ប្រព័ន្ធទូទាត់បាគងរបស់ធនាគារជាតិនៃកម្ពុជា ទទួលពានរង្វាន់ឆ្នាំ២០២១

ភ្នំពេញ៖ ធនាគារជាតិនៃកម្ពុជាបានទទួលពានរង្វាន់ផលិតផល និងសេវាកម្មដែលមានឧត្តមភាពប្រចាំឆ្នាំ២០២១ សម្រាប់ប្រព័ន្ធទូទាត់បាគង (“Bank Digital Currency [Bakong]”) ពីទស្សនាវដ្តីជប៉ុន Nikkei ខណៈពិធីប្រគល់ពានរង្វាន់នឹងប្រព្រឹត្តទៅនៅថ្ងៃទី២ ខែកុម្ភៈ ឆ្នាំ២០២២។

ទស្សនាវដ្តី Nikkei បានប្រកាសនៅពីថ្ងៃអង្គារ ទី៤ ខែមករា ឆ្នាំ២០២២នេះថា ប្រព័ន្ធទូទាត់បាគង ដែលគ្រប់គ្រងដោយធនាគារជាតិនៃកម្ពុជា (ធនាគារកណ្តាល) បានជាប់ចំណាត់ថ្នាក់ជាអ្នកឈ្នះពានរង្វាន់ឆ្នើមប្រចាំឆ្នាំ២០២១ Nikkei Superior Products and Services Awards សម្រាប់បច្ចេកវិទ្យាច្នៃប្រឌិត និងឥទ្ធិពលលើការអភិវឌ្ឍន៍សេដ្ឋកិច្ច និងសង្គមរបស់ប្រទេសកម្ពុជា។ នេះបើយោងតាមការចុះផ្សាយរបស់សារព័ត៌មានជប៉ុន Nikkei Asia។

បាគង គឺជាប្រព័ន្ធទូទាត់ទូទាំងប្រទេសដែលផ្អែកលើបច្ចេកវិទ្យា Blockchain ពីធនាគារជាតិនៃកម្ពុជា បានចាប់ផ្តើមដំណើរការជាផ្លូវការនៅក្នុងខែតុលា ឆ្នាំ២០២០ ហើយត្រូវបានទទួលស្គាល់ថាជារូបិយប័ណ្ណឌីជីថលរបស់ធនាគារកណ្តាលដំបូងគេរបស់ពិភពលោក (CBDC)។

ធនាគារកណ្តាលសង្ឃឹមថា បាគងនឹងរួមចំណែកដល់ការអភិវឌ្ឍន៍របស់ប្រទេស ដោយបង្កើតប្រព័ន្ធហិរញ្ញវត្ថុរួម ដែលប្រជាពលរដ្ឋអាចធ្វើប្រតិបត្តិការហិរញ្ញវត្ថុជាមួយស្មាតហ្វូន (ទូរស័ព្ទឆ្លាតវៃ ឬ Smartphone) របស់ពួកគេ។

កម្មវិធីបាគងលើទូរស័ព្ទដៃឆ្លាតវៃអាចប្រើនៅតាមបណ្តាហាង និងសម្រាប់ការផ្ទេរប្រាក់។ ប្រជាពលរដ្ឋមិនចាំបាច់ត្រូវការចុះឈ្មោះគណនីធនាគារនៅ “បាគង” ទេ ដរាបណាពួកគេប្រើប្រាស់លេខទូរស័ព្ទនៅកម្ពុជា។ អ្នកប្រើប្រាស់អាចផ្ញើប្រាក់ដោយការស្កេន QR កូដ ឬបញ្ជាក់លេខទូរស័ព្ទរបស់អ្នកទទួល។ ប្រតិបត្តិការអាចធ្វើឡើងជាប្រាក់រៀលកម្ពុជា ឬដុល្លារអាមេរិក។

យោងតាមធនាគារជាតិនៃកម្ពុជា បានឱ្យដឹថា កម្មវិធីបាគងមានអ្នកប្រើប្រាស់ប្រហែល ២៧០ ០០០ នាក់គិតត្រឹម ខែវិច្ឆិកា ឆ្នាំ២០២១។

