សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងការរៀបចំប្រារព្ធពិធីសែននាឱកាសចូលឆ្នាំប្រពៃណីចិន-វៀតណាម ភាគច្រើនអ្នកដែលមានទម្លាប់ក្នុងគ្រួសារ ក៏ដូចជាអ្នកដែលជាប់ខ្សែស្រឡាយចិនតែងតែរៀបចំគ្រឿងរណ្ដាប់រួមមានដូចជា ទៀន ធូប នំនែក ភេសជ្ជៈ ក៏ដូចជាម្ហូបអាហារពិសេសៗជាច្រើនមុខ ដែលនៅក្នុងនោះ មុខម្ហូបមីឆា និងសម្លរចាប់ឆាយតែងមានជានិច្ច ហើយបន្លែដែលមានតម្រូវការជាងគេនោះគឺ ខាត់ណាដើម ដែលជាបន្លែសំខាន់មិនអាចមើលរំលងបាននោះទេ។
បើតាមអ្នកស្រី យឿន លាងឈុន ជាស្ត្រីមេផ្ទះមួយរូបបានរៀបរាប់ឱ្យដឹងថា ចំពោះខាត់ណាដើម ភាគច្រើនត្រូវបានគេប្រើសម្រាប់ធ្វើម្ហូបប្រភេទឆា ដូចជា ឆាមី ឆាសាច់គោ ឆាបាយ និងមុខម្ហូបស្ងោរចាប់ឆាយជាដើម ដែលកាន់តែជួយបង្កើនរសជាតិយ៉ាងឈ្ងុយឆ្ងាញ់។
អ្នកស្រីបន្តថា សម្រាប់ឱកាសពិធីបុណ្យចូលឆ្នាំថ្មីប្រពៃណីជនជាតិចិន-វៀតណាម ខាងមុខនេះ បន្លែខាត់ណាដើម នឹងមានតម្រូវការខ្ពស់ ហើយតម្លៃក៏ថ្លៃគួរសមដែរ ដោយកន្លែងខ្លះលក់ក្នុងតម្លៃ ១ម៉ឺនរៀល ខ្លះទៀតលក់ដល់ទៅ ១២ ០០០រៀលក្នុងមួយគីឡូក្រាមក៏មាន។ ណាមួយបន្លែនេះភាគច្រើនគឺមានតម្រូវការប្រើតែដើម យកមកឆាលាយជាមួយមី ឬលាយជាមួយម្ហូបផ្សេងទៀត ដែលត្រូវទិញបរិមាណច្រើនបន្តិច។ ជាក់ស្ដែង សម្រាប់គ្រួសាររបស់អ្នកស្រី ស្ទើររាល់ឆ្នាំ នៅក្នុងពិធីបុណ្យចូលឆ្នាំចិន តែងមានតម្រូវទិញបន្លែខាត់ណាដើមមិនក្រោម៣គីឡូក្រាមនោះទេ។
គួរបញ្ជាក់ដែរថា ចំពោះខាត់ណាដើម ក្រៅពីអាចច្នៃធ្វើជាម្ហូបបានច្រើនមុខ និងមានរសជាតិឆ្ងាញ់ វាក៏មានផ្ទុកនូវសារធាតុចិញ្ចឹមជាច្រើនសម្រាប់ជួយទ្រទ្រង់សុខភាពដូចជា វីតាមីនA វីតាមីនC និងK សារធាតុរ៉ែ ក៏ដូចជាសារធាតុប្រឆាំងអុកស៊ីតកម្មមួយចំនួនទៀតដែលអាចកាត់បន្ថយហានិភ័យនៃជំងឺបេះដូង ប្រឆាំងជំងឺមហារីក និងជំនួយដល់ភ្នែកថែមទៀតផង។ ក្រៅពីនេះ ខាត់ណាគឺជាបន្លែដែលពេញនិយម និងជាសមាជិកនៃគ្រួសារស្ពៃ ដោយប្រភេទដើមខាត់ណាមានច្រើនប្រភេទខុសៗគ្នា ខ្លះមានស្លឹកពណ៌បៃតង ឬពណ៌ស្វាយ ហើយមានរាងរលោង ឬអង្កាញ់ ហើយដើមខាត់ណាប្រភេទទូទៅត្រូវបានគេហៅថា ខាត់ណាបៃតង ដែលមានស្លឹកបៃតង អង្កាញ់ មានដើមរឹង និងមានសរសៃ៕
Account
Security
Favourite Content