សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អំពៅ ជារុក្ខជាតិមួយប្រភេទដែលបងប្អូនប្រជាកសិករខ្មែរនិយមដាំ ដោយសារតែវាមានប្រយោជន៍ច្រើន ដូចជាគាបយកទឹកធ្វើជាភេសជ្ជៈដ៏ឈ្ងុយឆ្ងាញ់ ចម្រាញ់ធ្វើជាស្ករ ជាពិសេសសូម្បីតែកាកអំពៅដែលគេគាបយកទឹកអស់នោះ ក៏គេអាចកែច្នៃទៅជាចានបរិស្ថានសម្រាប់ដាក់អាហារបានទៀតផង។
អិមជី ផេស៊ីហ្វិក ឯ.ក (MG Pacific Company Limited) ជាក្រុមហ៊ុនក្នុងស្រុកមួយដែលបានរិះរកមធ្យោបាយកែច្នៃកាកសំណល់ផ្សេងៗដែលមនុស្សទូទៅគិតថាគ្មានប្រយោជន៍ទាល់តែសោះ ទៅជាសម្ភារៈប្រើប្រាស់ដែលមានតម្លៃ តួយ៉ាងដូចជាចានធ្វើពីកាកអំពៅដែលអាចដាក់អាហារបានច្រើន គ្មានជាតិគីមី មិនប៉ះពាល់ដល់បរិស្ថាន។
លោក តាំង សុជាតិ ប្រធានក្រុមហ៊ុន ខាងលើបានមានប្រសាសន៍ថា ៖
“ក្រោយពេលខ្ញុំរៀនចប់មហាវិទ្យាល័យឆ្នាំ២០០៦ ខ្ញុំបានធ្វើការជាមួយអង្គការ និងក្រុមហ៊ុនអន្តរជាតិជាច្រើនប្រហែល ៦-៨ឆ្នាំ ពេលនោះយើងឃើញមានជនបរទេសមកធ្វើជាអ្នកដឹកនាំច្រើន ទើបខ្ញុំមានគំនិតមួយចង់បានក្រុមហ៊ុនខ្មែរ មានអ្នកដឹកនាំខ្មែរយើង ពោលគឺធ្វើការក្នុងក្រុមហ៊ុនបង្កើតនៅខ្មែរ និងអាចនាំផលិតផលចេញទៅក្រៅប្រទេសបាន”
ប្រធានក្រុមហ៊ុនរូបនេះបានបន្ថែមថា ៖
“ដើម្បីមានទំនុកចិត្តហៅថាផលិតផលខ្មែរពិតប្រាកដ ខាងក្រុមហ៊ុនយើងបានសិក្សាពីការដំឡើងម៉ាស៊ីន គឺគ្រប់ប្រភេទម៉ាស៊ីនទាំងអស់នៅក្នុងខ្សែសង្វាក់ផលិតកម្មសុទ្ធតែធ្វើនៅខ្មែរ។ ទីពីរគឺការសិក្សាពីវត្ថុធាតុដើមនៅស្រុកខ្មែរ ដែលយើងបានសិក្សាពីក្រចៅ ដើមចេក និងកាកអំពៅដែលងាយស្រួលរកនៅស្រុកខ្មែរយើង”
ទាក់ទងទៅនឹងដំណើរកាផលិត លោក តាំង សុជាតិ បានរៀបរាប់ថា នៅពេលដែលបានកាកអំពៅមក ទីមួយត្រូវហាលវាឱ្យស្ងួត បន្ទាប់មកកាត់វាទៅជាបំណែកតូចៗ។ គេយកបំណែកកាកអំពៅនេះទៅស្ងោររយៈពេល៨ម៉ោងឱ្យមានសភាពទន់ និងលាងសម្អាតឱ្យអស់ជាតិស្ករ។ បន្ទាប់មកគេយកវាទៅកូរបំបែកឱ្យម៉ដ្ឋ និងយកទៅចាក់ក្នុងពុម្ពជាសន្លឹកៗហើយដាក់ហាលថ្ងៃ។ ចុងក្រោយទើបគេយកសន្លឹកនោះទៅដាក់ក្នុងពុម្ពកម្ដៅចាក់ចេញជារូបរាងចានជាការស្រេច។ ចំពោះពុម្ពកម្ដៅនេះគឺគេប្រើកម្ដៅដល់ទៅ ២០០អង្សារ ដែលអាចសម្លាប់មេរោគ រំងាប់សន្លឹកកាកអំពៅ ពិសេសគឺម៉ាស៊ីនដែលប្រើទម្ងន់សង្កត់ដល់ទៅ១០តោនដែលធ្វើឱ្យចានមានសភាពហាប់ និងការពារជម្រាបទឹកបានល្អ។ លក្ខណៈពិសេសរបស់ចានធ្វើពីកាកអំពៅនេះគឺថា ត្បិតចាននេះធ្វើពីកាកអំពៅតែអាចប្រើវាដាក់ម្ហូបអាហារបានដោយមិនបារម្ភពីការលេចជ្រាប ហើយកាន់តែពិសេសនោះគឺបន្ទាប់ពីប្រើប្រាស់ហើយ ចានប្រភេទនេះអាចរលាយទៅជាជីកំប៉ុសក្នុងរយៈពេល៣០ថ្ងៃ។
