សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អនុវត្តតាមផែនការយុទ្ធសាស្ត្ររបស់ខ្លួន អិលអូអិលស៊ី ដែលជាគ្រឹះស្ថានមីក្រូហិរញ្ញវត្ថុដ៏ល្បីឈ្មោះមួយនៅកម្ពុជា នាព្រឹកថ្ងៃទី២៧ ខែមីនា ឆ្នាំ២០២៦ បានបន្តដាក់ដំណើរការជាផ្លូវការនូវផលិតផលឥណទានថ្មីដំបូងគេបង្អស់«ឥណទានមាសកើនទ្រព្យ»នៅសាខាខណ្ឌមានជ័យ សង្កាត់មានជ័យទី២ រាជធានីភ្នំពេញ ក្រោមការចូលរួមដោយផ្ទាល់ពី លោក សុខ វឿន ប្រធាននាយកប្រតិបត្តិ អិលអូអិលស៊ី (ខេមបូឌា) ភីអិលស៊ី គណៈគ្រប់គ្រង អិលអូអិលស៊ី និងមានការចូលរួមអបអរសាទរពីសំណាក់អតិថិជនជាច្រើននាក់។
ឥណទានមាសកើនទ្រព្យ ជាដំណោះស្រាយដ៏ល្អបំផុតសម្រាប់លោកអ្នកដែលត្រូវការសាច់ប្រាក់បន្ទាន់ដោយប្រើប្រាស់គ្រឿងមាសរបស់លោកអ្នកដើម្បីទទួលបានកម្ចីពីគ្រឹះស្ថាន។ គ្រឹះស្ថានមីក្រូហិរញ្ញវត្ថុ អិលអូអិលស៊ី ធានារក្សាទុកគ្រឿងមាសរបស់លោកអ្នកប្រកបដោយទំនុកចិត្ត និងសុវត្ថិភាពខ្ពស់ជាមួយនឹងការអនុម័តកម្ចីលឿនរហ័សត្រឹមប្រមាណជាង១៥នាទីប៉ុណ្ណោះ ជាមួយអត្រាការប្រាក់សមរម្យបំផុត ព្រមទាំងផ្តល់នូវជម្រើសក្នុងការបង់សងត្រលប់តាមតម្រូវការរបស់លោកអ្នក។
លោក សុខ វឿន ប្រធាននាយកប្រតិបត្តិនៃគ្រឹះស្ថានមីក្រូហិរញ្ញវត្ថុ អិលអូអិលស៊ី បានថ្លែងថា ឥណទានមាសកើនទ្រព្យ គឺជាផលិតផលឥណទានថ្មីរបស់ អិលអូអិលស៊ី និងលើកដំបូងគេបង្អស់នៅក្នុងវិស័យធនាគារ និងហិរញ្ញវត្ថុ នៅកម្ពុជា ដែលបង្កើតឡើងសម្រាប់ជាដំណោះស្រាយចំពោះអតិថិជនដែលមានតម្រូវការសាច់ប្រាក់បន្ទាន់ ដោយអាចស្នើកម្ចីយកទៅប្រើប្រាស់ក្នុងរយៈពេលត្រឹម ៦ខែ ។
លោកបានបញ្ជាក់យ៉ាងដូច្នេះថា ៖
«អតិថិជនទាំងអស់សុទ្ធតែអាចស្នើឥណទានមាសកើនទ្រព្យ ដើម្បីទទួលបានសាច់ប្រាក់យកទៅប្រើប្រាស់បន្ទាន់ ដោយទំហំឥណទានកម្ចីអាចទទួលបានរហូតដល់ ៧០% នៃតម្លៃមាសរបស់ខ្លួន ហើយថែមទាំងទទួលបានសេវាលាងសម្អាតគ្រឿងមាសដោយឥតគិតថ្លៃទៀតផង។ ជាលទ្ធផលក្រោយដាក់ដំណើរការជាប្រវត្តិសាស្ត្រលើកដំបូងកាលពីថ្ងៃទី០២ ខែមីនា ឆ្នាំ២០២៦ យើងទទួលបានការគាំទ្រពីអតិថិជនច្រើន និងមានកំណើនគួរឱ្យកត់សម្គាល់»។
ស្ថិតនៅក្នុងផែនការយុទ្ធសាស្ត្ររបស់ខ្លួន អិលអូអិលស៊ី នឹងបន្តពង្រីកផលិតផលឥណទានថ្មីនេះឱ្យបានកាន់តែទូលាយនៅគ្រប់សាខាក្នុងរាជធានីភ្នំពេញ និងឈានទៅតាមបណ្តាខេត្ត/ក្រុងនៅទូទាំងប្រទេសផងដែរ។
សូមជម្រាបថា ឥណទានមាសកើនទ្រព្យផ្ដល់ជូនអតិថិជននូវអត្ថប្រយោជន៍សំខាន់ៗជាច្រើន ដូចជា អាចទទួលបានសាច់ប្រាក់លឿនរហ័ស ក្រោមការវាយតម្លៃមាសប្រកបដោយតម្លាភាពផ្អែកលើតម្លៃទីផ្សារប្រចាំថ្ងៃ និងអាចស្នើសុំបន្ថែមសាច់ប្រាក់ដោយផ្អែកលើតម្លៃទីផ្សារមាសជាក់ស្តែង ហើយលោកអ្នកអាចបង់ផ្តាច់ ឬបង់រំលោះដើមមុនពេលកំណត់ពេលណាក៏បាន ដោយមិនមានពិន័យឡើយ។
ដោយឡែក ចំពោះលក្ខខណ្ឌ ដើម្បីស្នើសុំឥណទានមាសកើនទ្រព្យ តម្រូវឱ្យអតិថិជនមានអាយុពី ១៨ ដល់ ៦៥ឆ្នាំ និងមានអត្តសញ្ញាណប័ណ្ណ ឬ លិខិតឆ្លងដែនសញ្ជាតិខ្មែរ។ ប្រភេទគ្រឿងមាសដែលអាចទទួលបានកម្ចី រួមមាន មាសដុំ កាក់មាស ឬគ្រឿងមាសផ្សេងៗ ដែលមានកម្រិតភាពសុទ្ធនៃមាសចាប់ពីទឹក ៦,៧ រហូតដល់ទឹក ១០ (១៦ ការ៉ាត់ ដល់ ២៤ ការ៉ាត់) ហើយមាសត្រូវមានទម្ងន់យ៉ាងតិច ១ជី (៣,៧៥ ក្រាម) ក្នុងមួយគ្រឿងមាស។
Account
Security
Favourite Content