សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ មែនទែនទៅ មិនត្រឹមតែធ្វើនៅតាមបណ្ដាលខេត្តនោះទេ ចលនាភូមិមួយផលិតផលមួយ កំពុងមមាញឹកក្នុងការកៀរគរប្រមូលបណ្តាសហគ្រាស សិប្បកម្ម អាជីវកម្មធំតូច ដែលផលិត និងកែច្នៃផលិតផលខ្មែរ ក៏ដូចជាផលិតផលសម្គាល់តំបន់ រៀបចំការដាក់តាំងបង្ហាញលក់ ក៏ដូចជាផ្គូរផ្គងដៃគូ រវាងអ្នកផលិត និងភាគីដែលជាអ្នកទិញ ធ្វើយ៉ាងណាអាចជួយជំរុញ និងលើកម្ពស់ទីផ្សារផលិតផលក្នុងស្រុកឱ្យកាន់តែរីកចម្រើន។ ជាក់ស្ដែង នៅត្រឹមថ្ងៃទី១១ ខែមេសា ឆ្នាំ២០២៤ខាងមុខនេះ បណ្ដាលសហគ្រាសប្រមាណជាង ៣០ នឹងជួបជុំគ្នានៅទីតាំងទីស្ដីការគណៈរដ្ឋមន្ដ្រីដើម្បីបង្ហាញផលិតផលរបស់ខ្លួន ក៏ដូចជាអបអរពិធីបុណ្យចូលឆ្នាំថ្មីប្រពៃណីជាតិខ្មែរផងដែរ។
កម្មវិធីនេះនឹងប្រព្រឹត្តទៅនៅទីតាំងអាគារមិត្តភាព ខាងកើតកង់ទីន ក្នុងបរិវេណទីស្ដីការគណៈរដ្ឋមន្ត្រី ចាប់ពីម៉ោង ៨ព្រឹកដល់ ៥ល្ងាច ដោយមានការចូលរួមពីសំណាក់រាជរដ្ឋាភិបាល ក៏ដូចជាសហគ្រាសចំនួន៣២ ដែលមានផលិតផលច្រើនមុខ នាំយកមកពីបណ្តាខេត្តផ្សេងៗគ្នា មករួមគ្នាដាក់តាំងបង្ហាញ និងលក់ផលិតផលរបស់ខ្លួននៅរាជធានីភ្នំពេញផ្ទាល់តែម្ដង។
ឯកឧត្តម បណ្ឌិត សួង ណយ អនុប្រធានគណៈកម្មាធិការជាតិជំរុញចលនាភូមិមួយផលិតផលមួយបានមានប្រសាសន៍ថា៖
«ចលនាភូមិមួយផលិតផលមួយលើកនេះនឹងប្រព្រឹត្តទៅនៅទីតាំងទីស្ដីការគណៈរដ្ឋមន្ត្រីផ្ទាល់តែម្ដង ហើយវាក៏ជាលើកដំបូងដែលយើងរៀបចំឡើងនៅទីនេះ ដែលសបញ្ជាក់ថារាជរដ្ឋាភិបាលបាននឹងកំពុងយកចិត្តទុកដាក់ក្នុងជួយជំរុញគាំទ្រផលិតជារិ ផលិតដោយសហគ្រាសក្នុងស្រុក»។
ឯកឧត្តមបន្តថា កម្មវិធីនេះមានការចូលរួមពីខាងមន្ត្រីជាន់ខ្ពស់រាជរដ្ឋាភិបាលផង ពីវិស័យឯកជនផង ដោយឡែកឯមហាជនទូទៅក៏អាចចូលរួមបានដោយសេរី ដែលជាឱកាសមួយសម្រាប់ម្ចាស់សហគ្រាសទាំង៣២ ក្នុងការបង្ហាញណែនាំផលិតផលរបស់ខ្លួន ក៏ដូចជាដាក់ឱ្យគេបានឃើញ បានសាក និងបានភ្លក្ស ឱ្យដឹងពីរសជាតិ គុណភាពផលិតផលក្នុងស្រុកដែលមិនចាញ់ផលិតផលនាំចូលនោះទេ។ ហេតុនេះ បងប្អូននៅរាជធានីភ្នំពេញផ្ទាល់ ឬនៅតំបន់ជិតៗ អាចចូលរួមកម្មវិធីមួយនេះបានទាំងអស់គ្នា ដែលរាល់ការគាំទ្ររបស់សាធារណៈជនទាំងអស់ គឺជាការចូលរួមចំណែកគាំទ្រ និងលើកកម្ពស់សេដ្ឋកិច្ចក្រុមអ្នកផលិតក្នុងស្រុកតាមតំបន់ អ្នកពាក់ព័ន្ធ ក៏ដូចជាសេដ្ឋកិច្ចជាតិទាំងមូល។ ទិញផលិតផលខ្មែរគឺ ឈ្នះ ឈ្នះ ឈ្នះ ទាំងអស់គ្នា៕
Account
Security
Favourite Content