ពាក់ព័ន្ធនឹងការចំណាយ លោក តាំង សុជាតិ បានបញ្ជាក់ថា ៖
“យើងត្រូវត្រៀមឱ្យលើសប្រាំដងនៃការគិតរបស់យើង មានន័យថាបើយើងគិតថាអស់១០០ យើងត្រូវត្រៀមឱ្យបាន ៥០០ ដោយសារវាតែងតែមានការប្រែប្រួលនៅពេលយើងអនុវត្ត។ ការគ្រប់គ្រងផ្នែកហរិញ្ញវត្ថុនេះគឺមានសារៈសំខាន់បំផុត ដែលយើងត្រូវការកត់ត្រា និងរក្សាទុកនូវរាល់ព័ត៌មានទាំងអស់ទាក់ទងនឹងចំណាយចំណូល ហើយនៅពេលដែលយើងទាល់ត្រង់ចំណុចណាមួយ យើងអាចបកទៅមើលពីកំណត់ត្រាទាំងនេះបាន”
ជាមួយគ្នានេះ លោកក៏បានបញ្ជាក់ពីផលលំបាកក្នុងការដឹកនាំ គ្រប់គ្រង និងស្វែងរកចំណែកទីផ្សារ ផងដែរ ដោយលោកបានលើកឡើងយ៉ាងដូច្នេះថា
“ផលលំបាកច្បាស់ជាមានហើយ ប៉ុន្តែចំណុចដែលជំរុញចិត្តរបស់ខ្ញុំនោះគឺធ្វើយ៉ាងណាឱ្យមានផលិតផលខ្មែរមួយពិតប្រាកដ។ នៅថ្ងៃអនាគត អិមជី ផេស៊ីហ្វិក នឹងបង្កើតនូវផលិតផលបរិស្ថានបន្ថែមទៀត ដែលផលិតពីដំឡូង ពោត មានលទ្ធភាពអាវេចខ្ចប់របស់របរផ្សេងៗបានកាន់តែច្រើន និងអាចរលាយទៅជាជីបន្ទាប់ពីប្រើប្រាស់រួច”
ចុងក្រោយ លោក តាំង សុជាតិ បានផ្ដល់ជាសារចែករំលែកដល់បងប្អូនដែលចង់ចាប់ផ្ដើមអាជីវកម្មប្រភេទនេះ ទីមួយគឺត្រូវគិតថាខ្លួនឯងស្រឡាញ់ជាមុនសិន ព្រោះនៅពេលដែលស្រឡាញ់អ្វីមួយពិតប្រាកដ វាគឺជាកម្លាំងចិត្តដែលជំរុញឲ្យព្យាយាមធ្វើយ៉ាងអំណត់ និងគ្មានលក្ខខណ្ឌ ដើម្បីសម្រេចបានគោលបំណង ហើយនៅពេលដែលវាហុចផលត្រឡប់មកវិញ វាក៏ជាផលដែលឥតលក្ខណ្ឌដូចគ្នា៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Putin ធ្វើទស្សនកិច្ចលើកដំបូងបង្អស់ទៅកាន់ប្រជុំកោះ Kuril តំបន់ជម្លោះដ៏រ៉៉ាំរ៉ៃជាមួយជប៉ុន
ព្រឹត្តិការណ៍, អាជីវកម្មថ្មី និងនវានុវត្ត
• 13/08/2026
ប្រធានាធិបតីរុស្ស៊ី លោក Vladimir Putin បានធ្វើទស្សនកិច្ចជាលើកដំបូងបង្អស់របស់លោកទៅកាន់ប្រជុំកោះ Kuril ក្នុងអំឡុងពេលធ្វើដំណើរទស្សនកិច្ចការងារនៅតំបន់ស៊ីបេរី និងចុងបូព៌ា
អាម៉េរិកបង្ខំក្រុមហ៊ុនអាវុធធំៗ ដាក់ផែនការបង្កើនផលិតកម្មក្នុងរយៈពេល ២១ ថ្ងៃ
ព្រឹត្តិការណ៍, អាជីវកម្មថ្មី និងនវានុវត្ត
• 13/08/2026
ក្រសួងការពារជាតិអាម៉េរិក បានទុកពេលត្រឹម ២១ ថ្ងៃ ឱ្យក្រុមហ៊ុនផលិតអាវុធធំៗ ដាក់ជូនផែនការលម្អិតសម្រាប់ពន្លឿនការផលិតសព្វាវុធសំខាន់ៗ ខណៈស្តុកមីស៊ីលរបស់អាម៉េរិកបានធ្លាក់ចុះយ៉ាងខ្លាំង បន្ទាប់ពីការប្រើប្រាស់សព្វាវុធក្នុងប្រតិបត្តិការយោធានៅមជ្ឈិមបូព៌ានាពេលថ្មីៗនេះ
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content