ឥណទាន​សម្រាប់គេហដ្ឋាន​បានកើនឡើងដល់​ជិ​ត ៧០០០លានដុល្លារ​អាមេរិក

ភ្នំពេញ ៖ យោងតាម​របាយការណ៍របស់ធនាគារ​ជាតិនៃកម្ពុជា ដែលបានចេញផ្សាយកាលពីពេលកន្លងទៅថ្មីៗនេះបានបង្ហាញឱ្យឃើញថា​ សម្រាប់ឆមាស​ទី១​ ឆ្នាំ​២០២៣ ទំហំឥណទាន​សរុប​​ដែលធនាគារ​និងមីក្រូហិរញ្ញវត្ថុ​ឯកជនផ្ដល់ជូន​អតិថិ​ជ​ន​ក្នុ​ង​ប្រទេស​កម្ពុជា​មានរហូតដល់ ​២៣៨​,៧​ទ្រីលាន​រៀល​ ឬប្រមាណនឹង​ ៥៧​ពាន់​លាន​ដុល្លា​រ​អាមេរិក ​ក្នុង​នោះ​​ទំហឥណទាន​សម្រាប់ទិញផ្ទះ​ជា​កម្មសិទ្ធិផ្ទាល់​ខ្លួន បានកើនឡើងដល់​ ២៨,៦ទ្រីលានរៀល ​ឬ​ប្រមាណ ៦,៩២ពាន់​លាន​ដុល្លារ​អាមេរិក ។

ក្នុងរបាយការណ៍របស់ធនាគារ​ជាតិ​បានបង្ហាញថា ឥណទានសម្រាប់ទិញផ្ទះ​ជាកម្មសិទ្ធិផ្ទាល់ខ្លួ​​​នេះ បាន​កើន​ឡើង​ប្រមាណ ១៥,៦ភាគរយ បើធៀបនឹង​ឆ្នាំមុន ឬមានចំណែក​ប្រមាណ ១២ភាគរយ​នៃទំហំ​ឥណ​ទាន​សរុប ​ខណៈទំហំ​ឥណទានផ្នែក​ការជួញដូរ ​និងលក់រាយ​ មានចំនួន​ច្រើនជាង​គេ​រហូត​ដល់ ​​៥៩,៥ទ្រី​លានរៀល​ ឬប្រមាណ ១៤,៤១ពាន់លានដុល្លារ​អាមេរិក​ និងមានចំណែករហូតទៅដល់​២៤,៩ភាគរយ​នៃ​ឥណ​ទា​នសរុប ។​

លោក ​មឿង រដ្ឋា​ នាយក​ប្រតិបត្តិ​នៃបុរីវិមាន​ភ្នំពេញ​បានមានប្រសាសន៍ឱ្យដឹងថា ក្នុង​រយៈពេល​ប៉ុន្មានឆ្នាំ​ចុង​ក្រោយនេះ ការទិញ​ផ្ទះ​ពីសំណាក់​ប្រជា​ពល​រដ្ឋ​កម្ពុជា ភាគច្រើន​ធ្វើឡើង​តាមរយៈធនាគារ​ ដោយពួកគាត់​មានប្រាក់ត្រឹមតែ ២០ភាគរយ​ ឬ៣០​ភាគរយ​នៃតម្លៃផ្ទះ គាត់​ក៏ឱ្យ​ខាង​ធនាគារ​សិក្សា​ រួចហើយ​ក៏យក​កម្ចី​ពីធនាគារមកបង់ជាមួយ​អ្នកអភិវឌ្ឍ​ន៍​លំនៅឋាន​ ហើយគាត់បង់ត្រលប់ទៅ​ធនាគារវិញ ។​

លោកបន្តថា​ ការធ្វើដូចនេះ គឺ​បានសម្រួលដល់ប្រជាពលរដ្ឋ​ ដែលមិនមានលទ្ធភាព​ទិញផ្ទះដោយបង់ផ្ដាច់​ ឬក៏សម្រួលដល់ប្រជាពលរដ្ឋ​ក្នុងការទុក​លុយកាក់​សម្រាប់ប្រកបអាជីវកម្មដោយមិនចាំបាច់​យក​លុយ​ទាំង​ដុ​ល​​ទៅ​​ទិញផ្ទះអស់ ហើយអត់មានលុយសម្រាប់ប្រកបរបរ​រកស៊ី​ ឬធ្វើអា​ជីវកម្ម​នោះ​ទេ ។

លោកបន្ត​ថា ៖ កំណើន​នៃ​អ្នកទិញផ្ទះ​បង់​រំលស់ជាមួយបុរី ឬបង់ជាមួយធនាគារ​ ឃើញថា​មាននិន្នាការ​កើន​ឡើង​ខ្ពស់​ ​គិតមកដល់​បច្ចុប្បន្ន​នេះ ដោយ​មិ​​​នសូវ​មានអ្នកទិញផ្ទះ​ដោយបង់ផ្ដាច់​នោះទេ​ ។​ក្នុងអំឡុងនៃវិបត្តិកូវីដ​១៩​ ក្នុង​ឆ្នាំ​២០២០ រហូតដល់ឆ្នាំ ២០២២ ការទិញផ្ទះពីសំណាក់​ប្រជាជនកម្ពុជា​នៅតែមាន​សកម្មភា​ព​ល្អ​ប្រសើរ ប៉ុន្តែ​ក្នុងឆ្នាំ២០២៣​នេះ ការទិញលក់​ផ្ទះ​​មានការ​ថមថយ ជាក់ស្ដែង​បុរីវិមានភ្នំពេញ កាលពីឆ្នាំ២០២០ ​ដល់ ឆ្នាំ២០២២ ការលក់​ផ្ទះនៅ​តែមាន​ភាព​ប្រសើរ តែចូ​លដ​ល់​ឆ្នាំ២​០២៣ ការ​លក់​ក៏ចាប់ផ្ដើម​ថមថយ​ជា​ង៣ឆ្នាំមុ​ន ។

​លោកបញ្ជាក់ថា បច្ចុប្បន្ន​នេះ​មានធនាគារ​ជាច្រើន​បានបង្កើត​កញ្ចប់​ឥណទាន​សម្រាប់ទិញផ្ទះ​ ឬឥណទាន​គេហដ្ឋាន ដូច្នេះ​ អតិថិជន​ ឬប្រជា​ពលរដ្ឋ​អាច​មានជម្រើស​​ក្នុងការជ្រើសរើស​ធនាគារ​ណាមួយដែលគេ​គិតថា​មានការប្រាក់ទាប និងលក្ខខណ្ឌល្អប្រសើរ​ដល់ពួកគាត់​ ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