ក្រុមហ៊ុនតៃវ៉ាន់ គ្រោងចាយលុយជាង ៥០០ លានដុល្លារ ទិញភាគហ៊ុន ១០០% របស់គឹ្រះស្ថានមីក្រូហិរញ្ញវត្ថុ អម្រឹត

ភ្នំពេញ ៖ កាលពីថ្ងៃទី៤ ខែឧសភា ឆ្នាំ២០២៤ ក្រុមប្រឹក្សាភិបាលនៃក្រុមហ៊ុន SinoPac Holdings និងធនាគារបុត្រសម្ព័ន្ធរបស់ខ្លួន SinoPac ដែលមានមូលដ្ឋាននៅតៃវ៉ាន់ បានសម្រេចអនុម័តទិញភាគហ៊ុន 100% (តម្លៃជាង ៥០០ លានដុល្លារ) របស់គ្រឹះស្ថានមីក្រូហិរញ្ញវត្ថុ អម្រឹត ភីអិលស៊ី នៅកម្ពុជា។ ទោះជាយ៉ាងក៏ដោយ ការសម្រេចទិញភាគហ៊ុននេះ នៅត្រូវការឆ្លងកាត់ដំណាក់កាល និងលក្ខខណ្ឌមួយចំនួន ដូចជា ការអនុម័តបទប្បញ្ញត្តិពាក់ព័ន្ធរវាងភាគីទាំងសងខាង។

យោងតាមសេចក្តីប្រកាស់ព័ត៌មានរបស់ក្រុមហ៊ុន SinoPac បានឱ្យដឹងថា ៖ ហេតុផលរបស់ក្រុមហ៊ុនក្នុងការទិញយកនេះគឺជាយុទ្ធសាស្រ្តចម្បងមួយរបស់ក្រុមហ៊ុន។ ពោល គឺ បង្កើនប្រាក់ចំណូលនៅក្រៅប្រទេស និងពង្រីកវត្តមានជាអន្តរជាតិរបស់ក្រុមហ៊ុន។

ក្រុមហ៊ុន​បានឱ្យដឹងថា កម្ពុជា គឺជាប្រទេសដែលមានសេដ្ឋកិច្ចរីកចម្រើនខ្ពស់បំផុតមួយនៅអាស៊ី ដោយ IMF បានព្យាករណ៍ថា ផលិតផលក្នុងស្រុកសុរប (GDP) កម្ពុជាឆ្នាំ ២០២៣-២០២៨ នឹងមានកំណើនជាមធ្យមប្រចាំឆ្នាំ ៦.៣%។ កម្ពុជាក៏មានទម្រង់ប្រជាសាស្រ្តដ៏ទាក់ទាញបំផុតមួយនៅអាស៊ី ដែលនឹងគាំទ្រដល់កំណើនរយៈពេលវែង។

ក្រុមហ៊ុន SinoPac បានឱ្យដឹងទៀតថា អម្រឹត គឺជាគ្រឹះស្ថានទទួលប្រាក់បញ្ញើមីក្រូហិរញ្ញវត្ថុដ៏ធំបំផុតរបស់កម្ពុជា ដោយគិតពីទ្រព្យសកម្មសរុប ហើយធនាគារ SinoPac ជាអ្នកផ្តល់ប្រាក់កម្ចីដែលមានស្រាប់ដល់អម្រឹត ចាប់តាំងពីឆ្នាំ២០១៧ នឹងអាចពង្រីកបណ្តាញសេវាក្រៅប្រទេសរបស់ខ្លួននៅក្នុងតំបន់អាស៊ីអាគ្នេយ៍តាមរយៈការទិញយកនេះ។

ម្ចាស់ភាគហ៊ុនសំខាន់ៗនាពេលបច្ចុប្បន្នរបស់ អម្រឹត គឺជាស្ថាប័នហិរញ្ញវត្ថុអភិវឌ្ឍន៍អន្តរជាតិដ៏មានកិត្យានុភាព ដែលមានឯកទេសក្នុងការវិនិយោគប្រកបដោយនិរន្តរភាព និងការទទួលខុសត្រូវ លើបរិយាបន្នហិរញ្ញវត្ថុ ដោយរក្សាបាននូវស្តង់ដារការពារអតិថិជនឈានមុខគេក្នុងវិស័យនេះ។ ក្នុងរយៈពេលពីរឆ្នាំបន្ទាប់ពីការទិញយកនេះ សាជីវកម្មហិរញ្ញវត្ថុអន្តរជាតិ (IFC) ដែលជាដៃវិនិយោគផ្នែកឯកជននៃធនាគារពិភពលោកគ្រុប និង FMO ដែលជាធនាគារអភិវឌ្ឍន៍ប្រទេស ហូឡង់ នឹងបន្តធ្វើជាម្ចាស់ភាគហ៊ុន និងដៃគូនៅក្នុងអម្រឹត ហើយធនាគារ SinoPac ទន្ទឹងរង់ចាំ ដើម្បីសហការជាមួយពួកគេបន្តជាមួយការវិនិយោគដោយប្រកបដោយទំនួលខុសត្រូវ និងគោលនយោបាយការពារអតិថិជន។ ទៅអនាគត ធនាគារ SinoPac អាចពង្រីកឥទ្ធិពលវិជ្ជមានរបស់ខ្លួនលើហិរញ្ញវត្ថុប្រកបដោយនិរន្តរភាពតាមរយៈការពង្រឹងសមត្ថភាពវិនយោគដោយប្រកបដោយទំនួលខុសត្រូវ។

