សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានលើកឡើងថា ការដោះស្រាយបញ្ហាពូជស្រូវគឺជាយុទ្ធសាស្រ្តមួយរបស់ក្រសួងកសិកម្ម ក្នុងការពង្រឹងផលិតកម្មផ្ទៃក្នុងឱ្យរឹងមាំចាប់ពីឆ្នាំ២០២៣ មុននឹងស្វែងរកទីផ្សារខាងក្រៅបន្ថែម ដើម្បីជំរុញចលនានាំចេញអង្ករ។
ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានមានប្រសាសន៍បែបននេះនៅក្នុងជំនួបជាមួយនឹងសហព័ន្ធស្រូវអង្ករកម្ពុជា ក្នុងគោលបំណងផ្តោតលើផលិតកម្មពូជស្រូវ និងការនាំចេញអង្ករ កាលពីថ្ងៃទី៣១ ខែតុលា ឆ្នាំ២០២២កន្លងទៅ ដែលសហព័ន្ធស្រូវអង្ករកម្ពុជា បានស្នើឱ្យក្រសួងកសិកម្មជួយជំរុញខ្សែច្រវាក់ផលិតកម្មក្នុងការនាំចេញស្រូវអង្ករ ទៅទីផ្សារដែលមានសក្ដានុពល ជាពិសេសទីផ្សារថ្មីៗ ដើម្បីផ្ដល់ប្រាក់់ចំណូលជូនដល់កសិករ។
ឯកឧត្តមរដ្ឋមន្ត្រីបានជំរុញឱ្យវិស័យឯកជន ឬក្រុមហ៊ុននាំចេញ ធ្វើកិច្ចសន្យាជាមួយកសិករនៅតាមតំបន់នីមួយៗរៀងខ្លួន ដើម្បីផ្គត់ផ្គង់ពូជទៅតាមតម្រូវការទីផ្សារ តែត្រូវផ្តល់តម្លៃសមរម្យមួយឱ្យថោកជាងតម្លៃពូជបច្ចុប្បន្ន។ គម្រោង ផលិតពូជស្រូវនេះ នឹងជំរុញធ្វើយ៉ាងណាឱ្យទទួលបានពូជស្រូវ ដែលសុទ្ធល្អ ចាប់ពីខែឧសភា ឆ្នាំ២០២៣ទៅ។
រដ្ឋមន្ត្រីក្រសួងកសិកម្ម ឯកឧត្តម ឌិត ទីណា បានទទួលស្គាល់ថាការងារជាអាទិភាពចំពោះមុខ គឺផែនការសកម្មភាពស្ដីពីការជំរុញផលិតកម្ម និងការប្រើប្រាស់ពូជស្រូវដែលមានគុណភាពល្អក្នុងបរិមាណទាប តែផ្ដល់ទិន្នផលស្រូវខ្ពស់។ ការជ្រើសរើសពូជក៏ត្រូវអត្រាដុះខ្ពស់ ធំលឿន មានកម្លាំងខ្លាំង ធន់នឹងជំងឺ និងសត្វល្អិត ទុំស្រុះគ្នាល្អ និងមានអត្រាលាយគ្រាប់ពូជផ្សេង និងគ្រាប់ខ្មៅចង្រៃទាប ដែលនឹងរួមចំណែកឱ្យស្រូវអង្ករមានតម្លៃខ្ពស់នៅលើទីផ្សារ។
ឯកឧត្តម ឌិត ទីណា ក៏បានលើកទឹកចិត្តឱ្យមានការចូលរួមពីគ្រប់ភាគីពាក់ព័ន្ធទាំងអស់ ជាពិសេសវិស័យឯកជន ដើម្បីធានាថា ពូជស្រូវសុទ្ធដែលប្រជាកសិករផលិតបាន នឹងមានទីផ្សារទទួលទិញយកទៅដាំដុះបន្ត ហើយភាគីពាក់ព័ន្ធគួរសិក្សាអំពីប្រភេទអង្ករដែលជាតម្រូវការនៅលើទីផ្សារអន្ដរជាតិ ហើយជំរុញការផលិតស្របទៅតាមតម្រូវការជាក់ស្ដែង។
