គម្រោងសាងសង់អាកាសយានដ្ឋានអន្តរជាតិសៀមរាប-អង្គរ នឹងអនុញ្ញាតឱ្យយន្តហោះចុះចតក្នុងរយៈពេល១២ខែខាងមុខនេះ

ភ្នំពេញ ៖​ ទោះបីជា​កម្ពុជា​ស្ថិតនៅក្នុង​ស្ថានភាព​យ៉ាង​ណា​ក្ដី​ គម្រោងសាងសង់​អាកាសយានដ្ឋានអន្តរជាតិសៀមរាប-អង្គរ ​នឹង​បញ្ចប់ទៅតាម​ផែនការ​គ្រោង​ទុក ដោយ​បច្ចុប្បន្ន​ក្រុមការងារ​សាងសង់​​បាន និងកំ​ពុង​មមាញឹក​ក្នុងការ​សាងសង់​ដើម្បីឱ្យ​បញ្ចប់ទៅតាម​ផែនការ និងទទួលឱ្យ​យន្តហោះ​ចុះចត​ជាផ្លូវការ​នៅរយៈ​ពេល​​១២​ខែខាង​មុខ ខណៈដែលបច្ចុប្បន្នសម្រេចបានប្រមាណ៤៤ភាគរយ។​

ឯកឧត្តម ​ស៊ីន ចាន់​សិរីវុត្ថា ​អ្នកនាំពាក្យ​រដ្ឋលេខាធិការ​ដ្ឋានអាកាស​ចរ​ស៊ី​វិលបានមានប្រសាសន៍​តាមទូរសព្ទឱ្យដឹងថា​ គម្រោង​សាងសង់​អាកាសយានដ្ឋានអន្តរជាតិសៀមរាប-អង្គរ ​មិនមានកា​រប្រែប្រួល​អ្វីនោះទេ ដោយក្រុមហ៊ុន​សាងសង់បាន​អះអាង​ថា​នឹង​បញ្ចប់ទៅតាម​ផែនការ​របស់គាត់ គឺនៅក្នុងឆ្នាំ២០២៣​ខាងមុខនេះ  ។

ឯកឧត្តម​បន្តថា​ ៖

“គម្រោង​នេះ​នឹង​បញ្ចប់នៅអំឡុងខែ​មីនា ឆ្នាំ២០២៣ ហើយ​នៅខែតុលា​២០២៣ ​នឹង​ចាប់​ផ្ដើមដំណើរការ​ដែលមានន័យថា​នឹង​ចាប់ផ្ដើម​ទទួលឱ្យយន្តហោះឱ្យ​ចុះចតជាផ្លូវការ ហើយបច្ចុប្បន្ន​គម្រោង​នេះ​កំពុង​តែមមាញឹក​ខ្លាំងក្នុងការ​សាងសង់​​ដើម្បីឱ្យបញ្ចប់​ទាំងស្រុង”

ឯកឧត្តម​បន្តទៀតថា​ ៖

“មកដល់ដំណាច់ខែ​កញ្ញា​ ឆ្នាំ២០២២​ គម្រោងនេះ​បានសម្រេច​លទ្ធផល​ប្រមាណ​៤៤​ភាគរយ​ហើយ  ហើយគម្រោង​នៅសល់​នឹង​ពន្លឿន​ឱ្យ​បានលឿន​បំផុត ពីព្រោះ​គម្រោង​អ្វីមួយ​ វាយូរ​បំផុត​ពី​ការ​​សាង​សង់​បាតគ្រឹះ​ នៅពេល​បាតគ្រឹះ​ ឬខាងក្រោមរួចរាល់ នៅសល់ខាង​លើ​គឺលឿនទេ អញ្ចឹង​ហើយ​គ​ម្រោ​ង​នេះ​នឹង​សម្រេច​ទៅតាម​ផែនការ ហើយ​ដំណើរការ​ជាផ្លូវ​ការ​ទៅតាម​ពេលវេលា​កំណត់”

