សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ មានការកោតសរសើរ និងស្ញប់ស្ញែងមិនតិចនោះទេពាក់ព័ន្ធទៅនឹងការងើបចេញពីវិបត្តិនៃជំងឺកូវីដ-១៩ ព្រមគ្នាជាមួយនឹងការស្តារសេដ្ឋកិច្ចយ៉ាងឆាប់រហ័សលើពីការរំពឹងទុករបស់កម្ពុជា។ បន្ថែមពីនេះ អ្វីដែលកាន់តែរីករាយនោះ គឺរាជរដ្ឋាភិបាលកម្ពុជាដែលមានសម្ដេចតេជោជានាយករដ្ឋមន្ត្រីបានសម្រេចអនុញ្ញាតឱ្យប្រារព្វពិធីបុណ្យចូលឆ្នាំប្រពៃណីជាតិខ្មែរយ៉ាងសប្បាយ និងមានអ្នកចេញដើរកម្សាន្តរហូតជាង៥លាននាក់ក្នុងរយៈពេល៤ថ្ងៃនៃពិធីបុណ្យកន្លងទៅនេះ។
សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងពិធីសម្ពោធសមិទ្ធផលនានាដែលជាគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញជំហានទី៤ នៅព្រឹកទី២០ ខែមេសា នេះបានលើកឡើងថា មានកត្តាចំនួន ៦ ដែលធ្វើឱ្យប្រជាពលរដ្ឋបានដើរលេងសប្បាយរីករាយនៅក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ដែលទើបតែបញ្ចប់ទៅថ្មីៗនេះ។
សម្តេចតេជោ ហ៊ុន សែន ថ្លែងថា ការចូលឆ្នាំកន្លងទៅថ្មីៗនេះ មានភាពខុសពីធម្មតា ហាក់ប្រៀបដូចព្រឹត្តិការណ៍ថ្ងៃ៧មករា ឆ្នាំ១៩៧៩ ដែលប្រជាជនចេញពីរបបប៉ុលពត ក៏ប្រៀបធៀបបានទៅនឹងការបញ្ចប់សង្គ្រាម នាំមកនូវសន្តិភាព និងឯកភាពជាតិតាមនយោបាយឈ្នះ-ឈ្នះដែលប្រជាជនអបអរសាទរកាលដែលប្រទេសមួយគ្មានសង្គ្រាម និងអាចប្រៀបប្រជាជនបានចេញពីការកៀបសង្កត់រយៈពេលជាង២ឆ្នាំនៃជំងឺកូវីដ-១៩។
សម្តេចតេជោ ហ៊ុន សែន បានគូសបញ្ជាក់ថា មានកត្តា៦ ដែលផ្តល់ឱ្យប្រជាពលរដ្ឋ បានដើរលេងកម្សាន្តសប្បាយក្នុងឱកាសបុណ្យចូលឆ្នាំថ្មី។ កត្តាទាំងនោះរួមមាន៖
ទី១- កត្តាសុខសន្តិភាព ប្រសិនបើគ្មានសន្តិភាពទេ កុំនិយាយពីប្រជាធិបតេយ្យ និយាយពីសិទ្ធិមនុស្ស និយាយមិនកើតទេបើគ្មានសន្តិភាព។ កាលពី ៤៧ ឆ្នាំមុន បើនិយាយពីនៅថ្ងៃ១៧ ខែមេសាឆ្នាំ១៩៧៥ ប្រជាជនសំរុកចេញពីទីក្រុង ឯ ៤៨ឆ្នាំក្រោយ ប្រជាជនសំរុកចូលទីក្រុងភ្នំពេញវិញ ក្រោយត្រឡប់ពីការដើរកំសាន្តសប្បាយ នៅតាមបណ្ដាខេត្តនានា។ បើគ្មានសន្តិភាព គ្មានភាពសុខសប្បាយណាកើតឡើងបានទេ ដូច្នេះទើបយើងត្រូវខិតខំថែរក្សាសន្តិភាពនេះ ឱ្យបានបើទោះបីជាស្ថិតនៅក្នុងតម្លៃណាក៏ដោយ។
ទី២- ការតភ្ជាប់ហេដ្ឋារចនាសម្ព័ន្ធ មានផ្លូវ មានស្ពាន ងាយស្រួលធ្វើដំណើរពីតំបន់មួយទៅតំបន់មួយ ដោយយើងធ្លាប់ឆ្លងសាឡាងជាច្រើនកន្លែងតែឥឡូវ យើងមានស្ពានភ្ជាប់តំបន់ទាំងនោះតាមរយៈការអភិវឌ្ឍ។
ទី៣- មធ្យោបាយធ្វើដំណើរកាន់តែច្រើន ប្រជាពលរដ្ឋមានមធ្យោបាយខ្លួនឯង មានឡាន មានម៉ូតូ ក្រៅពីនោះ ក៏មានរថយន្តឈ្នួល រថយន្តតាក់ស៊ី អាចធ្វើដំណើរពីកន្លែងមួយទៅកន្លែងមួយដោយងាយស្រួល អាចនាំឱ្យពលរដ្ឋស្គាល់គ្រប់ទីកន្លែងនៃប្រទេសរបស់ខ្លួន។
ទី៤- ប្រាក់ចំណូល បើទោះបីជាជំងឺកូវីដ-១៩ បានវាយប្រហារ តែប្រាក់ចំណូល របស់ប្រជាពលរដ្ឋ ធ្វើក៏នៅតែរកបានដើម្បីកំសាន្តសប្បាយក្នុងពេលចូលឆ្នាំ ទោះបីមិនទាំងអស់ក៏ដោយ ហើយប្រាក់ចំណូលឆ្នាំនេះត្រូវបានផ្ទេរពីវណ្ណៈកណ្ដាល ទៅកាន់ប្រជាពលរដ្ឋក្រីក្រនៅជនបទ ។ តាមរយៈការដើរកំសាន្ត ទិញសម្ភារៈប្រើប្រាស់ ទិញចំណីអាហារបរិភោគ ធ្វើឱ្យចរន្តសេដ្ឋកិច្ចវិល។
