សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាការពិតណាស់ អ្នកប្រើប្រាស់កម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុមិនមែនសុទ្ធតែទទួលបានជោគជ័យពីការប្រើប្រាស់កម្ចីសម្រាប់អាជីវកម្មរបស់ខ្លួន ឬគោលដៅណាមួយរបស់ខ្លួននោះទេ ហើយពេលដែលមិនទទួលបានជៅគជ័យ វាអាចធ្វើឱ្យអ្នកប្រើប្រាស់កម្ចីធ្លាក់ចូលក្នុងបញ្ហាហិរញ្ញវត្ថុផ្ទាល់ខ្លួន។
ការណ៍នេះទាមទារឱ្យអ្នកប្រើប្រាស់កម្ចីបើកចិត្តឱ្យទូលាយ ក្នុងការជជែកជាមួយភាគីធនាគារ ដើម្បីស្វែងរកដំណោះស្រាយសមស្រមណាមួយ ព្រោះធនាគារតែងតែរង់ចាំផ្តល់ប្រឹក្សា និងពិគ្រោះយោបល់ជាមួយអតិថិជន នៅពេលអតិថិជនណាមួយជួបប្រទះនឹងបញ្ហាទាក់ទងនឹងការប្រើប្រាស់កម្ចី។
លោក ង៉ែត ជូ អ្នកជំនាញហិរញ្ញវត្ថុ និងសេដ្ឋកិច្ចមួយរូបនៅកម្ពុជា បានលើកឡើងថា ក្នុងរយៈពេល ២-៣ ខែចុងក្រោយនេះ លោកទទួលបានសំណួរមួយចំនួនពីអ្នកប្រើប្រាស់កម្ចី។ មានអ្នកខ្លះព្រួយបារម្ភពីលទ្ធភាពក្នុងការសងត្រឡប់។ ខាងក្រោមគឺជាវិធីការពារ ដើម្បីកុំឱ្យធ្លាក់ក្នុងវិបត្តិកាន់តែជ្រៅ ៖
១) ពិគ្រោះយោបល់ជាមួយបុគ្គលិកធនាគារដើម្បីស្វែងរកដំណោះស្រាយប្រកបដោយភាពស្មោះត្រង់។ ក្នុងន័យនេះ អ្នកបើប្រាស់កម្ចីពីធនាគារ ដែលកំពុងបញ្ហាផ្នែកហិរញ្ញវត្ថុ គួរជជែកជាមួយធនាគារ ដែលខ្លួនកំពុងប្រើប្រាស់កម្ចី ដោយភាពស្មោះត្រង់ពីស្ថានភាពហិរញ្ញវត្ថុ នោះភាគីធនាគារសិក្សាស្ថានភាព និងលទ្ធភាពជាជាក់ស្តែង ដើម្បីស្វែងរកដំណោះស្រាយសមស្រប ដែលអាចទទួលយកបានជាក់ជាមិនខាន។
២) ប្រសិនបើអ្នកប្រើប្រាស់កម្ចីពិតជាជួបបញ្ហាហិរញ្ញវត្ថុផ្ទាល់ខ្លួនខ្លាំង ហើយអស់លទ្ធភាពសងត្រឡប់ទៅធនាគារវិញ តាមគោលការណ៍ស្ម័គ្រចិត្ត គួរស្នើសុំឱ្យធនាគារជួយលក់ទ្រព្យធានាដើម្បីទូទាត់បំណុល។ ទោះជាយ៉ាងនេះក្តី អ្នកប្រើប្រាស់កម្ចីអាចស្នើឱ្យភាគីធនាគារសិក្សាកម្ចីរបស់ខ្លួនឡើងវិញ ហើយបន្តពិភាក្សាជាមួយ ដោយបើកចិត្តឱ្យទូលាយ ដើម្បីរកច្រកចេញ និងរកដំណោះស្រាយសមរម្យណាមួយ។
៣) ចៀសវាងដាច់ខាតចំពោះការទៅខ្ចីបុលឈ្មួញចងការឯកជន ដើម្បីយកប្រាក់មកសងធនាគារ។ ព្រោះការប្រាក់ខ្ពស់ និងអាចប្រឈមនឹងបណ្តឹងព្រហ្មទណ្ឌដែលអាចឈានដល់ការឃុំខ្លួន នៅពេលគ្មានប្រាក់សង។ កន្លងមក មិនមានធនាគារណាមួយប្តឹងឃុំខ្លួនអតិថិជន ព្រោះគ្មានប្រាក់សងនោះទេ ប៉ុន្តែមានច្រើនករណីសម្រាប់អ្នកខ្ចីចងការប្រាក់ពីឈ្មួញឯកជន។
គួររំលឹកផងដែរថា អ្នកដែលមានបំណងចង់ប្រើប្រាស់កម្ចីពីធនាគារ និងគ្រឹះស្ថានមីក្រូហិរញ្ញវត្ថុណាមួយ ត្រូវមាន និងរៀបចំផែនការហិរញ្ញវត្ថុផ្ទាល់ខ្លួន ឬផែនការអាជីវកម្មឱ្យបានច្បាស់លាស់ ដើម្បីចៀសវៀងនូវការជួយប្រទះបញ្ហាហិរញ្ញវត្ថុនាពេលខាងមុខ៕
Account
Security
Favourite Content