ពិធីបុណ្យសមុទ្រឆ្នាំនេះនឹងក្លាយជាវេទិកាបង្អួតសម្រស់ខេត្តព្រះសីហនុរបស់កម្ពុជា

ព្រះសីហនុ ៖ ពិធីបុណ្យសមុទ្រលើកទី៩ ជុំទី៣ ឆ្នាំនេះ នឹងធ្វើឡើងនៅខេត្តព្រះសីហនុ ដោយរៀបចំចាប់ពីថ្ងៃទី៩-១១ ខែធ្នូ ឆ្នាំ២០២២ ខណៈដែលតាមរយៈពិធីបុណ្យសមុទ្រនៅឆ្នាំនេះ ត្រូវបានអ្នករៀបចំអះអាងថានឹងមានភាពខុសប្លែកពីការរៀបចំកាលពីឆ្នាំមុនៗ ដោយហេតុថាខេត្តមួយនេះបានសំងំតុបតែងខ្លួនអស់ប៉ុន្មានឆ្នាំមកហើយ ជាពិសេសហេដ្ឋារចនាសម្ព័ន្ធនៅទូទាំងខេត្ត។

ឆ្លើយតបទៅនឹងព្រឹត្តិការណ៍ធំៗដែលនឹងកើតមានឡើងនាពេលឆាប់ៗខាងមុខ រដ្ឋបាលខេត្តព្រះសីហនុមកទល់ពេលនេះបានបង្កើតនូវគណៈកម្មការទទួលបន្ទុកលើការងារខុសៗគ្នា ដើម្បីជំរុញឱ្យការរៀបចំកាន់តែឆាប់រហ័ស និងមានរបៀបរៀបរយ។ នេះបើតាម លោក តាំង សុចិត្រគ្រឹស្នា ប្រធាន​មន្ទីរ​ទេសចរណ៍​ខេត្ត​ព្រះសីហនុ។

លោកបានបន្តថា គណៈកម្មការដែលបានបង្កើតរួចហើយនោះក៏កំពុងតែធ្វើការរៀងខ្លួនដែលបានចាត់ចែង ដូចជាផ្នែកគ្រប់គ្រងសន្តិសុខ ផ្នែករៀបចំពិព័រណ៍ ផ្នែករៀបចំទៅលើការផ្សព្វផ្សាយជាដើម។

លោកបន្ថែមទៀតថា ៖

“អភិបាលខេត្តបានប្រជុំដាក់ការងារ ទាំងសន្តិសុខ រៀបចំសណ្ដាប់ធ្លាប់ អនាម័យ ការពង្រឹងស្តង់ដារសេវាកម្ម ការរៀបចំទទួលភ្ញៀវ និងការសម្ដែងសិល្បៈផ្សេងៗ ហើយក្រុមការងារយើងបានចុះទៅមើលទីតាំងដើម្បីរៀបចំព្រឹត្តិការណ៍ទាំងមូលផងដែរ”

ទន្ទឹមនឹងនេះ លោកបានដាក់ការរំពឹងខ្ពស់ថា ពិធីបុណ្យសមុទ្រក្នុងឆ្នាំនេះ នឹងខុសប្លែកច្រើនពីលើកមុនៗ ដោយហេតុថា ខេត្តព្រះសីហនុផ្ទាល់បានស្គាល់ការរីកចម្រើនជាច្រើននៅប៉ុន្មានឆ្នាំចុងក្រោយនេះ ជាពិសេសខេត្តនេះមានអគាពាណិជ្ជកម្មខ្ពស់ដុះរីកដូចផ្សិត រី​ឯហេដ្ឋារចនាសម្ព័ន្ធរបស់ខេត្តទាំងមូលក៏សម្រេចបានច្រើនផងដែរ។ ដូច្នេះហើយ ព្រឹត្តិការណ៍បុណ្យសមុទ្រនាឆ្នាំនេះ ច្បាស់ណាស់នឹងក្លាយទៅជាវេទិកាបង្អួតសម្រស់សម្រាប់ខេត្តព្រះសីហនុ។

ផ្សាភ្ជាប់ជាមួយក្ដីរំពឹងខាងលើ លោក តាំង សុចិត្រគ្រឹស្នា ក៏បានមើលឃើញថាឆ្នាំនេះទំនងជាខេត្តព្រះសីហនុទទួលបានភ្ញៀវទេសចរច្រើន ដោយរួមបញ្ចូលទាំងភ្ញៀវជាតិ និងអន្តរជាតិ។ មិនត្រឹមតែប៉ុណ្ណោះ ព្រឹត្តិការណ៍នេះនឹងជួយទៅដល់សេដ្ឋកិច្ចរបស់ប្រជាពលរដ្ឋក្នុងតំបន់ ជាពិសេសគឺអ្នកបម្រើការវិស័យទេសចរណ៍តែម្ដង។

គួររំលឹកថា ខេត្តព្រះសីហនុនៅក្នុងខែធ្នូនេះនឹងកាន់ព្រឹត្តិការណ៍ធំៗចំនួនពីរគឺ ពិធីបុណ្យសមុទ្រលើកទី៩ ជុំទី៣ នឹងត្រូវរៀបចំឡើងចាប់ពីថ្ងៃទី៩-១១ ខែធ្នូ ឆ្នាំ២០២២ និងជាម្ចាស់ផ្ទះរៀបចំមហាសន្និបាតក្លិបឆ្នេរសមុទ្រដែលស្អាតបំផុតលើសកលលោក ចាប់ពីថ្ងៃទី៩-១៤​ ខែធ្នូផងដែរ ក្រោមប្រធានបទ «ឆ្នេរនៃស​ន្តិភាព ឆ្នេរនៃក្ដីសង្ឃឹម»។

