សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ រោងចក្រនៅក្នុងប្រទេសចិនជាច្រើនកំពុងប្រឈមនឹងការបាត់បង់បុគ្គលិក និងកម្លាំងជំនាញនាពេលអនាគតដោយចំនួនមនុស្សវ័យក្មេងធ្វើការនៅរោងចក្រមានចំនួនតិចទៅៗ។
តាមការរាយការណ៍របស់សារព័ត៌មាន South China Morning Post នៃការិយាល័យស្ថិតិជាតិរបស់ប្រទេសចិន (NBS) បានឱ្យដឹងថា នៅក្នុងឆ្នាំ២០១៩ ភាគរយនៃពលករចំណាកស្រុកដែលមានអាយុលើសពី ៥០ឆ្នាំឡើងទៅមានដល់ ២៤,៦ ភាគរយ កើនឡើងទ្វេដងពី ១១,៤ ភាគរយធៀបទៅនឹងឆ្នាំ២០០៨ ។ ដោយឡែកចាប់តាំងពីឆ្នាំ២០១៣ រហូតមកតួលេខនេះបានកើនឡើងប្រហែលពី ១ ទៅ ២ ភាគរយក្នុងមួយឆ្នាំតែប៉ុណ្ណោះ។
អត្រាកំណើននៃចំនួនពលករចំណាកស្រុកបានកើនឡើងដល់ ៥,៤២ ភាគរយក្នុងឆ្នាំ២០១០ ប៉ុន្តែបានថយចុះមកនៅត្រឹម ០,៨៤ ភាគរយនៅឆ្នាំ២០១៩ ។ នៅក្នុងអំឡុងពេលមានបញ្ហារាតត្បាតជាសកលនៃជំងឺកូវីដ-១៩ ចំនួនពលករធ្វើការក្នុងរោងចក្រក៏មានការថយចុះផងដែររហូតដល់ប្រមាណ ១,៧៨ ភាគរយបន្ថែមទៀត ។
តាមការរាយការណ៍របស់សារព័ត៌មាន CNBC កាលពីខែមេសា ឆ្នាំ២០២១ បានបង្ហាញពីតួលេខផ្លូវការរបស់ប្រទេសចិនថា ចំនួនប្រជាពលរដ្ឋគ្រប់អាយុធ្វើការបានមានការថយចុះជាង ៥លាននាក់ក្នុងមួយទសវត្សរ៍ចុងក្រោយនេះ។ ការធ្លាក់ចុះនេះគឺដោយសារអត្រាកំណើតបានធ្លាក់ចុះ ទោះបីជាមានការដកចេញនៃគោលនយោបាយកូនមួយក្នុងមួយគ្រួសារនៅប្រទេសចិនក៏ដោយ។
ការធ្លាក់ចុះនៃចំនួនកម្មករធ្វើការក្នុងរោងចក្រនៅប្រទេសចិនបានធ្វើឲ្យបណ្តារោងចក្រមួយចំនួនងាកទៅរកវិស័យបច្ចេកវិទ្យាដើម្បីជាជំនួយដោះស្រាយបញ្ហាបន្ទាន់។ ដោយឡែករោងចក្រផ្សេងៗទៀតបានជំរុញឲ្យមានការបន្ថែមប្រាក់ឈ្នួលទៅដល់កម្លាំងកម្មករជំនាញក្នុងរោងចក្ររបស់ខ្លួន ។
តាមការស្រង់សម្តីរបស់សារព័ត៌មាន CNBC ប្រធានផ្នែកបច្ចេកវិទ្យានៅក្រុមហ៊ុន Midea លោក Shirley Zhou បាននិយាយថា មនុស្សដែលមានវ័យក្មេងពុំមានបំណងធ្វើការនៅរោងចក្រឡើយ ខណៈដែលបច្ចុប្បន្នក្រុមហ៊ុន Midea អាចរកបានកម្មករគ្រប់គ្រាន់សម្រាប់ក្រុមហ៊ុន ប៉ុន្តែខ្លួនក៏បានរៀបចំផែនការ៣ឆ្នាំក្នុងការបញ្ចូលជំនាញបច្ចេកវិទ្យាបន្ថែមទៀតទៅក្នុងរោងចក្រទាំង ៣៤ ទីតាំងរបស់ខ្លួនផងដែរ។ ក្រុមហ៊ុនបានព្យាករណ៍ថា ការផលិតស្វ័យប្រវត្តិកម្មជាមួយឧបករណ៍ចាប់សញ្ញា និងរ៉ូបូតនឹងជួយបង្កើនប្រសិទ្ធភាពផលិតកម្មរបស់រោងចក្ររបស់ខ្លួនពី ១៥ ទៅ ២០ ភាគរយ។ ជាក់ស្ដែង ចំពោះរោងចក្រចំនួន ២ ដែលបានបញ្ចូលបច្ចេកវិទ្យារួចហើយទទួលបានប្រសិទ្ធភាពកើនឡើងជិត ៣០ ភាគរយ ដែលជាអត្រាលើសពីការរំពឹងទុក៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រាជធានីភ្នំពេញ កំពុងបោះជំហានថ្មី ឆ្ពោះទៅជាគោលដៅទេសចរណ៍ទីក្រុងលំដាប់អន្តរជាតិ!
Top News, ព្រឹត្តិការណ៍, សេដ្ឋកិច្ច
• 17/08/2026
រដ្ឋមន្ត្រីក្រសួងទេសចរណ៍បានអះអាងថា រាជធានីភ្នំពេញ មិនត្រឹមតែជាមជ្ឈមណ្ឌល នយោបាយ រដ្ឋបាល សេដ្ឋកិច្ច ពាណិជ្ជកម្ម និងវប្បធម៌របស់ព្រះរាជាណាចក្រកម្ពុជាប៉ុណ្ណោះទេ ប៉ុន្តែក៏ជាច្រកទ្វារទេសចរណ៍អន្តរជាតិដ៏សំខាន់
អាម៉េរិក ពិចារណាប្រើបច្ចេកវិទ្យាតាមគំរូរុស្ស៊ី ក្រោយបាត់បង់ប្រព័ន្ធការពារអាកាសតម្លៃរាប់ពាន់លានដុល្លារ
ព្រឹត្តិការណ៍, អាជីវកម្មថ្មី និងនវានុវត្ត
• 17/08/2026
យោធាសហរដ្ឋអាម៉េរិកកំពុងពិចារណាអភិវឌ្ឍរ៉ាដាការពារអាកាសចល័តជំនាន់ថ្មី ដែលអាចតភ្ជាប់ជាបណ្តាញតាមគំរូប្រព័ន្ធ S-300 និង S-400 របស់រុស្ស៊ី បន្ទាប់ពីប្រព័ន្ធរ៉ាដាការពារអាកាសអាម៉េរិកមួយចំនួនត្រូវបានបំផ្លាញក្នុងសង្គ្រាមជាមួយអ៊ីរ៉ង់
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content