បើចង់លក់ផ្ទះឆាប់បានដាច់ក្នុងស្ថានភាពវិបត្តិកូវីដ មិនត្រូវពឹងផ្អែកតែលើការព្យួរស្លាកតែមួយមុខនោះទេ

ចំណេះដឹង ៖ សម្រាប់វិធីសាស្ត្រដើម្បីជំរុញការលក់អចលនវត្ថុត្រូវបានគេធ្វើឡើងផ្សេងៗពីគ្នាជាច្រើន ហើយក្នុងនោះលទ្ធផលដែលទទួលបានមកវិញ​ក៏មានភាព​ខុស​គ្នាដែរ ដោយវិធីសាស្ត្រទាំងនោះរួមមានដូចជាការដាក់ស្លាកលក់ ការពឹងផ្អែកទៅលើភ្នាក់ងារ ការផ្សព្វផ្សាយដោយខិតប័ណ្ណ ឬការដាក់លក់នៅតាមបណ្តាញ​ទំនាក់​ទំនងសង្គមជាដើម។

អាចនិយាយបានថា សម្រាប់អ្នកដែលចង់ជំរុញការលក់អចលនវត្ថុឱ្យបានលឿនឆាប់រហ័ស ភាគច្រើនជាអ្នកដែលមានត្រូវការហិរញ្ញវត្ថុជាចាំបាច់ដើម្បី​ដោះ​ស្រាយ ឬបង្វិលសាច់ប្រាក់ទៅលើមុខអាជីវកម្មណាមួយយ៉ាងប្រាកដ ជាពិសេសនៅក្នុងស្ថានភាពដែលកំពុងប្រឈមនឹងវិបត្តិជំងឺកូវីដនាពេលបច្ចុប្បន្ន ខណៈដែលមាន​មនុស្សជាច្រើនកំពុងជាប់បំណុលធនាគារ។

អ្នកជំនាញនៅក្នុងទីផ្សារអចលនទ្រព្យបានបញ្ជាក់ថា នៅពេលឈានដល់ដំណាក់កាលចុងរបស់អ្នកជំនួញ ដើម្បីអាចបង្វិលហិរញ្ញវត្ថុដោះស្រាយស្ថានការតាមតឹង ក្រៅពីកម្ចីពីធនាគារ គឺមានតែការប្រកាសលក់ទ្រព្យសម្បតិ្តមួយចំនួនដូចជារថយន្ត ឬលក់ផ្ទះជាដើម ដោយការដាក់ស្លាក។ វិធីសាស្ត្រនេះអាចទទួលបានផលដែរ ប៉ុន្តែអត្រាតិចបំផុត ព្រោះបច្ចុប្បន្នមានវិធីសាស្ត្រផ្សេងៗជាច្រើនទៀតដែលអាចមានប្រសិទ្ធភាពខ្ពស់។ លោកអ្នកអាចសាកល្បងបានជាមួយវិធីសាស្ត្រដូចខាង​ក្រោមនេះ ៖

1.ធ្វើវីដេអូ និងរូបភាពពណ៌នាលក្ខណៈពិសេសនៃផ្ទះ ៖

មនុស្សភាគច្រើនដាក់លក់ផ្ទះដោយគ្រាន់តែភ្ជាប់រូបថតផ្ទះត្រឹមតែ1-2សន្លឹកប៉ុណ្ណោះ។ ការធ្វើបែបនេះ បើទោះជាមានអ្នកចង់ទិញក៏ពិបាកនឹងដឹងពីព័ត៌មានលម្អិត​របស់ផ្ទះដែរ ឬទាល់តែទូរស័ព្ទសាកសួរព័ត៌មានបន្ថែម។ ស្ថិតនៅក្នុងសម័យកាលនេះ ការលក់ផ្ទះដោយគ្រាន់តែពឹងអាស្រ័យទៅលើរូបភាពមួយសន្លឹង និងការ​សរសេរដាក់«ផ្ទះលក់» លែងមានប្រសិទ្ធភាពទៀតហើយ ជាពិសេសក្នុងសម័យកូវីដនេះតែម្ដង។ អ្នកគួរចេះប្រើបច្ចេកវិទ្យាក្នុងការផ្សព្វផ្សាយ ដូចជាថត​រូប​ភាពផ្ទះឱ្យច្រើន ថតជាវីដេអូខ្លីបង្ហាញពីលក្ខណៈពិសេសរបស់ផ្ទះ រួមជាមួយនឹងការអត្ថាធិប្បាយដោយផ្ទាល់ដើម្បីជាការផ្តល់បន្ថែមនូវព័ត៌មានចាំបាច់ទៅដល់​អតិថិជនគោលដៅរបស់អ្នក។