គួរបញ្ជាក់ថា ពិធីបុណ្យសមុទ្រគឺជាព្រឹត្តការណ៍សំខាន់មួយដែលស្រូបទាញភ្ញៀវទេសចរទៅទស្សនាខេត្តដែលរៀបចំពិធីបុណ្យនេះច្រើនកុះករ តាមរយៈការរៀបចំការតាំងពិពណ៍ និងការសម្ដែងសិល្បៈ វប្បធម៍នានា។ ពិធីបុណ្យនេះគឺធ្វើវិលជុំនៅក្នុងខេត្តជាប់សមុទ្រចំនួន៤របស់កម្ពុជាគឺ ខេត្តកែប កំពត កោះកុង និងព្រះសីហនុ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល

តម្លៃជួញដូរហ៊ុននៅកម្ពុជាប្រចាំថ្ងៃ ជាមធ្យមជាង២១ម៉ឺនដុល្លារ តែថ្ងៃខ្លះហក់ឡើងដល់ជាងកន្លះលាន

ព្រឹត្តិការណ៍, សេដ្ឋកិច្ច

• 12/07/2024

តម្លៃជួញដូរហ៊ុនប្រចាំថ្ងៃជាមធ្យមជាង២១ម៉ឺនដុល្លារអាម៉េរិក តែមានថ្ងៃខ្លះបានហក់ឡើងដល់ជាងកន្លះលានដុល្លារ និងប្រមូលបានសាច់ប្រាក់សរុប៣៨៩លានដុល្លារ

ចំណេះដឹងសំខាន់ៗស្ដីពីការដាំដុះខ្ញីឱ្យទទួលបានផលច្រើនដែលកសិករគួរយល់ដឹង

ជំនួញ, ព្រឹត្តិការណ៍

• 12/07/2024

ខ្ញីជារុក្ខជាតិមើមដែលប្រជាជនខ្មែរនិយមដាំ និងយកទៅច្នៃជាគ្រឿងទេស បន្ថែមរសជាតិម្ហូបអាហារបានច្រើនមុខ អាចធ្វើជាឱសថបុរាណផងដែរ

គន្លឹះសំខាន់ៗចំនួន ៦ អាចជួយដោះស្រាយបញ្ហាបំណុលលើសលប់

ព្រឹត្តិការណ៍, ហិរញ្ញវត្ថុ

• 12/07/2024

ពាក្យថាបំណុលគឺមិនមែនសំដៅលើភាពអវិជ្ជមានទាំងស្រុងនោះទេ ពោលគឺបំណុលមានគុណសម្បត្តិ និងគុណវិបត្តរៀងៗខ្លួន

គម្រោង​សាងសង់​​ហេដ្ឋារចនាសម្ព័ន្ធធំៗចំនួន​៣ ​កំពុង​ដំណើរការ​មានទឹកប្រាក់ជាង ៥,៣ពាន់​លាន​​ដុល្លារ​

ព្រឹត្តិការណ៍, អចលនទ្រព្យ

• 12/07/2024

រាជរដ្ឋាភិបាល គ្រោង​ចំណាយថវិកា​រាប់រយពាន់​លានដុល្លារអាមេរិក​ លើការ​សាងសង់ហេដ្ឋារចនាសម្ព័ន្ធនានា​ក្នុង​ប្រទេស​ ដើម្បីទាក់ទាញការវិនិយោគពីក្រៅស្រុកបន្ថែមទៀត

គិតត្រឹម ឆមាសទី១ ឆ្នាំ២០២៤ យានយន្តអគ្គិសនីសរុបចំនួន ២ ៩៦៨គ្រឿង បានចុះបញ្ជីជាផ្លូវការ

ព្រឹត្តិការណ៍, សេដ្ឋកិច្ច

• 12/07/2024

ការចុះបញ្ជីយានយន្តអគ្គិសនីដែលជានិន្នាការថ្មី មានការកើនឡើងជារៀងរាល់ថ្ងៃ ដោយប្រជាពលរដ្ឋមានសុទិដ្ឋិនិយមច្រើន និងបង្ហាញការចាប់អារម្មណ៍ខ្ពស់

រយៈពេល ៥ខែ ដើមឆ្នាំ២០២៤ មានទេសចរជាតិ និងអន្តរជាតិសរុបជាង ១២លាន ៦សែននាក់ បានចេញដើរកម្សាន្តនៅទូទាំងប្រទេស

ព្រឹត្តិការណ៍, សេដ្ឋកិច្ច

• 12/07/2024

ទេសចរអន្តរជាតិជាង២លាន៦សែននាក់ បានមកទស្សនាកម្ពុជាក្នុងរយៈពេល៥ខែនៃដើមឆ្នាំ២០២៤ ខណៈទេសចរក្នុងស្រុកមានចំនួន ១០,៦៨៨,០៧៣ នាក់

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម

ព្រឹត្តិការណ៍, អាជីវកម្មថ្មី និងនវានុវត្ត

• 12/07/2024

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម និងប្រែក្លាយពីកសិកម្មលក្ខណៈគ្រួសារទៅជាសហគ្រាសសេដ្ឋកិច្ចកសិកម្ម

ក្រសួងកសិកម្ម និងសហគ្រិនខ្មែរ គាំទ្រគោលនយោបាយអាទិភាព«សហគមន៍កសិកម្មទំនើប»

ព្រឹត្តិការណ៍, សេដ្ឋកិច្ច

• 12/07/2024

ក្រសួងកសិកម្ម និង សហគ្រិនខ្មែរ បានចុះ MoU ជាមួយគ្នា ក្នុងគោលបំណងជំរុញការអភិវឌ្ឍប្រព័ន្ធអេកូឡូស៊ី សហគ្រិនភាពឱ្យរស់រវើក