សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ សម្ដេចធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានណែនាំដល់ធនាគារជាតិនៃកម្ពុជា (NBC) សហការជាមួយធនាគារឯកជន ដើម្បីសម្រួលដល់ការចាយវាយរបស់ប្រជាពលរដ្ឋ ជាពិសេសការទូទាត់របស់ភ្ញៀវទេសចរចំពោះករណីលុយដុល្លារទក់ ចាស់ ឬដាច់បន្ដិចបន្តួច នៅក្នុងតំបន់ទេសចរណ៍ក្នុងខេត្តសៀមរាប។
សម្តេចធិបតីបានណែនាំដូច្នេះ ត្រូវបានធ្វើឡើងនាឱកាស អញ្ជើញជាអធិបតីក្នុងពិធីបញ្ចុះបឋមសិលាសាងសង់សារមន្ទីរ សម្តេចព្រះព្រហ្មរតនមុនី ពិន សែម នៅខេត្តសៀមរាប នាថ្ងៃទី១៨ ខែកក្កដា ឆ្នាំ២០២៤។
សម្តេចធិបតី នាយយករដ្ឋមន្ត្រី បានណែនាំទៅកាន់ធនាគារជាតិទម្លាក់លក្ខខណ្ឌមួយចំនួនចំពោះការទូទាត់ក្រដាសប្រាក់ដុល្លារ ដែលមានសភាពទក់ ឬមានស្នាមតិចតួច ដើម្បីផ្តល់ភាពងាយស្រួលដល់ការចាយវាយរបស់ភ្ញៀវទេសចរបរទេស និងពលរដ្ឋទូទៅផងដែរ។
សម្តេចធិបតី មានប្រសាសន៍ដូច្នេះថា ៖ «ពេលខ្លះ យើងដាក់លក្ខខណ្ឌកំណត់តឹងពេក គ្រាន់តែលុយដាច់បន្តិច ក៏មិនឱ្យយក ហើយត្រូវកាត់ទឹក។ ដល់អ៊ីចឹង វាពិបាក! កន្លែងលក់ គ្នាយក (លុយដុល្លារ) អត់បាន ព្រោះយកទៅដូរនៅធនាគារ ធនាគារកាត់ទឹក។ ដល់ចឹង អ្នកលក់ត្រូវកាត់ទឹកពីភ្ញៀវ ហើយភ្ញៀវរអ៊ូថា ហេតុអីយកលុយមកចាយហើយពិបាកម្ល៉េស?»
ដោយមើលឃើញពីផលលំបាក់នេះ សម្តេចធិបតី ហ៊ុន ម៉ាណែត បានប្រាប់ទៅកាន់ធនាគារជាតិនៃកម្ពុជាឱ្យធ្វើការជាមួយធនាគារពាណិជ្ជ ឬធនគារឯកជនទម្លាក់លក្ខខណ្ឌមួយចំននួនទាក់ទងនឹងករណីទទួលយកប្រាក់ដុល្លារអាមេរិក ដែលមានបញ្ហារហែកដាច់តិចតួច ឬស្នាមតិចតួច ដើម្បីបង្កភាពងាយស្រួលដល់ការទូទាត់នៅតំបន់ទេសចរណ៍ប្រវត្តិសាស្ត្រមួយនេះ។
គួររំលឹកដែរថា កាលពីខែមិថុនា ឆ្នាំ២០១៦ កន្លងទៅនេះ ធនគារជាតិនៃកម្ពុជា ធ្លាប់បានចេញសេចក្តីជូនដំណឹងមួយដោយបញ្ជាក់ថា ធនាគារជាតិនៃកម្ពុជា នៅតែទទួលក្រដាសប្រាក់ដុល្លារអាមេរិកពីអតិថជនរបស់ខ្លួន (គ្រឹះស្ថានធនាគារ និងហិរញ្ញវត្ថុ) ដែលមានគណនីនៅធនាគារជាតិនៃកម្ពុជា នៅពេលដែលក្រដាសប្រាក់ដុល្លារនោះ ជាក្រដាសប្រាក់ពិតប្រាកដ មិនមែនក្លែងក្លាយ ហើយមានគុណភាពសមស្រប។
សេចក្តីជូនដំណឹងរបស់ធនាគារជាតិនៃកម្ពុជា បានបញ្ជាក់ទៀតថា ធនាគារជាតិនៃកម្ពុជា មិនមានកាតព្វកិច្ចទទួលក្រដាសប្រាក់ រូបិយប័ណ្ណបរទេសចាស់ ទក់ រហែក មានស្នាមប្រឡាក់ ឆេះរោលដោយប្រកាសណាមួយ ហើយប្តូរយកក្រដាស់ប្រាក់ថ្មីបានឡើយ៕
Account
Security
Favourite Content