សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
រូបមន្ត ៥០/៣០/២០ គឺជាវិធីសាស្រ្តគ្រប់គ្រងថវិកាដ៏សាមញ្ញដែលត្រូវបានរចនាឡើងដើម្បីជួយសម្រួលដល់ការគ្រប់គ្រងការចំណាយរបស់អ្នកឱ្យបានប្រសើរជាងមុន ក៏ដូចជាសន្សំថវិកាសម្រាប់អនាគតផងដែរ។ រូបមន្តនេះមានប្រភពចេញពីសៀវភៅមួយក្បាលដែលមានចំណងជើងថា All Your Worth: The Ultimate Lifetime Money Plan សរសេរដោយអ្នកនិពន្ធឈ្មោះ Sen. Elizabeth Warren និង Amelia Warren Tyagi ដែលបានបោះពុម្ពលក់កាលពីឆ្នាំ២០០៦។
តម្រូវការ (Needs)៥០%
តាមរូបមន្តនេះ អ្នកត្រូវទុកពាក់កណ្តាលនៃថវិការបស់អ្នកដែលទទួលបានសម្រាប់ការចំណាយដែលចាំបាច់មួយចំនួន។ ត្រង់ចំណុចនេះ អ្នកត្រូវប្រាកដថាអ្នកកំពុងចំណាយលើអ្វីដែលអ្នកពិតជាត្រូវការ។ និយាយឱ្យស្រួលស្ដាប់គឺអ្នកនឹងមិនអាចរស់បានប្រសិនបើមិនបានចំណាយលើវា។ ឧទាហរណ៍ដូចជា ការបង់ថ្លៃទឹក ភ្លើង ការបង់ថ្លៃផ្ទះជួល និងការទិញម្ហូបអាហារជាដើម។
ចង់បាន (Wants) ៣០%
៣០% ភាគរយនៃប្រាក់របស់អ្នក ត្រូវបែងចែកចូលទៅលើអ្វីដែលអ្នកចង់បាន។ ការចង់បាន មិនមែនជាអ្វីដែលអ្នកត្រូវការចាំបាច់ដើម្បីរស់ទេ ប៉ុន្តែអ្នកក៏មិនអាចគ្មានវានោះទេ។ ជាក់ស្ដែងដូចជា ការមើលកុន ការប្រើប្រាស់សេវាកម្មថែរក្សាសម្រស់ ការទិញសំលៀកបំពាក់ជាដើម។ ទាំងអស់នេះ គឺជាអ្វីដែលបំពេញបន្ថែមនូវជីវិតប្រចាំថ្ងៃ ដើម្បីអ្នកមានការកម្សាន្ដខ្លះ ក្រៅពីការធ្វើការ។
សន្សំ (Saving) ២០%
តាមរូមន្តដែលសៀវភៅដដែលនេះបានរៀបរាប់គឺ អ្នកអាចប្រើប្រាស់ ៨០%នៃប្រាក់របស់អ្នក សម្រាប់ការចំណាយក្នុងពេលបច្ចុប្បន្ន រីឯ២០%ទៀត គឺជាប្រាក់សម្រាប់ថ្ងៃអនាគត។ ការសន្សំនេះផងដែរអាចធ្វើឡើងក្នុងរូបភាពច្រើន ដោយអ្នកអាចសន្សំទុកចោលក្នុងធនាគារ ឬទុកដោយខ្លួនឯង ឬដាក់ប្រាក់សន្សំតាមរយៈការបង់រំលោះផ្ទះជាដើម។
ជារួម ប្រសិនបើអ្នកអាចបែងចែកការចាយវាយរបស់អ្នកតាមរូបមន្តនេះបាន អ្នកនឹងកម្រជួបប្រទះបញ្ហាខ្វះលុយកាក់ណាស់ ដែលវាមិនត្រឹមតែអាចជួយអ្នកក្នុងពេលបច្ចុប្បន្ន តែក៏ជួយឱ្យគម្រោងរបស់អ្នកសម្រាប់ថ្ងៃអនាគតបានសម្រេចផងដែរ៕
Account
Security
Favourite Content