សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កណ្តាល ៖ នៅព្រឹកថ្ងៃទី២៧ ខែធ្នូ ឆ្នាំ២០២៥ ឯកឧត្តមរដ្ឋលេខាធិការ ហាស់ សារ៉េត តំណាងដ៏ខ្ពស់ខ្ពស់ពីឯកឧត្តមរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ អមដំណើរដោយឯកឧត្តម គួច ចំរើន អភិបាលខេត្តកណ្តាល អង្គការស្បៀងអាហារ និងកសិកម្ម (FAO) តំណាងមន្ត្រីជលផល និងក្រុមការងារក្រសួងកសិកម្ម បានចុះសង្កេតការប្រមូលផលត្រីនៅដាយត្រីលេខ១៥ ស្ថិតនៅឃុំកោះចិន ស្រុកពញាឮ ខេត្តកណ្តាល។
ឯកឧត្តម ហាស់ សារ៉េត រដ្ឋលេខាធិការ បានគូសបញ្ជាក់ថា ផលត្រីឆ្នាំនេះមានកំណើនក្នុងរង្វង់១០ភាគរយបើប្រៀបធៀបឆ្នាំ២០២៤។ ផលត្រីកើននេះដោយសារការអនុវត្តបានល្អលើការងារសំខាន់ៗ ជាអាទិ៍៖
ក្រោមការដឹកនាំរបស់រាជរដ្ឋាភិបាលក្នុងអាណត្តិទី៧ ដែលមានក្រសួងកសិកម្ម រុក្ខាប្រមាញ់ និងនេសាទ ជាសេនាធិការ តាមរយៈយន្តការអន្តរក្រសួង និងមានការចូលរួមពីអាជ្ញាធរដែនដីគ្រប់លំដាប់ថ្នាក់ ពិសេសនៅតាមបណ្តាខេត្តនៃបឹងទន្លេសាប ក្រុមការងារគ្រប់គ្រងបានល្អធនធានធម្មជាតិ បឹងទន្លេសាប ទប់ស្កាត់ការទន្ទ្រានដី និងព្រៃលិចទឹក ដែលជាជម្រកត្រីចម្រុះពងកូន។
ជាមួយគ្នានេះ ប្រជាពលរដ្ឋទូទៅ ជាពិសេសប្រជានេសាទ និងសហគមន៍មានការយល់ដឹងខ្ពស់ចូលរួមចំណែកក្នុងការគ្រប់គ្រងអភិរក្សធនធានជលផលបានល្អប្រសើរ ក្នុងឆ្នាំនេះក្រោយពីប្រជានេសាទ ធ្វើការនេសាទតាមបឹង តាមដងទន្លេពេលដែលពួកគាត់ជួបប្រភេទត្រីកម្រ ត្រីដែលជិតផុតពូជ ដែលពីមុនមិនមានវត្តមាន ដូចជា ត្រីគល់រាំង ត្រីរាជ ត្រីត្រសក់ គាត់តែងតែប្រលែងទៅវិញ ហើយឯកឧត្តមរដ្ឋមន្ត្រីបានឱ្យមន្ត្រីជំនាញធ្វើលិខិតសរសើរ និងអរគុណដល់ប្រជានេសាទទាំងនោះផងដែរ។ ក្រៅពីនេះ ក្រុមការងារបានអនុវត្តវិធានការច្បាប់ តាមរយៈការប្រើប្រាស់កម្លាំងសរុប មធ្យោបាយ និងវិធានការសរុបក្នុងការទប់ស្កាត់បទល្មើសជលផល ដែលក្នុងនោះមានកងកម្លាំងប្រដាប់អាវុធ ដែលជាកម្លាំងស្នួលដ៏មានប្រសិទ្ធភាព ដើម្បីទប់ស្កាត់ល្មើសច្បាប់ទាំងឡាយដែលនៅតែបន្តកើតមាន។
ជាចុងបញ្ចប់ ឯកឧត្តមរដ្ឋលេខាធិការ ក៏បានសំណូមពរដល់ប្រជាពលរដ្ឋទូទៅ ពិសេសប្រជានេសាទគោរពច្បាប់ជលផល អនុវត្តឱ្យបានត្រឹមត្រូវការប្រើប្រាស់ឧបករណ៍នេសាទស្របច្បាប់ រួមគ្នាអភិរក្សធនធានជលផលឱ្យកាន់តែមានប្រសិទ្ធដើម្បីភាពសម្បូណ៌ត្រីពីមួយឆ្នាំទៅមួយឆ្នាំ និងសម្រាប់អ្នកជំនាន់ក្រោយ៕
Account
Security
Favourite Content