កសិករម្នាក់នៅខេត្តកែបកែច្នៃកិនចំណីមាន់ដោយខ្លួនឯងអាចផាត់ថ្លៃចំណាយបានជាង ៣០%

កែប ៖ វិស័យចិញ្ចឹមសត្វនៅកម្ពុជាជារួមតែងជួបនូវផលវិបាកជារឿយៗ ដែលបញ្ហាកន្លងមកគឺអ្នកផលិតតែងត្អូញត្អែរថាលក់បានថ្លៃទាប ប៉ុន្តែតម្លៃនៅលើទីផ្សារបែជាមានតម្លៃខ្ពស់ជាងការលក់ចេញរបស់អ្នកផលិតជាដើម។ ជាមួយគ្នានេះ ការចិញ្ចឹមសត្វក៏ត្រូវការដើមទុនច្រើនផងដែរ ក្នុងនោះមួយផ្នែកត្រូវបែងចែកទៅលើចំណីសត្វ និងមួយផ្នែកទៀតត្រូវគិតគូសម្រាប់ការគាំពារសុខភាពសត្វ។

យ៉ាងណាមិញ ប្រសិនបើអ្នកចិញ្ចឹមសត្វអាចមានលទ្ធភាពធ្វើចំណីដោយខ្លួនឯង វាពិតជារឿងដែល អាចចំណេញបានច្រើន ពោលគឺកាត់បន្ថយថ្លៃដើមផលិតបានមួយផ្នែក។ ដូចអ្វីដែលកសិករម្នាក់បានធ្វើ គឺការស្រាវជ្រាវ រិះរកវិធី ដើម្បីកិនចំណីសត្វដោយខ្លួនឯង ដោយមិនចាំបាច់ទិញពីគេ។

កសិកររូបនេះ មានទីលំនៅនៅក្នុងខេត្តកែប ដែលសព្វថ្ងៃលោកជាប្រធានបណ្ដុំចិញ្ចឹមមាន់ស្រែ។លោកបានប្រើប្រាស់នូវម៉ាស៊ីនសម្រាប់វៃចំណី ដោយមានបច្ចេកទេសកាត់បន្ថយការចំណាយ តាមរយៈការកិនកូនត្រី និងសម្បកក្ដាមជាដើម។

លោក អោម ភារុំ បានឱ្យដឹងថា លោកផលិតចំណីនេះ ដើម្បីផ្គត់ផ្គង់ការចិញ្ចឹមមាន់មេ ព្រមទាំង ផលិតកូនមាន់ដើម្បីលក់ផងដែរ។ ម្យ៉ាងទៀត លោកមើលឃើញថា បច្ចុប្បន្នទីផ្សារមាន់សាច់កំពុងមានតម្រូវការខ្ពស់។

លោក អោម ភារុំ បានបញ្ជាក់ទៀតថា លោកបានចាប់ផ្ដើមការចិញ្ចឹមមាន់ និងភ្ញាស់កូនមាន់លក់អស់រយៈពេល ៤ ឆ្នាំហើយ។ អ្វីដែលលោកកំពុងធ្វើធ្វើគឺមិនជាធំដុំទេ ពោលគឺជាលក្ខណៈគ្រួសារ ឆ្លៀតពេល ពីការធ្វើការងារប្រចាំថ្ងៃ។ រីឯចំណូលវិញលោកបានប្រាប់ថា លោកអាចចំណេញបានប្រមាណ ៥០ ម៉ឺនរៀលក្នុងមួយខែ។

លើសពីនេះ សម្រាប់ការកិនចំណីសត្វរបស់លោកវិញ គឺលោកទើបតែចាប់ផ្ដើមធ្វើ ដែលការចាប់ផ្ដើម របស់លោកគឺស្ថិតក្រោមការណែនាំ និងគាំទ្រពីមន្ត្រីជំនាញផលិតកម្ម និងពសុព្យាបាលសត្វ របស់មន្ទីរកសិម្មខេត្ត និងក្រុមការងារ Aspire។

លោក អោម ភារុំ បានថ្លែងថា ៖

“គ្រឿងផ្សំចំណី ខ្ញុំដាក់ម្សៅឆ្អឹងត្រី ពោត ចុងអង្ករ ត្រកូន (ស្លឹកឆៃយ៉ា ចកអាសូឡា) កន្ទក់ និងចំណីទាពង ហើយចាប់តាំងពីខ្ញុំកិនចំណីឱ្យមាន់ស៊ីខ្លួនឯង ខ្ញុំអាចកាត់បន្ថយការចំណាយបានប្រហែលជា ៣០%ដែរ”

បើទោះជាការកិនចំណីដោយខ្លួនឯងនេះអាចកាត់បន្ថយថ្លៃចំណាយបានច្រើន ប៉ុន្តែលោកក៏នៅជួប បញ្ហាក្នុងការស្វែងរកគ្រឿងផ្សំក្នុងការផលិតចំណីផងដែរ ដូច្នេះសម្រាប់ពេលបច្ចុប្បន្ន គឺលោកកំពុងស្រាវជ្រាវបន្ថែមទៀត ដើម្បីឱ្យការផលិតចំណីមានស្ថេរភាព ដែលអាចនាំឱ្យលោកចំណេញបានច្រើនជាមុន។

រីឯតម្លៃនៃការលក់មាន់ លោកបានបញ្ជាក់ថា សម្រាប់កូនមាន់ លោកលក់ជូនសមាជិកក្នុងក្រុមអ្នកចិញ្ចឹមមាន់ក្នុងតម្លៃ 6000៛ ក្នុងមួយក្បាល(អាយុ ២១ ថ្ងៃ)។ សម្រាប់មាន់ដែលពេញគីឡូ ឬហៅថា មាន់សាច់គឺលោកលក់ជួនឈ្មួញនៅក្នុងខេត្ត ដែលបានចុះកុងត្រាទិញជាមួយគ្នាក្នុងតម្លៃ 18000៛/គីឡូ។

ប៉ុន្តែយ៉ាងណា ដោយសារការចិញ្ចឹមសព្វថ្ងៃមានលក្ខណៈជាគ្រួសារនៅឡើយ លោកមានបំណងចង់ពង្រីកបន្ថែមទៀត តាមរយៈការយកកម្ចីពីធនាគារ។ ព្រោះបច្ចុប្បន្នកសិដ្ឋានមានមេមាន់ ៥០ ក្បាល និងឈ្មោល ១០ ក្បាល កូនមាន់ ១៣០ ក្បាល។

កសិករចិញ្ចឹមមាន់រូបនេះបានបន្តថា ៖

“ខ្ញុំមានផែនការពង្រីកផលិតកម្ម ដោយមានបំណង់ចង់ផ្លាស់ប្តូរ រោងឈើ ទៅជាដែក បង្កើនបន្ទប់ទុកដាក់មាន់បន្ថែម តាមផែនការអាជីវកម្មដែលខ្ញុំបានរៀបចំ ដើម្បីស្របតាមតម្រូវការទីផ្សារ”

សម្រាប់ការពង្រីកការចិញ្ចឹមមាន់របស់លោក នៅខែ៧ ឆ្នាំនេះ លោកចង់ឱ្យកើនមេមាន់ដល់ ១៥០ក្បាល និងជំទង់៤០ក្បាល និងពង្រីកលទ្ធភាពនៃការកិនចំណី ដើម្បីកាត់បន្ថយចំណាយ កាន់តែច្រើន៕

ដោយ ៖ កែវ បុស្បា


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