ឧកញ៉ា ហ៊ុន ឡាក់ ប្រធានក្រុមប្រឹក្សាភិបាល នៃសហព័ន្ធស្រូវអង្ករកម្ពុជា បានលើកឡើងថា សម្រាប់កែច្នៃនាំចេញ មានបញ្ហាប្រឈម ដោយសារបញ្ហាកង្វះគ្រាប់ពូជសុទ្ធ បានធ្វើឱ្យការផ្គត់ផ្គង់របស់កសិករ មកកាន់រោងម៉ា ស៊ីនកិនស្រូវ ជាពិសេសអង្ករសែនក្រអូប និងផ្ការំដួល ដូច្នេះ លោកស្នើឱ្យមានរៀបចំយុទ្ធសាស្រ្ត និងផែនការជំរុញផលិតកម្មពូជក្នុងទ្រង់ទ្រាយធំ ដែលមានការចូលរួមពីគ្រប់ភាគី ដោយផ្តោតលើប្រភេទពូជណាខ្លះ ឆ្លើយតបទៅនឹងតម្រូវការទីផ្សារបាន។
លោកឧកញ៉ា ហ៊ុន ឡាក់ បានមានប្រសាសន៍ថា ៖
“បញ្ហាប្រឈមមួយចំនួន ចំពោះកសិករដែលបានប្រើប្រាស់ពូជតំណគ្នា ។ ពូជក្លាយ ដែលធ្វើឱ្យទិន្នផលស្រូវទាប ហើយភាពសុទ្ធនៃគ្រាប់អង្ករ ត្រូវធ្លាក់ចុះ”
អនុប្រធានសហព័ន្ធស្រូវអង្គរកម្ពុជា លោកស្រី គឹម ស្រីរ័ត្ន បានលើកឡើងថា ការរៀបចំយុទ្ធសាស្ត្រស្រូវអង្ករក្នុងដំណាក់កាលថ្មី ២០២៣-២០៣០ និងស្នើឱ្យគ្រប់ភាគីធ្វើការរួមគ្នា ដើម្បីធ្វើបច្ចុប្បន្នភាពនៃផ្ទៃដីដាំដុះស្រូវឡើងវិញ និងស្នើសុំឱ្យក្រសួងកសិកម្ម ត្រូវរៀបចំយុទ្ធនាការផ្សព្វផ្សាយទៅកាន់កសិករ លើជំនាញបច្ចេកទេសដាំដុះ ការប្រើប្រាស់ជី ថ្នាំពុលកសិកម្ម និងពូជ ក្នុងកម្រិតទ្រង់ទ្រាយធំ តាមរយៈការផលិតវីឌីដេអូផ្សព្វផ្សាយនិងសុំឱ្យក្រសួងកសិកម្មត្រូវរៀបចំការចុះបញ្ជីចំនួនរោងម៉ាស៊ីនកិនស្រូវទៅប្រទេសចិនបន្ថែមទៀត ទោះបីជាការងារនេះ ត្រូវបានឯកភាពជាគោលការណ៍ពីអគ្គនាយកដ្ឋានកសិកម្មរួចហើយក៏ដោយ។
លោកស្រី បញ្ជាក់ថា កាលពីឆ្នាំមុនៗ ខាងសហព័ន្ធមានអង្ករសែនក្រអូប និងអង្កររំដួល ដែលភាពសុទ្ធ ត្រូវបានធ្លាក់ចុះដោយសារកត្តាកសិករពេលខ្លះពួកគាត់បានប្រើប្រាស់ពូជស្រូវដដែលៗច្រើនដងពេក ដោយមិនបានទិញពូជល្អៗពីកន្លែងលក់ ឬមួយក៏ពួកគាត់ដាំដុះទៅ វាមានការឆ្លងពីពូជមួយទៅពូជមួយទៀត។ដូច្នេះហើយវាធ្វើឱ្យគុណភាពអង្ករឆ្នាំមុនៗ មានការធ្លាក់ចុះ។
លោកស្រី គឹម ស្រីរ័ត្នមានប្រសាសន៍ថា៖
“យើងចង់ឱ្យក្រសួង ផ្តោតទៅលើការផលិតស្រូវពូជ ដែលមានគុណភាពល្អ សុទ្ធល្អ ហើយចែកចាយទៅឱ្យក្រុមហ៊ុនឯកជន ឬមួយកសិករសហគមន៍ណា ដែលគាត់អាចយកទៅធ្វើស្រូវពូជ ហើយបន្តទៅទៀតបាន ដើម្បីយើងកិនជាអង្ករមកបានភាពសុទ្ធ មានគុណភាពល្អ មានតម្លៃសមរម្យ”
ពីសហព័ន្ធវអង្ករកម្ពុជាបានបង្ហាញទិន្នន័យ ក្នុងការនាំចេញ អង្ករកម្ពុជា រយៈពេលប្រាំបួនខែនៃឆ្នាំ២០២២នេះ មានចំនួន ជិត៤៥ម៉ឺនតោន គិតជាទឹកប្រាក់ជាង២៨៦លានដុល្លារអាមេរិក ទៅកាន់គោលដៅចំនួន៦០ប្រទេស ដែលក្នុងនោះមានតំបន់មជ្ឈិមបូព៌ាផងដែរ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content