គិតត្រឹមថ្ងៃទី ៣១ ខែធ្នូ ឆ្នាំ២០២៣ អម្រឹត មានសាខាប្រតិបត្តិការចំនួន ១៥០ នៅក្នុងខេត្តចំនួន ២៥ នៅទូទាំងប្រទេសកម្ពុជា ដែលមានទ្រព្យសកម្មសរុបចំនួន ២ ពាន់លានដុល្លារអាមេរិក។ ធនាគារ SinoPac នឹងទិញយកភាគហ៊ុនចំនួន ៨០% របស់អម្រឹត ក្នុងតម្លៃចំនួនប្រមាណ ៤៣៥ លានដុល្លារអាមេរិក ក្នុងដំណាក់ដំបូង ហើយ ២ ដំណាក់កាលទៀត គឺទិញយកម្តង ១០% នៅចុងឆ្នាំទីមួយ និងឆ្នាំទីពីរ។ អម្រឹតមានផលិតផលហិរញ្ញវត្ថុសម្បូរបែប ដែលគ្របដណ្តប់លើផលិតផលធនាគារបែបប្រពៃណី និងឌីជីថល។

ការរួមបញ្ចូលគ្នារវាងធនធាន និងជំនាញគ្រប់គ្រងរបស់ធនាគារ SinoPac និងអម្រឹត នឹងបង្កើនសមត្ថភាពយ៉ាងពេញលេញក្នុងការផ្តល់សេវាហិរញ្ញវត្ថុចម្រុះ និងងាយស្រួលបន្ថែមទៀត ដើម្បីបង្កើនតម្លៃអតិថិជន។ ការទិញយកនេះក៏នឹងអនុញ្ញាតឱ្យធនាគារ SinoPac ពង្រីកបណ្តាញក្រៅប្រទេសរបស់ខ្លួន និងបញ្ចេញឥទ្ធិពលវិជ្ជមានបន្ថែមទៀតលើហិរញ្ញវត្ថុប្រកបដោយនិរន្តរភាព។ ក្រុមហ៊ុនសង្ឃឹម​ថា​នឹង​ធ្វើ​ការ​ជាមួយ​គ្នា​ដើម្បី​សម្រេច​បាន​នូវ​ទស្សនវិស័យ​សាជីវកម្ម​របស់​ក្រុមហ៊ុនអំពី “ការ​រួម​គ្នា ជីវិត​កាន់​តែ​ប្រសើរ”៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។

កម្មវិធី «វិថីហិរញ្ញវត្ថុ រដូវកាលទី២» ត្រូវបានបើកសម្ពោធដាក់ដំណើរការជាផ្លូវការហើយ

ព្រឹត្តិការណ៍, ហិរញ្ញវត្ថុ

• 20/06/2024

នៅព្រឹកថ្ងៃទី២០ ខែមិថុនា ឆ្នាំ២០២៤នេះ កម្មវិធី «វិថីហិរញ្ញវត្ថុ រដូវកាលទី២» ដែលផ្តួចផ្តើមផលិតឡើងដោយក្រុមហ៊ុន អប្សរា មេឌា សឺវីស AMS ត្រូវបានបើកសម្ពោធដាក់ដំណើរការជាផ្លូវការ

កម្ពុជា​-​សិង្ហបុរី ​ផ្តួចផ្តើម​ដាក់​ឱ្យ​ដំណើរការថ្នាល​ច្រក​របៀង​តម្លា​ភាព​ហិរញ្ញវត្ថុ​

ព្រឹត្តិការណ៍, សេដ្ឋកិច្ច

• 20/06/2024

កម្ពុជានិងសិង្ហបុរី បានដាក់ដំណើរការថ្នាលច្រករបៀងតម្លាភាពហិរញ្ញវត្ថុដែលគំនិតផ្តួចផ្តើមនេះជំរុញកំណើនពាណិជ្ជកម្ម និងសេវាកម្មហិរញ្ញវត្ថុពាក់ព័ន្ធ

លំអងឃ្មុំ ជាទិន្នផលបានពីការចិញ្ចឹមឃ្មុំមានគុណតម្លៃច្រើនសម្រាប់សុខភាព

ជំនួញ, ព្រឹត្តិការណ៍

• 20/06/2024

លំអងឃ្មុំ ជាទិន្នផលមួយបានពីការចិញ្ចឹមឃ្មុំ ក៏មិនខុសពីផលិតផលពីឃ្មុំដទៃទៀតដែរ ដែលមានតម្លៃថ្លៃ និងមានគុណប្រយោជន៍ច្រើនចំពោះសុខភាពអ្នកទទួលទាន។

អាកាស​យានដ្ឋានអន្តរជាតិតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ព្រឹត្តិការណ៍, អចលនទ្រព្យ

• 20/06/2024

អាកាស​យានដ្ឋានអន្តរជាតិមរតកតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»