សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាការពិត ទម្លាប់សន្សំប្រាក់គឺជារឿងចាំបាច់មួយដែលមនុស្សគ្រប់គ្នាគួរតែមាន ហើយការសន្សំប្រាក់ក៏អាចធ្វើឱ្យមនុស្សម្នាក់មានការគ្រប់គ្រងថវិកាប្រសើរជាងមុនផងដែរ។ យ៉ាងណាមិញ ប្រសិនបើលោកអ្នកកំពុងតែរៀបចំផែនការសន្សំ ពេលវេលានេះគឺជាពេលដ៏ស័ក្កិសមបំផុតក្នុងការចាប់ផ្ដើម ហើយចំណុចទាំងអស់នៅខាងក្រោមនេះគឺជាគន្លឹះមួយចំនួនក្នុងការអនុវត្តដើម្បីការសន្សំកាន់តែមានប្រសិទ្ធភាព ៖
១. ដោះបំណុលឱ្យអស់ ៖ ច្បាស់ណាស់ ការសន្សំពិតជាមិនអាចធ្វើទៅបានជោគជ័យដោយរលូននោះទេ ប្រសិនបើលោកអ្នកនៅមានជាប់បំណុលនានា មិនថាជាបំណុលតូច ឬធំនោះទេ។ ដូច្នេះ ជាជំហានដំបូង លោកអ្នកគួរតែសងបំណុលឱ្យអស់សិនមុននឹងចាប់ផ្ដើមសន្សំ។
២. សន្សំយកការប្រាក់ ៖ ជំនួសឱ្យការសន្សំដោយខ្លួនឯងដែលគ្មានការប្រាក់ លោកអ្នកគួរបង្វែរការចាប់អារម្មណ៍ទៅលើការសន្សំដែលមានការប្រាក់ និងមានសុវត្ថិភាពខ្ពស់ គឺការសន្សំជាមួយធនាគារ។ ប៉ុន្តែយ៉ាងណា ធនាគារនីមួយៗមានលក្ខខខណ្ឌ និងការផ្ដល់ឱ្យផ្សេងៗគ្នា ដូច្នេះលោកអ្នកអាចស្វែងយល់បន្ថែម ដើម្បីជ្រើសរើសសន្សំជាមួយធនាគារណាដែលមានល័ក្ខខណ្ឌល្អជាងគេ។
៣. ធ្វើឱ្យការសន្សំមានភាពទាក់ទាញ ៖ ការសន្សំប្រាក់វាមានការលំបាកស្រាប់ទៅហើយ ដូច្នេះប្រសិនបើយើងមិនចេះច្នៃវាឱ្យមានភាព ទាក់ទាញទេ យើងទំនងជាមិនអាចសន្សំដល់គោលដៅឡើយ។ អ្វីដែលលោកអ្នកអាចធ្វើបានដើម្បីកែប្រែការសន្សំមានដូចជា សន្សំរយៈពេលខ្លី (short-term saving challenge) ឬសាកល្បងមិនចំណាយអ្វីសោះក្នុងមួយថ្ងៃ (No-spend challenge for a day) ។
៤. កុំកាត់នូវចំណាយដែលអាចលើកទឹកចិត្តអ្នក ៖ លោកអ្នកប្រហែលធ្លាប់បានឮមកច្រើនហើយនូវគន្លឹះកាត់បន្ថយការចំណាយលើអ្វីដែលមិនចាំបាច់ ដើម្បីយកចំណែកនោះទៅសន្សំ។ ប៉ុន្តែលោកអ្នកត្រូវចេះបែងចែកថា តម្រូវការខ្លះថ្វីត្បិតតែមិនចាំបាច់ខ្លាំង ក៏ប៉ុន្តែថាចាំបាច់ក្នុងការលើកទឹកចិត្តរបស់លោកអ្នក។ ជាឧទាហរណ៍៖ ការផឹកកាហ្វេ គឺអាចកាត់បន្ថយបាន ប៉ុន្តែសម្រាប់មនុស្សមួយចំនួនដែលនិយមផឹកកាហ្វេជាប្រចាំ វាអាចជាប្រភេទចំណាយដែលជួយឱ្យពួកគេមានភាពច្នៃប្រឌិតក្នុងការគិត ឬយ៉ាងហោចណាស់ជួយដាស់ស្មារតីមិនឱ្យងងុយជាដើម។
៥. ទិញទំនិញប្រកបដោយភាពឆ្លាតវៃ ៖ ការទិញទំនិញ អាចរាប់បញ្ចូលជាតម្រូវការចាំបាច់មួយដែលយើងមិនអាចកាត់ផ្ដាច់បាន។ បន្តែយើងក៏នៅតែកាត់បន្ថយការចំណាយលើការទិញទំនិញបាន តាមរយៈការប្រើប្រាស់ភាពឆ្លាតវៃក្នុងការទិញ។
ក្នុងការទិញទំនិញអ្វីមួយ លោកអ្នកគួរតែទិញដោយមានជម្រើសដែលជម្រើសនេះកើតចេញពីការប្រៀបធៀបទំនិញពីហាងមួយទៅហាងមួយទៀត។ ក្រៅពីនោះ លោកអ្នកអាចទិញទំនិញដែលមានការបញ្ចុះតម្លៃ និងទំនិញលាងឃ្លាំងជាដើម។
វិធីដ៏មានប្រសិទ្ធភាពមួយក្នុងការទិញទំនិញផងដែរគឺ លោកអ្នកគួរកុំទិញទំនិញនោះភ្លាមៗប្រសិនបើវាមិនទាន់ចាំបាច់ខ្លាំង។ ការទុកពេលសម្រាប់គិត អាចឱ្យលោកអ្នកប្ដូរចិត្តលែងចង់បានទំនិញនោះវិញ៕
Account
Security
Favourite Content