សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
. មហារីកសុដន់បានសម្លាប់ជីវិតមនុស្សដល់ទៅ៧០ម៉ឺននាក់ជារៀងរាល់ឆ្នាំ
. តម្លៃសេវាកម្មពិនិត្យ និងតាមដានខ្ពស់ចូលរួមចំណែកធ្វើឲ្យតួលេខអ្នកស្លាប់កើនឡើង
. ជនរងគ្រោះដោយសារមហារីកសុដន់ភាគច្រើនសុទ្ធតែជាមនុស្សដែលមានប្រភពរស់នៅតាមបណ្តាប្រទេសក្នុងតំបន់អភិវឌ្ឍ
ជំងឺមហារីកសុដន់ត្រូវបានគេចាត់ទុកថាជាជំងឺមហារីកដែលមានចំនួនករណីច្រើនជាងគេបំផុតរបស់ពិភពលោក និងបានធ្វើឲ្យខាតបង់ដល់សេដ្ឋកិច្ចរបស់ប្រជាពលរដ្ឋ និងសង្គមជាតិយ៉ាងច្រើន ដោយជារៀងរាល់ឆ្នាំមានអ្នកបាត់បង់ជីវិតប្រហែលទៅដល់ ៧០០ ០០០នាក់។
អ្វីដែលជាកត្តាសំខាន់ក្នុងការធ្វើឲ្យចំនួននៃអ្នករងគ្រោះមានចំនួនច្រើននោះក៏ដោយសារតែបច្ចេកវិទ្យាធ្វើតេស្ត និងស្កេនមានតម្លៃថ្លៃ និងទាមទារការពិនិត្យតាមដានឲ្យបានញឹកញាប់ ដូច្នេះគេសង្កេតឃើញថា ៧០ភាគរយនៃអ្នកបាត់បង់ជីវិតសុទ្ធតែជាស្ត្រីដែលរស់នៅតាមបណ្តាប្រទេសកំពុងអភិវឌ្ឍ។
ជាមួយនឹងអត្រានៃជនរងគ្រោះដ៏សន្ធឹកសន្ធាប់នេះ បច្ចេកវិទ្យា AI ដ៏ទំនើបមួយបានកកើតឡើងនៅក្នុងតំបន់ប្រទេសអាមេរិកឡាទីនដែលមានឈ្មោះថា Mamotest និងកំពុងបន្តជួយសង្គ្រោះជីវិតមនុស្សរាប់ម៉ឺននាក់តាមរយៈមុខងារតាមដាន និងត្រួតពិនិត្យជំងឺដ៏កាចសាហាវមួយនេះ។
Mamotest ត្រូវបានដាក់ឲ្យដំណើរការចំគោលដៅ ពោលគឺនៅតាមតំបន់ដែលដាច់ស្រយាលដោយវាមានមុខងារស្កេន និងផ្តល់ការវិភាគបានលឿន ហើយមានតម្លៃធូរថ្លៃបំផុត។
ផ្អែកតាមរបាយការណ៍មួយចំនួនដែលចេញបន្ទាប់ពីបានស្កេន និងត្រូវបញ្ជូនទៅកាន់ក្រុមអ្នកជំនាញឯកទេសធ្វើរោគវិនិច្ឆ័យមិនដល់២៤ម៉ោងឡើយ Mamotest បានក្លាយទៅជាអ្នកគាំទ្រផ្នែកសុខាមាលភាពក្រុមស្ត្រីដែលប្រឈមមុខយ៉ាងទូលំទូលាយផងដែរគឺចាប់តាំងតែពេលធ្វើតេស្តរហូតទៅដល់ការព្យាបាល។
គិតមកទល់ពេលនេះ Mamotest បានដាក់ឲ្យប្រើប្រាស់ជាមួយនឹងក្រុមស្ត្រីដែលរស់នៅក្នុងតំបន់អាមេរិកឡាទីនប្រមាណជា ៧៥០ ០០០នាក់រួចមកហើយ ដែលក្នុងនោះប្រមាណជា ៨៧ភាគរយបានទទួលការព្យាបាលដំណាក់កាលដំបូងទាន់ពេលវេលា កាត់បន្ថយអត្រាការបាត់បង់ជីវិតបាន១០០ភាគរយសម្រាប់ពួកគេ។
គួរឲ្យដឹងដែរថា ដំណើរការធ្វើតេស្ត និងប្រើប្រាស់បច្ចេកវិទ្យា Mamotest មានតម្លៃទាបជាងសេវាកម្មពេទ្យរដ្ឋដល់ទៅ ៥ដង និងរាប់សិបដងធៀបទៅនឹងសេវាពេទ្យឯកជន ហើយអាចសម្រេចចិត្តបានលឿនជាង ៥ដង សម្រាប់ករណីដែលចាំបាច់ធ្វើការព្យាបាលឲ្យទាន់ពេលវេលា៕
Account
Security
Favourite Content