ទី៥- ការកើតឡើងនូវតំបន់ទេសចរណ៍ថ្មីៗ ការបង្កើតឡើងនូវសហគមន៍ទេសចរណ៍នានា ដោយក្រសួងបរិស្ថាន និងក្រសួងទេសចរណ៍ ដែលហៅថា ទេសចរណ៍ផ្សារ និងការស្រឡាញ់ទឹកដី ។
ទី៦- ភាពស៊ាំសហគមន៍ ដែលចេញមកពីការខិតខំប្រឹងប្រែងរបស់រាជរដ្ឋាភិបាល និងការចូលរួមរបស់ប្រជាជនទៅលើបញ្ហាការចាក់វ៉ាក់សាំង ។ កម្ពុជាត្រូវបានគេមានកង្វល់ថាជាប្រទេសប្រព័ន្ធសុខាភិបាលទន់ខ្សោយ បញ្ហានៅទីនេះមិនមែនស្ថិតនៅលើប្រទេស ដែលមានវិស័យសុខាភិបាលទន់ខ្សោយនោះទេ ប៉ុន្តែស្ថិតនៅលើវិធានការការពារ និងការចូលរួមរបស់ប្រជាជន ដែលបច្ចុប្បន្នកម្ពុជាមានចំនួនអ្នកឆ្លងជំងឺកូវីដ-១៩ តិចជាងគេបំផុតនៅតំបន់អាស៊ាន។
សម្តចតេជោ ហ៊ុន សែនបានបញ្ជាក់ថា បើភាពស៊ាំក្នុងសហគមន៍កាន់តែរឹងមាំ នោះកាតព្វកិច្ជពាក់ម៉ាសនឹងមិនចាំបាច់ទៀតទេ តែសម្តេចក៏នៅតែសូមអំពាវនាវឱ្យប្រជាពលរដ្ឋ បន្តទទួលយកដូសជំរុញទី៣ ឬដូសទី៤ ដែលរៀបចំដោយអាជ្ញាធរ និងក្រសួងសុខាភិបាល៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Trump ទំនងពិចារណាបណ្ដេញរដ្ឋមន្ត្រីសង្គ្រាម ដើម្បីគេចពីការទទួលខុសត្រូវលើសង្គ្រាមអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
ប្រធានាធិបតីអាម៉េរិក លោក Donald Trump ទំនងជាកំពុងពិចារណាលើលទ្ធភាពបណ្តេញរដ្ឋមន្ត្រីក្រសួងសង្គ្រាម លោក Pete Hegseth ចេញពីតំណែង បន្ទាប់ពីការបោះឆ្នោតសភាពាក់កណ្តាលអាណត្តិខាងមុខនេះ ដើម្បីជួយដកខ្លួនចេញពីការទទួលខុសត្រូវចំពោះសង្គ្រាមជាមួយប្រទេសអ៊ីរ៉ង់
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
រុស្ស៊ី ដំណើរការសេវាទូទាត់លុយគ្រីបតូជាសាច់ប្រាក់លើកដំបូងបំផុតរបស់ពិភពលោកក្នុងតម្លៃសេវាត្រឹមតែ ០,៣ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
បរទេស ៖ ក្រុមហ៊ុនបច្ចេកវិទ្យាហិរញ្ញវត្ថុរុស្ស៊ី A7 បានប្រកាសដាក់ឱ្យប្រើប្រាស់សេវាកម្មទូទាត់ប្រាក់លើកដំបូងបំផុតរបស់ពិភពលោក ដែលអនុញ្ញាតឱ្យអតិថិជនផ្ទេរប្រាក់ឆ្លងប្រទេសដោយប្រើប្រាស់រូបិយប័ណ្ណគ្រីបតូ(Cryptocurrency)ជាមួយតម្លៃសេវាត្រឹមតែ ០,៣ភាគរយ។ យោងតាមការចេញផ្សាយរបស់កាសែត RT បានឲ្យដឹងថា ការបើកដំណើរការសេវាកម្មថ្មីដែលមានឈ្មោះថា A7 International នេះ បានជួយឱ្យក្រុមហ៊ុនអាចពង្រីកវិសាលភាពរបស់ខ្លួនទៅកាន់អន្តរជាតិបើទោះបីជាកំពុងរងទណ្ឌកម្មសេដ្ឋកិច្ចពីបណ្តាប្រទេសលោកខាងលិចក៏ដោយ។ តាមរយៈប្រព័ន្ធថ្មីនេះ អតិថិជនអាចទូទាត់ការផ្ទេរប្រាក់ជាប្រភេទរូបិយប័ណ្ណឌីជីថល USDT(ដែលជាប្រាក់គ្រីបតូមានតម្លៃថេរស្មើប្រាក់ដុល្លារអាមេរិក) ហើយអ្នកទទួលប្រាក់នឹងទទួលបានជាសាច់ប្រាក់តាមប្រព័ន្ធ SWIFT
ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 13/10/2026
ភ្នំពេញ ៖ ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ តទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content