សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ គ្រោងនឹងបញ្ចេញប្រភេទក្លូនកៅស៊ូចំនួន២ប្រភេទដែលមានការលូតលាស់ និងទំហំដើមល្អ មានភាពធន់នឹងអាកាសធាតុ និងជំងឺ ព្រមទាំងទទួលបានទិន្នផលខ្ពស់ជាងពូជដែលកំពុងដាំដុះនៅកម្ពុជា និងអាចប្រមូលផលបានចាប់ពី៥ឆ្នាំឡើងទៅ។
យោងតាមក្រសួងកសិកម្ម បានឱ្យដឹងថា ការបង្កើតក្លូនកៅស៊ូថ្មីនេះបានចាប់ផ្តើមធ្វើកាលពីឆ្នាំ២០១១ និងបានដាំដុះសាកល្បងនៅក្នុងឆ្នាំ២០១២ ហើយបានបន្តតាមដាន វាយតម្លៃពីការលូតលាស់ ជំងឺ និងលក្ខណ:សរីរសាស្រ្តទឹកជ័រ (Latex physiology) មុននឹងដាំដុះនៅចម្ការពិសោធន៍ក្លូនទ្រង់ទ្រាយតូចកាលពីឆ្នាំ២០១៧។
ទាក់ទងទៅនឹងគម្រោងនេះ ឯកឧត្តម តូច ប៊ុនហួរ រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ បានបើកកិច្ចប្រជុំនៅថ្ងៃទី២៤ ខែមករា ដើម្បីពិនិត្យ និងវាយតម្លៃសំណើសុំបញ្ចេញប្រភេទក្លូនកៅស៊ូចំនួន២ប្រភេទរបស់វិទ្យាស្ថានស្រាវជ្រាវកៅស៊ូកម្ពុជានេះ។
ឯកឧត្តមរដ្ឋលេខាធិការ បានមានប្រសាសន៍ឱ្យដឹងថា ៖ នៅក្នុងកិច្ចប្រជុំនេះ វិទ្យាស្ថានស្រាវជ្រាវកៅស៊ូកម្ពុជា បានធ្វើបទបង្ហាញពីដំណាំកៅស៊ូ ដែលមានការលូតលាស់ និងទំហំដើមល្អ មានភាពធន់នឹងអាកាសធាតុ និងជំងឺ ព្រមទាំងទទួលបានទិន្នផលខ្ពស់ជាងពូជកំពុងដាំដុះនៅកម្ពុជា និងអាចប្រមូលផលបានចាប់ពី៥ឆ្នាំឡើងទៅ។
ឯកឧត្តមបានឱ្យដឹងទៀតថា៖ ជាលទ្ធផលនៃកិច្ចប្រជុំ គណ:កម្មាធិការបានសម្រេចឯកភាពបញ្ចេញប្រភេទពូជកៅស៊ូទាំង២ ដែលមានឈ្មោះ CRRI12 និង CRRI 19 និងគោរពដាក់ជូន ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ដើម្បីពិនិត្យ និងសម្រេច។
គួរជម្រាបថា៖ ចក្ខុវិស័យរបស់វិទ្យាស្ថានស្រាវជ្រាវកៅស៊ូកម្ពុជា(CARDI)ផ្តោតលើការស្រាវជ្រាវសម្រាប់អភិវឌ្ឍន៍កសិកម្មប្រកបដោយនិរន្តភាពក្នុងប្រទេសកម្ពុជា និងមានបេសកកម្មបង្កើនផលិតភាពកសិកម្មធ្វើឲ្យប្រសើរឡើងពិពិធកម្មដំណាំ និងធានាបាននូវនិរន្តភាពបរិស្ថាន ព្រមទាំងស្ថិរភាពជីវភាពជនបទតាមរយៈភាពជាដៃគូក្នុងការស្រាវជ្រាវ និងការប្រើប្រាស់បច្ចេកទេសកសិកម្ម។ ចំណែកទិសដៅយុទ្ធសាស្រ្តគឺបង្កើត និងជំរុញការប្រើប្រាស់ឲ្យបានទូលាយនូវបច្ចេកទេសល្អៗដើម្បើគាំទ្រដល់កំណើនវិស័យកសិកម្ម៕
Account
Security
Favourite Content