អ្នកជំនាញ ៖ សុខភាពហិរញ្ញវត្ថុមានសារៈសំខាន់ ដែលយើងគ្រប់គ្នាគួរតែត្រួតពិនិត្យជាទៀងទាត់

ភ្នំពេញ ៖ ជាទូទៅ គេនិយាយតែអំពីការពិនិត្យសុខភាព និងថែរក្សាសុខភាពរាង្គកាយ ប៉ុន្តែមែនទែនទៅ សុខភាពហិរញ្ញវត្ថុក៏ជារឿងសំខាន់មួយទៀតសម្រាប់ការរស់នៅ ដែលប្រជាជនគួរយកចិត្តទុកដាក់។

សុខភាពហិរញ្ញវត្ថុល្អ គឺសំដៅទៅលើការចេះចាត់ចែងលុយកាក់ ការចេះរៀបចំផែនការហិរញ្ញវត្ថុឱ្យបានច្បាស់លាស់ ការរៀបចំ​គម្រោង​សន្សំ ឬការប្រើប្រាស់កម្ចីដើម្បីពង្រីកអាជីវកម្មជាដើម។ នៅពេលដែលសុខភាពហិរញ្ញវត្ថុរបស់​បុគ្គលមានភាពល្អប្រសើរហើយ បុគ្គលនោះកម្រនឹងជួបប្រទះ​បញ្ហាហិរញ្ញវត្ថុណាស់។ យ៉ាងណាមិញ ទាំងនេះជាអ្វីដែលយើងគ្រប់គ្នាអាចធ្វើដោយខ្លួនឯងបាន ប៉ុន្តែយើងក៏នៅតែអាចឆែកសុខភាពហិរញ្ញវត្ថុផ្ទាល់ខ្លួនបានតាមរយៈស្ថាប័នដែលធ្វើការលើរឿងនេះផងដែរ។

Credit Bureau Cambodia (CBC) គឺជាឈ្មោះស្ថាប័នផ្លូវការដែលកត់ត្រានូវរបាយការណ៍ហិរញ្ញវត្ថុរបស់ប្រជាជន ឬអតិថិជនដែលធ្លាប់ប្រើប្រាស់ ឬកំពុងប្រើប្រាស់កម្ចីពីស្ថាប័នធនាគារ ឬមីក្រូ ហិរញ្ញវត្ថុ ណាមួយ។

ស្ថាប័នផ្ដល់កម្ចីផ្លូវការ (ធនាគារ ឬមីក្រូហិរញ្ញវត្ថុ)​ ដែលស្ថិតក្រោមធនាគារជាតិនៃកម្ពុជាទាំងនោះ នឹងត្រូវផ្ដល់ជូននូវ​របាយការណ៍សងត្រឡប់របស់អតិថិជន ទៅកាន់ក្រុមហ៊ុន Credit Bureau Cambodia (CBC) ដើម្បីជាទិន្នន័យក្នុងការវាយតម្លៃស្ថានភាពហិរញ្ញវត្ថុរបស់អតិថិជន។ ក្នុងករណីដែលអតិថិជនមានទំនួលខុសត្រូវក្នុងការសងត្រឡប់ដោយទៀងទាត់ ក៏មានន័យថា អតិថិជនរូបនោះមានសុខភាពហិរញ្ញវត្ថុល្អ ដែលវាអាចជារឿងងាយស្រួលសម្រាប់ពួកគេក្នុងការប្រើប្រាស់កម្ចីផ្លូវការបន្ថែមទៀតនៅថ្ងៃអនាគត។

លោក ផៃ សុផល ដែលជានាយកសេវាអតិថិជននៃក្រុមហ៊ុន CBC បានឱ្យដឹងថា ប្រជាជនអាចឆែកសុខភាពហិរញ្ញវត្ថុរបស់ខ្លួនដោយឥតគិតថ្លៃក្នុងរយៈពេលមួយឆ្នាំម្ដង ពី CBC ដើម្បីអាចដឹងពីស្ថានភាពហិរញ្ញវត្ថុរបស់ខ្លួន។

លោកបន្តឱ្យដឹងទៀតថា​ ប្រសិនបើប្រជាជនបានត្រួតពិនិត្យ និងបានរកឃើញថារបាយការណ៍ ប្រវត្តិឥណទានរបស់ខ្លួនមិនល្អ ពួកគេក៏នៅតែអាចកែប្រែ (ព្យាបាល) បានតាមរយៈការសងត្រឡប់ឱ្យបានទៀងទាត់វិញ។

បើតាមការបញ្ជាក់របស់អ្នកជំនាញរូបនេះ ការសងត្រឡប់ទៅកាន់ស្ថាប័នផ្ដល់កម្ចីឱ្យបានទៀងទាត់ ក្នុងរយៈពេលណាមួយ នឹងធ្វើឱ្យប្រវត្តិល្អថ្មីៗទៅគ្របដណ្ដប់នូវប្រវត្តិចាស់ៗ ដែលស្មើទៅនឹងការ កសាងប្រវត្តឥណទានឱ្យល្អឡើងវិញ។

ជាចុងក្រោយ លោកក៏បានគូសបញ្ជាក់ផងដែរថា ការឆែក CBC មិនមែនជារឿងដែលប្រជាជនគួរ​ភ័យខ្លាច​នោះទេ ផ្ទុយទៅវិញ វាជាការធានាបាននូវសុខភាពហិរញ្ញវត្ថុដែលល្អមួយ ដើម្បីប្រយោជន៍ ទៅថ្ងៃអនាគត៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល