សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ប្រទេសជប៉ុនគ្រោងនឹងបញ្ចេញប្រេងពីស្តុកបម្រុងសម្រាប់រយៈពេល ២០ ថ្ងៃបន្ថែមទៀតចាប់ពីខែឧសភា ដើម្បីធានាបាននូវការផ្គត់ផ្គង់ក្នុងស្រុកប្រកបដោយស្ថិរភាព ខណៈការផ្គត់ផ្គង់ពីតំបន់មជ្ឈិមបូព៌ាបន្តទទួលរងការរំខាន។ នេះបើយោងតាមការរាយការណ៍ពី CNA។
កាលពីសប្តាហ៍មុន នាយករដ្ឋមន្ត្រីជប៉ុនលោកស្រី Sanae Takaichi បានប្រាប់កិច្ចប្រជុំគណៈរដ្ឋមន្ត្រីថា ជប៉ុនគ្រោងនឹងបញ្ចេញប្រេងពីស្តុកបម្រុងចាប់ពីខែឧសភា សម្រាប់បំពេញតម្រូវការបានរយៈពេល ២០ ថ្ងៃ ដើម្បីធានាបាននូវការផ្គត់ផ្គង់ក្នុងស្រុកប្រកបដោយស្ថិរភាព និងកំពុងស្វែងប្រភពផ្គត់ផ្គង់ក្រៅពីតំបន់មជ្ឈិមបូព៌ា។
គួរឲ្យបញ្ជាក់ដែរថា ជប៉ុនពឹងផ្អែកលើការនាំចូលប្រេងពីមជ្ឈិមបូព៌ាប្រហែល ៩៥ ភាគរយនៃការនាំចូលសរុបរបស់ខ្លួន។ ជាក់ស្តែង ជប៉ុនបានចាប់ផ្តើមបញ្ចេញប្រេងពីទុនបំរុងចាប់តាំងពីថ្ងៃទី ១៦ ខែមីនាមកម៉្ល៉េះ ដែលអាចបំពេញតម្រូវការគ្រប់គ្រាន់សម្រាប់រយៈពេល ៥០ ថ្ងៃ និងគ្រោងបញ្ជេញបន្ថែមសម្រាប់រយៈពេល ២០ ថ្ងៃថែមទៀត។ បើគិតត្រឹមថ្ងៃទី ៦ ខែមេសា ទាំងស្តុកប្រេងរបស់រដ្ឋាភិបាល និង ស្តុកក្រុមហ៊ុនឯកជនអាចបំពេញតម្រូវការគ្រប់គ្រាន់សម្រាប់រយៈពេល ២៣០ ថ្ងៃ (ជាង ៧ ខែ)។
លោកស្រី Takaichi បានបង្ហើបថា ជប៉ុនអាចធានាបានការនាំចូលប្រេងច្រើនជាងពាក់កណ្តាល តាមមធ្យោបាយ និងច្រកផ្សេងៗ ក្រៅពីច្រកសមុទ្រ Hormuz នៅត្រឹមតែឧសភា ប៉ុន្តែមិនបានបញ្ជេញឈ្មោះអ្នកផ្គត់ផ្គង់ថ្មីនោះទេ។ យ៉ាងណាមិញ ក្រោយមក ក្រសួងឧស្សាហកម្មជប៉ុនលើកឡើងថា ផ្លូវទាំងនេះរួមមាន ច្រកចេញពីកំពង់ផែ Yanbu នៅលើឆ្នេរសមុទ្រក្រហមរបស់អារ៉ាប៊ីសាអូឌីត និងកំពង់ផែ Fujairah ក្នុងអារ៉ាប់រួម។
លើសពីនេះ ជប៉ុនក៏បានទាក់ទងអ្នកផ្គត់ផ្គង់ផ្សេងៗជាច្រើនទៀត រួមមាន សហរដ្ឋអាម៉េរិក ម៉ាឡេស៊ី អាស៊ែបៃហ្សង់ កាហ្សាក់ស្ថាន ប្រេស៊ីល អាហ្សង់ទីន អេក្វាឌ័រ កូឡុំប៊ី និងម៉ិកស៊ិក នីហ្សេរីយ៉ា និងអង់ហ្គោឡាជាដើម។ ទន្ទឹមនឹងនេះ រដ្ឋាភិបាលជប៉ុនស្នើឱ្យអ្នកផ្គត់ផ្គង់លក់ឥន្ធនៈដោយផ្ទាល់ទៅកាន់វិស័យដូចជា វេជ្ជសាស្ត្រ ការដឹកជញ្ជូន និងកសិកម្ម៕
Account
Security
Favourite Content