ឯកឧត្តម​បានលើក​ឡើង​ថា បច្ចុប្បន្ន កម្ពុជា​បាន និងកំពុង​សាងសង់​អាកាសយានដ្ឋានអន្តរជាតិ​ធំៗ​ពីរ​ គឺមួយ​នៅ​ខេត្ត​សៀមរាប និងមួយទៀត​នៅ​ស្រុកកណ្ដាល​ស្ទឹងខេត្តកណ្ដាល ( ព្រលានយន្តហោះតេជោ ) ដោយ​គម្រោ​ងអាកាសយានដ្ឋានអន្តរជាតិសៀមរាប-អង្គរ ​នឹង​ដំណើរការ​មុន​គម្រោងអាកាសយានដ្ឋានអន្តរជាតិ​ខេត្ត​ក​ណ្ដាល​ ពីព្រោះគម្រោង​នៅខេត្តសៀមរាប​បានអនុវត្តន៍​មុន ​និង​បើក​ដំណើរការ​សាងសង់​មុន​គម្រោង​​នៅ​ខេត្ត​កណ្ដាល ។

លោក ​សំ សីហា​ ប្រធានសាខា​នៃក្រុមហ៊ុន​អចលនទ្រព្យ ​Century 21 Zillion Holding ប្រចាំខេត្ត​សៀមរាប​បាន​ឱ្យដឹងថា​​ បច្ចុប្បន្ននេះ​ តំបន់ជុំវិញគម្រោងអាកាសយានដ្ឋានអន្តរជាតិសៀមរាប-អង្គរ ​គឺមានការ​ចាប់​អា​​​រ​ម្ម​ណ៍​​​ពីសំណាក់​វិនិយោគិន​ក្នុងស្រុក និងបរទេស ប៉ុន្តែ​ដោយសារតែស្ថានភាពសេដ្ឋកិច្ច​សកល​មិនទាន់​ដំណើ​រ​ការ​បានល្អប្រសើរ​នៅឡើយ ទើបធ្វើឱ្យ​ការ​បណ្ដាក់ទុនវិនិយោគថ្មីៗ​នៅតំបន់នោះមិនទាន់មាន​សកម្មភាព​កក្រើ​ក​ ។

លោក​បន្តថា នៅខេត្តសៀមរាប​ មានសក្ដានុពល​មួយចំនួន​ដែលទាក់ទាញ​ដល់​ការ​វិនិយោគពីសំណាក់​វិនិយោគិន​ ក្នុងនោះមានផ្លុវ៣៨​ខ្សែ ជា​តំបន់រមណីយដ្ឋាន​ដ៏ល្បីលើ​ពិភពលោក ​និង​មានព្រលានយន្តហោះ​ពីរ​នៅ​ក្នុងខេត្ត​នេះ ដូច្នេះ​នៅពេល​វិបត្តិ​កូវីដ​១៩ និងសង្គ្រាម​រវាង​រុស្ស៊ី និងអ៊ុយក្រែន​បានបញ្ចប់​នឹង​អាច​ទាក់ទាញ​ការ​វិនិយោគថ្មីៗ​ជាច្រើនទៀត​មកកាន់ខេត្តតំបន់ទេសចរណ៍មួយនេះ ៕ ​


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សេដ្ឋកិច្ចថៃបែរជាមានសម្ពាធខ្លាំងដោយសាររោងចក្រចិន និងការនាំចូលទំនិញធូរថ្លៃរបស់ចិន

ព្រឹត្តិការណ៍, សេដ្ឋកិច្ច

• 15/07/2024

សេដ្ឋកិច្ចថៃ កំពុងទទួលរងសំពាធ បន្ទាប់ពីមានបើកដំណើរការរោងចក្រផលិតរថយន្តអគ្គិសនី និងការនាំចូលទំនិញធូរថ្លៃរបស់ចិន

ក្រុមហ៊ុន SUN WAH សម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ព្រឹត្តិការណ៍, សេដ្ឋកិច្ច

• 15/07/2024

ក្រុមហ៊ុន SUN WAH Cambodia បានសម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ការនាំចេញរបស់ចិនកើនឡើងក្នុងល្បឿនលឿន ៨,៦ ភាគរយ លើសពីការរំពឹងទុក

