លោក Wang Yi នឹងទៅបំពេញទស្សនកិច្ចនៅកូរ៉េខាងជើងក្នុងសប្តាហ៍នេះរយៈពេល ២ថ្ងៃ ដើម្បីពង្រឹងចំណងការទូត ទំនាក់ទំនងទ្វេភាគីឡើងវិញ

គម្រោងព្រែកជីកហ្វូណនតេជោកំណាត់ទី ២ នឹងចាប់ផ្តើមសាងសង់ នៅថ្ងៃទី ១១ ខែមេសា ខាងមុខនេះ

ព្រឹត្តិការណ៍, សេដ្ឋកិច្ច

• 09/04/2026

គម្រោងគ្រប់គ្រងធនធានទឹកចម្រុះហ្វូណនតេជោកំណាត់ទី ២ ប្រវែងជាង ១៥១ គីឡូម៉ែត្រ នឹងបើកការដ្ឋានសាងសង់ នៅថ្ងៃទី១១ ខែមេសា ឆ្នាំ២០២៦ ខាងមុខ ក្រោមអធិបតីភាពដ៏ខ្ពង់ខ្ពស់របស់ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា

តម្លៃសេវារថយន្តឈ្នួលឯកជនហក់ឡើងទៅតាមតម្លៃប្រេងឥន្ធនៈចំពេលរដូវបុណ្យចូលឆ្នាំខ្មែរ

ព្រឹត្តិការណ៍, សេដ្ឋកិច្ច

• 09/04/2026

តម្លៃសេវារថយន្តឈ្នួលឯកជន ពីភ្នំពេញទៅបណ្ដាខេត្ត និងពីបណ្ដាខេត្តមកភ្នំពេញ បានហក់ឡើងទៅតាមតម្លៃប្រេងឥន្ធនៈលើទីផ្សារនាពេលបច្ចុប្បន្ន

ទូតចិន៖ ការបើចរាចរណ៍ផ្លូវសមុទ្របន្ថែម នឹងជួយពង្រឹងពាណិជ្ជកម្ម និងវិនិយោគរវាងកម្ពុជា-ចិន

ព្រឹត្តិការណ៍, សេដ្ឋកិច្ច

• 09/04/2026

អ្នកការទូតជាន់ខ្ពស់ចិនរំពឹងថា ក្រោយពីការបើកដំណើរការផ្លូវដឹកជញ្ជូនថ្មីពីកំពង់ផែ Yantian ក្នុងទីក្រុង Shenzhen ប្រទេសចិន ទៅកាន់ Laem Chabang និងខេត្តព្រះសីហនុ ប្រទេសកម្ពុជា វានឹងជួយពង្រឹងទំនាក់ទំនងពាណិជ្ជកម្ម និងវិនិយោគរវាងចិន និងកម្ពុជា បន្ថែមទៀត។

អំឡុងបុណ្យចូលឆ្នាំខ្មែរ ជាកង្វល់នៃកំណើនគ្រោះថ្នាក់ចរាចរណ៍

Uncategorized, ព្រឹត្តិការណ៍, សេដ្ឋកិច្ច

• 09/04/2026

ជាទូទៅ ក្នុងអំឡុងពិធីថ្ងៃបុណ្យជាតិធំៗនៅប្រទេសកម្ពុជា ដូចជាបុណ្យចូលឆ្នាំថ្មីប្រពៃណីជាតិខ្មែរជាដើម ករណីគ្រោះថ្នាក់ចរាចរណ៍តែងតែមានសន្ទុះកើនឡើងច្រើន បើធៀបនឹងថ្ងៃធម្មតា