ធនាគារកណ្តាលបានសហការជាមួយធនាគារក្នុងស្រុក ដើម្បីធ្វើប្រតិបត្តិការ និងពង្រីកការទទួលយកសេវាបាគង។ ជាលទ្ធផល ប្រព័ន្ធទូទាត់បាគងបានទៅដល់ដៃអ្នកប្រើប្រាស់ប្រហែល ៧.៩ លាននាក់ ដែលជាចំនួនជិតពាក់កណ្តាលនៃចំនួនប្រជាជនសរុប ក្នុងនោះរួមទាំងអ្នកប្រើប្រាស់ដោយប្រយោលតាមរយៈកម្មវិធីពីធនាគារដៃគូ។ គិតត្រឹមខែវិច្ឆិកា មានប្រតិបត្តិការសរុបចំនួន ៦.៨ លាន ដែលមានគិតជាទឹកប្រាក់ប្រមាណ ២.៩ ពាន់លានដុល្លារ ។

លោកជំទាវបណ្ឌិត ជា សិរី ឧបការីទេសាភិបាល និងជាអគ្គនាយកបច្ចេកទេស ធនាគារជាតិនៃកម្ពុជា បានថ្លែងប្រាប់ស្ថាប័ន Nikkei Asia ថា ៖

“បាគង អនុញ្ញាតឱ្យមានអន្តរប្រតិបត្តិការរវាងតួអង្គពាក់ព័ន្ធផ្សេងៗគ្នានៅក្នុងប្រព័ន្ធហិរញ្ញវត្ថុ ដែលធ្វើឱ្យការទូទាត់តាមឌីជីថលកាន់តែងាយស្រួល និងមានប្រសិទ្ធភាពជាងមុ។ អន្តរប្រតិបត្តិការនេះរវាងតួអង្គផ្សេងៗគ្នានៅក្នុងប្រព័ន្ធហិរញ្ញវត្ថុនឹងមិនត្រឹមតែបង្កើតតម្លៃបន្ថែមដល់អ្នកប្រើប្រាស់ចុងក្រោយទាក់ទងនឹងសេវាកម្មប៉ុណ្ណោះទេ ប៉ុន្តែថែមទាំងជួយភ្ជាប់គម្លាតរវាងធនាគារ និងមិនមានធនាគារ និងជនបទ និងទីក្រុង ដូច្នេះវានឹងបង្កើតទំនាក់ទំនងកាន់តែប្រសើរក្នុងសង្គម”

លោកជំទាវបានថ្លែងបន្តថា នេះគឺជាការងារដ៏សំខាន់មួយ ជាពិសេសក្នុងចំណោមពលករចំណាកស្រុក និងនិស្សិតដែលចាកចេញពីភូមិកំណើតរបស់ពួកគេទៅធ្វើការ ឬសិក្សានៅតំបន់ទីក្រុង ហើយត្រូវការទំនាក់ទំនងផ្នែកហិរញ្ញវត្ថុជាមួយគ្រួសាររបស់ពួកគេ។

កម្ពុជាត្រូវបានចាត់ចូលជាប្រទេសអភិវឌ្ឍន៍តិចបំផុតដោយអង្គការសហប្រជាជាតិ។ មានតែ ២២% នៃប្រជាជនពេញវ័យប៉ុណ្ណោះដែលមានគណនីទូទាត់តាមធនាគារ ឬទូរស័ព្ទក្នុងឆ្នាំ២០១៧ ដែលទាបជាងតួលេខក្នុងតំបន់ ៧០% នៅអាស៊ីបូព៌ា និងប៉ាស៊ីហ្វិក។ នេះបើយោងតាមធនាគារពិភពលោក។