ព្រឹត្តិការណ៍, សេដ្ឋកិច្ច

• 15/07/2024

Financial Times បានលើកឡើងថា ការនាំចេញរបស់ប្រទេសចិនកើនឡើងក្នុងល្បឿនយ៉ាងលឿនបំផុតក្នុងរយៈពេលជាងមួយឆ្នាំចុងក្រោយនេះ បើទោះបីជាមានភាពតានតឹងកើនឡើងជាមួយអឺរ៉ុប និងសហរដ្ឋអាមេរិកក៏ដោយ

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល

តម្លៃជួញដូរហ៊ុននៅកម្ពុជាប្រចាំថ្ងៃ ជាមធ្យមជាង២១ម៉ឺនដុល្លារ តែថ្ងៃខ្លះហក់ឡើងដល់ជាងកន្លះលាន

ព្រឹត្តិការណ៍, សេដ្ឋកិច្ច

• 12/07/2024

តម្លៃជួញដូរហ៊ុនប្រចាំថ្ងៃជាមធ្យមជាង២១ម៉ឺនដុល្លារអាម៉េរិក តែមានថ្ងៃខ្លះបានហក់ឡើងដល់ជាងកន្លះលានដុល្លារ និងប្រមូលបានសាច់ប្រាក់សរុប៣៨៩លានដុល្លារ

គិតត្រឹម ឆមាសទី១ ឆ្នាំ២០២៤ យានយន្តអគ្គិសនីសរុបចំនួន ២ ៩៦៨គ្រឿង បានចុះបញ្ជីជាផ្លូវការ

ព្រឹត្តិការណ៍, សេដ្ឋកិច្ច

• 12/07/2024

ការចុះបញ្ជីយានយន្តអគ្គិសនីដែលជានិន្នាការថ្មី មានការកើនឡើងជារៀងរាល់ថ្ងៃ ដោយប្រជាពលរដ្ឋមានសុទិដ្ឋិនិយមច្រើន និងបង្ហាញការចាប់អារម្មណ៍ខ្ពស់

រយៈពេល ៥ខែ ដើមឆ្នាំ២០២៤ មានទេសចរជាតិ និងអន្តរជាតិសរុបជាង ១២លាន ៦សែននាក់ បានចេញដើរកម្សាន្តនៅទូទាំងប្រទេស

ព្រឹត្តិការណ៍, សេដ្ឋកិច្ច

• 12/07/2024

ទេសចរអន្តរជាតិជាង២លាន៦សែននាក់ បានមកទស្សនាកម្ពុជាក្នុងរយៈពេល៥ខែនៃដើមឆ្នាំ២០២៤ ខណៈទេសចរក្នុងស្រុកមានចំនួន ១០,៦៨៨,០៧៣ នាក់

ក្រសួងកសិកម្ម និងសហគ្រិនខ្មែរ គាំទ្រគោលនយោបាយអាទិភាព«សហគមន៍កសិកម្មទំនើប»

ព្រឹត្តិការណ៍, សេដ្ឋកិច្ច

• 12/07/2024

ក្រសួងកសិកម្ម និង សហគ្រិនខ្មែរ បានចុះ MoU ជាមួយគ្នា ក្នុងគោលបំណងជំរុញការអភិវឌ្ឍប្រព័ន្ធអេកូឡូស៊ី សហគ្រិនភាពឱ្យរស់រវើក

យុទ្ធនាការ «ការទុកដាក់ និងការញែកសំរាម» នឹងជួយឱ្យប្រទេសកម្ពុជាទទួលបានភាពស្អាតតាមដងវីថី និងទីសាធារណៈ

ព្រឹត្តិការណ៍, សេដ្ឋកិច្ច

• 11/07/2024

យុទ្ធនាការ «ការទុកដាក់ និង ការញែកសំរាម» នឹងជួយឱ្យប្រទេសកម្ពុជាទទួលបានភាពស្អាតនៅតាមដងវីថី និងទីសាធារណៈគ្មានសំរាម