2.ត្រៀមឯកសារដែលចាំបាច់ឲ្យបានរួចរាល់៖

កូវីដមិនត្រឹមតែបង្កនូវផលលំបាកសម្រាប់សេដ្ឋកិច្ចសាកល និងសេដ្ឋកិច្ចគ្រួសាររបស់អ្នកនោះទេ សូម្បីតែការជួបជុំគ្នាក៏ត្រូវបានធ្វើឡើងដោយមានកំណត់ផងដែរ។ ការជួបជុំគ្នាច្រើនដងខាតពេលវេលា និងប្រឈមមុខទៅហានីភ័យ ដូច្នេះ ការត្រៀមឯកសារឱ្យបានរួចរាល់គឺជារឿងល្អបំផុត ព្រោះថានៅពេលដែលអ្នកអាច​កំណត់​បាននូវអតិថិជនរួចហើយនោះ ការពិនិត្យមើលឯកសារពាក់ព័ន្ធក៏ជារឿងចាំបាច់។

3.យកចិត្តទុកដាក់បន្ថែមក្នុងអំឡុងពេលមានអតិថិជនចង់មើលផ្ទះរបស់អ្នក៖

អតិថិជនដែលមកសុំមើលផ្ទះរបស់អ្នកពួកគេជាអ្នកដែលបានទទួលព័ត៌មានស្ទើរតែ 100 ភាគរយទៅហើយតាមរយៈវិដេអូលម្អិតខាងលើ ដូចនេះភាគរយនៃការ​លក់គឺស្ទើរតែសម្រេចទៅហើយ។ ដូច្នេះអ្វីជារឿងដែលអ្នកត្រូវធ្វើបន្ទាប់នោះគឺការយកចិត្តទុកដាក់ចំពោះអតិថិជន និងផ្តល់តម្លៃ សារសំខាន់ទៅលើរាល់ការ​និយាយ​ស្ដីរបស់អតិថិជន។

4.ពិភាក្សាបន្ថែមជាមួយនឹងអ្នកជំនាញ៖

ភ្នាក់ងារលក់អចលនវត្ថុគឺជាមនុស្សដែលអ្នកមិនអាចមើលរំលងបាននោះទេ ពីព្រោះថាពួកគេមានជំនាញមូលដ្ឋានច្បាស់ និងស្គាល់ពីកម្រិតអតិថិជន។ ពួកគេមាន​វិធីសាស្ត្រក្នុងការនិយាយ និងដឹងច្បាស់ពីអ្វីដែលអតិថិជនចង់បាន ដូចនេះការបង្កើនទំនាក់ទំនងជាមួយនឹងអ្នកជំនាញដែលជាភ្នាក់ងារស្របច្បាប់គឺជាការបង្កើន​ឱកាស​ក្នុងការលក់ផ្ទះរបស់អ្នកឲ្យកាន់តែឆាប់ដូចគ្នា។

សូមសាកល្បងនូវវិធីសាស្ត្រដូចដែលបានលើកឡើងខាងលើនេះ លោកអ្នកពិតជាអាចជំរុញការលក់ផ្ទះបានលឿនជាក់ជាមិនខាន៕

ព្រឹត្តិការណ៍, សេដ្ឋកិច្ច

កម្ពុជាចាប់ផ្ដើមយុទ្ធនាការផ្សព្វផ្សាយទេសចរណ៍ទៅកាន់ទីផ្សារអន្តរជាតិ

ក្រសួងបានស្នើឱ្យភាគីពាក់ព័ន្ធ ជាពិសេសផ្នែកឯកជនត្រូវចូលរួមរៀបចំការផ្សព្វផ្សាយរបស់ខ្លួន ដោយផ្តោតសំខាន់លើខ្លឹមសារ «កម្ពុជាសុវត្ថិភាព -Cambodia Safe»
ព្រឹត្តិការណ៍, សេដ្ឋកិច្ច

ក្រសួងការបរទេសរំពឹងថា អាមេរិកនឹងបន្តសុពលភាពប្រព័ន្ធអនុគ្រោះពន្ធ GSP ដល់កម្ពុជា ដើម្បីគាំទ្រការអភិវឌ្ឍសេដ្ឋកិច្ច

ភ្នំពេញ ៖ ឧបនាយករដ្ឋមន្ត្រី ឯកឧត្តម ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានបង្ហាញក្តីសង្ឃឹមថា សហរដ្ឋអាមេរិកនឹងបន្តសុពលភាពសម្រាប់កម្ពុជានូវប្រព័ន្ឋ…
ព្រឹត្តិការណ៍, សេដ្ឋកិច្ច

បណ្ដាប្រទេសនៅប៉ែកអឺរ៉ុបនាំគ្នាបង្កើនការសាងសង់កសិដ្ឋានសូឡា ធ្វើជាប្រភពថាមពលថ្មីឲ្យបានកាន់តែច្រើន

កសិដ្ឋានថាមពលសូឡាបណ្តែតទឹកដ៏ធំបំផុតប្រចាំប្រទេសអាល្លឺម៉ង់ ត្រូវបានសាងសង់រួចរាល់ហើយ និងកំពុងចាប់ផ្តើមទាញយកថាមពលអគ្គិសនី……
ព្រឹត្តិការណ៍, សេដ្ឋកិច្ច