នោះគឺជាហេតុផលសំខាន់មួយដែលធនាគារកណ្តាលបានបង្កើតរូបិយប័ណ្ណឌីជីថលថ្មី ដោយដាក់ចេញនូវប្រព័ន្ធដែលនឹងផ្តល់ឱ្យមនុស្សគ្រប់គ្នានូវលទ្ធភាពទទួលបានសេវាហិរញ្ញវត្ថុ ដែលមានតម្លៃសមរម្យ។ ធនាគារកណ្តាលបានធ្វើការជាមួយក្រុមហ៊ុនបច្ចេកវិទ្យា blockchain របស់ជប៉ុន Soramitsu ដើម្បីអភិវឌ្ឍប្រព័ន្ធទូទាត់បាគង ដែលត្រូវបានដាក់ឈ្មោះតាមប្រាសាទបុរាណមួយក្នុងប្រទេសកម្ពុជា។

ទន្ទឹមនឹងការលើកកម្ពស់ការប្រើប្រាស់បាគងក្នុងស្រុក ធនាគារជាតិនៃកម្ពុជាក៏កំពុងសហការជាមួយស្ថាប័នហិរញ្ញវត្ថុនៅក្រៅប្រទេសផងដែរ។ កាលពីខែសីហា ឆ្នាំមុន ធនាគារកណ្តាល និងធនាគារពាណិជ្ជម៉ាឡេស៊ី Malayan Banking បានបង្កើតការផ្ទេរប្រាក់ឆ្លងព្រំដែនដោយប្រើប្រាស់បាគង ដោយអនុញ្ញាតពលករចំណាកស្រុកកម្ពុជាក្នុងប្រទេសម៉ាឡេស៊ីអាចប្រើប្រាសមធ្យោបាយផ្ញើប្រាក់យ៉ាងរហ័សទៅកាន់គ្រួសាររបស់ខ្លួន។

លោកជំទាវ ជា សេរី បានថ្លែងដូច្នេះថា ៖ការខិតខំប្រឹងប្រែងរបស់ធនាគជាតិនៃកម្ពុជាក្នុងការលើកកម្ពស់ការផ្ទេរប្រាក់ឆ្លងព្រំដែន តាមរយៈបាគងក៏ត្រូវបានរំពឹងថានឹងផ្តល់ឱ្យកម្មករចំណាកស្រុក ជាពិសេសស្ត្រី ដើម្បីឱ្យមានការគ្រប់គ្រងកាន់តែប្រសើរឡើងលើហិរញ្ញវត្ថុរបស់ពួកគេ [ដោយ] អាចផ្ញើប្រាក់ប្រកបដោយប្រសិទ្ធភាពទៅកាន់អ្នកផ្តល់សេវាក្នុងស្រុក ដូចជាសាលារៀនជាដើម មន្ទីរពេទ្យ ឬក្រុមហ៊ុនឧបករណ៍ប្រើប្រាស់] ដោយមិនមានអន្តរការី»។

បាគងក៏ជាឧបករណ៍សម្រាប់ធនាគារកណ្តាលក្នុងការជំរុញឱ្យមានការប្រើប្រាស់ប្រាក់រៀល។ ប្រទេសកម្ពុជាមានប្រព័ន្ធរូបិយប័ណ្ណពីរ ដោយប្រាក់ដុល្លារអាមេរិកត្រូវបានប្រើសម្រាប់ប្រតិបត្តិការភាគច្រើន។ ធនាគារកណ្តាលសង្ឃឹមថា ការកើនឡើងនៃការប្រើប្រាស់ប្រាក់រៀលតាមរយៈបាគងនឹងជួយក្នុងការគ្រប់គ្រងគោលនយោបាយរូបិយវត្ថុ។

ការដាក់ឱ្យដំណើរការរបស់បាគង ក៏បានបន្ថែមទៅលើការបង្កើនការយកចិត្តទុកដាក់របស់ធនាគារកណ្តាលផ្សេងទៀតលើប្រព័ន្ធរូបិយប័ណ្ណជំនាន់ក្រោយ។ ការស្ទង់មតិដោយធនាគារអន្តរជាតិ Bank for International Settlements ដែលបានចេញផ្សាយនៅក្នុងខែមករា ឆ្នាំ ២០២១ បានបង្ហាញថា ៨៦% នៃធនាគារកណ្តាលចំនួន ៦៥ ដែលបានឆ្លើយតបត្រូវបានចូលរួមយ៉ាងសកម្មនៅក្នុងទម្រង់មួយចំនួននៃរូបិយប័ណ្ណឌីជីថល CBDC ។ ជិត ៦០% បាននិយាយថា ខ្លួន “ទំនង” ឬ “អាចធ្វើទៅបាន” ដែលពួកគេនឹងចេញ CBDC សម្រាប់ការប្រើប្រាស់ក្នុងរយៈពេល ៦ ឆ្នាំខាងមុខ។

