សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងគោលដំណងផ្តល់ភាពងាយស្រួលដល់ការទូរទាត់ប្រាក់របស់អតិថិជន គ្រឹះស្ថានធនាគារ និងហិរញ្ញវត្ថុ ចំនួន ៤៩ស្ថាប័ន នៅទូទាំងប្រទេស បានចូលរួមដាក់ដំណើការសាកល្បងប្រព័ន្ឋទូទាត់សងប្រាក់រួមគ្នា។
យោងតាមរបាយការណ៍ធនាគារជាតិនៃកម្ពុជា ចេញផ្សាយកាលពីពេលថ្មីៗឱ្យដឹងថា នវានុវត្តន៍នៃឧបករណ៍ទូទាត់សងប្រាក់តាមបណ្តាញទូទាត់ និងសេវាដែលមានសក្តានុពលបានធ្វើឱ្យសាធារណជន និងសហគ្រាសអាចធ្វើប្រតិបត្តិការហិរញ្ញវត្ថុឌីជីថលបានកាន់តែប្រសើរជាងមុន។
ជាមួយគ្នានេះ ដើម្បីសម្រួលដល់សាធារណជនឱ្យមានភាពងាយស្រួលក្នុងការធ្វើប្រតិបត្តិការផ្ទេរប្រាក់ និងទូទាត់ប្រាក់ អន្តរគ្រឹះស្ថានទាំងតម្លៃរាយ និងតម្លៃធំ ធនាគារជាតិនៃកម្ពុជាបានដាក់ឱ្យដំណើរការសាកល្បងនូវប្រព័ន្ធទូទាត់សងប្រាក់រួមសម្រាប់តភ្ជាប់ហេដ្ឋារចនាសម្ព័ន្ធដែលបានដាក់ឱ្យដំណើរការកន្លងមកជាច្រកទូទាត់តែមួយ ដោយបច្ចុប្បន្ន មានគ្រឹះស្ថានធនាគារ និងហិរញ្ញវត្ថុចំនួន៤៩ ក្នុងចំណោមគ្រឹះស្ថានចូលរួមចំនួន ៧៣ បានដំណើរការសាកល្បងប្រព័ន្ធនេះ។
សេវាទូទាត់សងប្រាក់តាមបែបឌីជីថលនេះ ចូលរួមយ៉ាងសកម្មក្នុងប្រតិបត្តិការទូទាត់ទំនិញ និងសេវាបានយ៉ាងងាយស្រួល រហ័ស និងមានប្រសិទ្ធភាព។ ជាមួយគ្នានេះ ដើម្បីធានាបាននូវភាពរឹងមាំរបស់ប្រព័ន្ធទូទាត់សងប្រាក់ សំដៅបម្រើផលប្រយោជន៍របស់អ្នកប្រើប្រាស់កាន់តែប្រសើរ ធនាគារជាតិនៃកម្ពុជាបន្តយកចិត្តទុកដាក់លើការគ្រប់គ្រង និងត្រួតពិនិត្យគ្រឹះស្ថានផ្តល់សេវាទូទាត់សងប្រាក់លើការអនុវត្តច្បាប់ និងបទប្បញ្ញត្តិនានា រួមទាំងការពិនិត្យ និងតាមដានសុខុមាលភាពរបស់គ្រឹះស្ថាន ព្រមទាំងវាយតម្លៃលើសេវាថ្មីៗរបស់គ្រឹះស្ថានមុនដាក់ឱ្យដំណើរការទៀតផង។
គួរបញ្ជាក់ថា ការអភិវឌ្ឍប្រព័ន្ធទូទាត់សងប្រាក់ ការអភិវឌ្ឍ និងធ្វើទំនើបកម្មប្រព័ន្ធទូទាត់សងប្រាក់ គឺជាការងារអាទិភាពមួយក្នុងចំណោមការងារអាទិភាពផ្សេងទៀតរបស់ធនាគារជាតិនៃកម្ពុជា ដើម្បីឆ្លើយតបនឹងរបត់ថ្មីនៃការទូទាត់ឌីជីថល និងផ្តល់នូវហេដ្ឋារចនាសម្ព័ន្ធប្រព័ន្ធទូទាត់សងប្រាក់ប្រកបដោយសុវត្ថិភាព និងប្រសិទ្ធភាពសម្រាប់សម្រួលដល់សកម្មភាពសេដ្ឋកិច្ចទាំងក្នុងប្រទេស និងតំបន់ស្របតាមនវានុវត្តន៍បច្ចេកវិទ្យា សេដ្ឋកិច្ច និងសង្គមឌីជីថល។
ដោយពិនិត្យឃើញពីសារៈសំខាន់នេះ ហេដ្ឋារចនាសម្ព័ន្ធប្រព័ន្ធទូទាត់សងប្រាក់ ត្រូវបានដាក់ឱ្យដំណើរការជាបន្តបន្ទាប់ ដូចជា ប្រព័ន្ធផាត់ទាត់ជាតិ (NCS) ប្រព័ន្ធសេវាទូទាត់រហ័ស (FAST) ប្រព័ន្ធខេមបូឌានស៊ែស្វីច (CSS) ប្រព័ន្ធបាគង និងប្រព័ន្ធវីផែលផេ (Retail Pay)ជាដើម៕ វិន ឈុនហ៊ាត
Account
Security
Favourite Content