រយៈពេល៤ខែ ដើមឆ្នាំ២០២២ កម្ពុជាទទួលបានជាង៣០០លានដុល្លារពីការនាំចេញកង់ទៅកាន់ទីផ្សារអន្តរជាតិ

ភ្នំពេញ ៖ យោងតាមរបាយការណ៍របស់ក្រសួងពាណិជ្ជកម្មបានឱ្យថា នៅក្នុងរយៈពេល ៤ ខែ ដើមឆ្នាំ ២០២២ កន្លងទៅនេះ កម្ពុជាបាននាំចេញកង់ទៅទីផ្សារក្រៅប្រទេសក្នុងតម្លៃជាង ៣០០…
ព្រឹត្តិការណ៍, អចលនទ្រព្យ

ថៃ កំពុងពិចារណាបន្តកាត់បន្ថយតម្លៃសេវាផ្ទេរអចលនទ្រព្យ និងសេវាកម្ចីអចលនទ្រព្យ

រដ្ឋាភិបាលថៃ បាន នឹងកំពុងតែពិភាក្សាគ្នាដើម្បីពិនិត្យលទ្ធភាពនៃការបន្តកាត់បន្ថយសេវាផ្ទេរអចលនទ្រព្យព្រមទាំងតម្លៃនៃសេវាកម្ចីទិញអចលនទ្រព្យផងរហូតទៅដល់មួយឆ្នាំទៀត
ព្រឹត្តិការណ៍, អចលនទ្រព្យ

ការអភិវឌ្ឍនៅក្នុងមូលដ្ឋាននឹងជួយជំរុញឱ្យមានតុល្យភាពរវាងអ្នកក្រុង និងអ្នកជនបទ

ភ្នំពេញ ៖ សន្ទុះនៃការអភិវឌ្ឍនៅក្នុងប្រទេសកម្ពុជានាពេលបច្ចុប្បន្ននេះ ភាគច្រើនអ្នកវិនិយោគបានសំដៅទៅលើតែតំបន់ទីក្រុង ឬទីប្រជុំជនដោយក្នុងនោះរាជធានីភ្នំពេញមានភាពទាក់ទាញ…
Uncategorized, ព្រឹត្តិការណ៍, ហិរញ្ញវត្ថុ

កម្មវិធី Wallet សម្រាប់លុយឌីជីថលចិន (Yuan) ដាក់ឲ្យដំណើរជាផ្លូវការលើ IOS និង Android

ក្នុងពេលដែលព្រឹត្តិការណ៍កីឡាអូឡាំពិករដូវរងានាទីក្រុងប៉េកាំងឈានចូលមកដល់ក្នុងពេលឆាប់ៗខាងមុខនេះរដ្ឋាភិបាល​នៃប្រទេសចិនបានប្រកាសដាក់ឲ្យដំណើរការកម្មវិធី Wallet …
ព្រឹត្តិការណ៍, អត្ថបទពាណិជ្ជកម្ម

ប្រជាពលរដ្ឋអាចធ្វើដំណើរចេញចូលរាជធានីភ្នំពេញ និងឆ្លងខេត្តបាន ប៉ុន្តែត្រូវអនុវត្តតាមវិធានការ

នៅព្រឹកថ្ងៃទី6 ខែឧសភា ឆ្នាំ2021នេះ រាជធានីភ្នំពេញបានបញ្ចប់វិធានការបិទខ្ទប់ និងអនុញ្ញាតឱ្យមានការធ្វើចរចរណ៍នៅក្នុងក្រុងឡើងវិញ លើកលែង​តែតំបន់ក្រហម និង…
ព្រឹត្តិការណ៍, អត្ថបទពាណិជ្ជកម្ម

កាហ្វេដូងក្រអូប ៣៦៩ ផ្អែមត្រជាក់រសជាតិឆ្ងាញ់ តម្លៃសមរម្យ កំពុងទទួលបានប្រជាប្រិយភាពនៅផ្សារបោះដុំឃ្លាំងរំសេវថ្មីសែនសុខ

ភ្នំពេញ ៖ ត្រឹមតែតូបលក់កាហ្វេមួយ ដែលអាចនិយាយបានថា ជាមុខរបរតូចតាច ប៉ុន្តែសម្រាប់អ្នកលក់ដែលជាម្ចាស់តូបយីហោ កាហ្វេដូងក្រអូប ៣៦៩ ដែលពេញចិត្ត និងស្រឡាញ់ជំនាញជាអ្នកឆុង…
ជំនួញ, ព្រឹត្តិការណ៍

អន្ទង់នៅជប៉ុនអាចលក់បានតម្លៃជិត ៤ម៉ឺនដុល្លារក្នុង ១គីឡូក្រាម

អន្ទង់ត្រូវបានគេចាត់ទុកថាប្រភេទសត្វរស់នៅក្នុងទឹក និងផ្តល់សាច់ជាអាហាររបស់មនុស្សដ៏មានតម្លៃ និងកម្របំផុតនៅក្នុងប្រទេសជប៉ុនដែលជារៀងរាល់ឆ្នាំតម្លៃរបស់វាមានការប្រែប្រួល