សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
មន្ត្រីឥណទាន ឬដែលប្រជាជនភាគច្រើនស្គាល់ថា CO ជាបុគ្គលដែលមានតួនាទីយ៉ាងសំខាន់នៅ ក្នុងវិស័យធនាគារ និងមីក្រូហិរញ្ញវត្ថុ។ សំខាន់ព្រោះ មន្ត្រីឥណទានជាអ្នករកអតិថិជនជូនស្ថាប័ន ធនាគារ និងមីក្រូហិរញ្ញវត្ថុ ហើយក៏ជាអ្នកដោះស្រាយនូវបញ្ហានានាជាមួយអតិថិជនផងដែរ។
យ៉ាងណាមិញ ជាញឹកញយតួនាទីជាមន្ត្រីឥណទានបែរជាត្រូវបានប្រជាជនមើលឃើញថាមិនល្អ តាមរយៈការបង្ហោះចែកចាយលើបណ្ដាញសង្គមអំពីសកម្មភាពដោះស្រាយបញ្ហាជាមួយអតិថិជន។ ម្លោះហើយ តួនាទីរបស់មន្ត្រីឥណទានជារួមក៏ត្រូវបានវាយប្រហារផងដែរ។
ពាក់ព័ន្ធនឹងតួនាទីរបស់មន្ត្រីឥណទាន លោក សុខ សុថា អគ្គនាយកប្រតិបត្តិនៃធនាគារអ៊ូរីបានឱ្យ ដឹងថា ការងារជាមន្ត្រីឥណទាននេះមានបញ្ហាប្រឈមខ្ពស់ណាស់ ជាពិសេសត្រូវដោះស្រាយបញ្ហា ជាប្រចាំជាមួយអតិថិជនដែលប្រើប្រាស់សេវាកម្ម។
លោកបានគូសបញ្ជាក់អំពីតួនាទីសំខាន់ៗរបស់មន្ត្រីឥណទានថា៖
«តួនាទីដំបូងរបស់គាត់គឺផ្សព្វផ្សាយស្វែងរកអតិថិជន ដើម្បីឱ្យអតិថិជនមកប្រើប្រាស់សេវាដែលមានសេវាប្រាក់បញ្ញើ»។
តួនាទីសំខាន់បន្ទាប់ទៀតគឺ វាយតម្លៃ និងសិក្សានូវកម្ចី ថាតើអតិថិជនអាចមានលទ្ធភាពខ្ចីក្នុងកម្រិតណា ទំហំប៉ុណ្ណា អតិថិជនមានចំណូលចំណាយរបៀបម៉េចដើម្បីសមស្របជាមួយនឹងការខ្ចីប្រាក់ ហើយពួកគេគួរតែមានទ្រព្យធានារបៀបណាជាដើម។ ម្យ៉ាងទៀត តើអ្វីជាគោលបំណងនៃការប្រើប្រាស់របស់អតិថិជន ហើយតើទំហំដែលពួកគេខ្ចីនោះស័ក្កសមនឹងគោលបំណងនៃការ ប្រើប្រាស់ឬទេ។
ក្រោយពីបានផ្ដល់កម្ចីដល់អតិថិជនហើយ ស្ថាប័នខ្លះតម្រូវឱ្យមន្ត្រីឥណទានមានតួនាទី សម្របសម្រួលក្នុងការប្រមូលប្រាក់ត្រឡប់មកវិញ។ ជាមួយគ្នានោះ លោក សុខ សុថា បន្តឱ្យដឹងថានៅ ពេលមានបញ្ហាលើការសងត្រឡប់របស់អតិថិជន មន្ត្រីឥណទានក៏ត្រូវជាអ្នកដោះស្រាយ ដោយធ្វើ យ៉ាងណាឱ្យស្ថាប័នរបស់ខ្លួនអាចទទួលបានប្រាក់ត្រឡប់មកវិញ។
ដូច្នេះហើយ មន្ត្រីឥណទានពិតជាមានតួនាទីសំខាន់ ពោលគឺជាស្ពានភ្ជាប់ពីធនាគារ ឬមីក្រូហិរញ្ញវត្ថុទៅកាន់អតិថិជន ហើយវិស័យទាំងនេះពិតជាជួបការលំបាកប្រសិនបើគ្មានមន្ត្រី ឥណទាន៕
Account
Security
Favourite Content