ប្រទេសចិនបានចាប់ផ្តើមសាកល្បងប្រាក់យន់ឌីជីថលនៅក្នុងទីក្រុងមួយចំនួន ខណៈប្រទេសឡាវដែលនៅជិតខាងរបស់ប្រទេសកម្ពុជាក៏កំពុងគិតគូរអំពីការដាក់ឱ្យដំណើរការប្រព័ន្ធទូទាត់ឌីជីថលរបស់ខ្លួន ដោយមានជំនួយពីក្រុមហ៊ុន Soramitsu ។ គួរបញ្ជាក់ថា ពានរង្វាន់ Nikkei Superior Products and Services Awards ឆ្នាំ២០២១ បានជ្រើសរើសផលិតផល និងសេវាកម្មហរិញ្ញវត្ថុសំខាន់ៗ និងល្អប្រសើរចំនួន ១៦ ពីប្រទេសជប៉ុន និងកន្លែងផ្សេងទៀតក្នុងអាស៊ីក្នុងអំឡុងឆ្នាំ២០២១៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

ព័ត៌មានទូទៅ

មើលទាំងអស់ ➧

វិបត្តិបំណុលគ្រួសារ និងវិស័យទេសចរណ៍ទន់ខ្សោយ ទាញឱ្យសេដ្ឋកិច្ចថៃដាំក្បាលចុះ

ព្រឹត្តិការណ៍, សេដ្ឋកិច្ច

• 13/08/2026

សេដ្ឋកិច្ចថៃត្រូវបានរំពឹងថានឹងកើនឡើងត្រឹម ១,៧ ភាគរយក្នុងត្រីមាសទី២ ឆ្នាំ២០២៦ ដោយសារការចំណាយរបស់គ្រួសារធ្លាក់ចុះ បំណុលគ្រួសារខ្ពស់ និងវិស័យទេសចរណ៍មិនសូវរឹងមាំ ខណៈកំណើននេះធ្លាក់ចុះយ៉ាងខ្លាំងពី ២,៨ ភាគរយក្នុងត្រីមាសទី១

រដ្ឋាភិបាលកម្ពុជា និងក្រុមហ៊ុនបារាំង គ្រោងបង្កើតផ្សារបោះដុំកសិផល និងអាហារស្រស់កម្រិតអន្តរជាតិនៅភ្នំពេញ

ព្រឹត្តិការណ៍, សេដ្ឋកិច្ច

• 13/08/2026

រាជរដ្ឋាភិបាលកម្ពុជា កំពុងចាប់ដៃគូជាមួយភាគីបារាំង លើគម្រោងបង្កើត «ផ្សារបោះដុំកសិផល និងអាហារស្រស់កម្រិតអន្តរជាតិ» នៅរាជធានីភ្នំពេញ ដើម្បីលើកកម្ពស់ខ្សែច្រវាក់ផ្គត់ផ្គង់កសិផល ធានាសុវត្ថិភាពម្ហូបអាហារ

លោក Putin ធ្វើទស្សនកិច្ចលើកដំបូងបង្អស់ទៅកាន់ប្រជុំកោះ Kuril តំបន់ជម្លោះដ៏រ៉៉ាំរ៉ៃជាមួយជប៉ុន

ព្រឹត្តិការណ៍, អាជីវកម្មថ្មី និងនវានុវត្ត

• 13/08/2026

ប្រធានាធិបតីរុស្ស៊ី លោក Vladimir Putin បានធ្វើទស្សនកិច្ចជាលើកដំបូងបង្អស់របស់លោកទៅកាន់ប្រជុំកោះ Kuril ក្នុងអំឡុងពេលធ្វើដំណើរទស្សនកិច្ចការងារនៅតំបន់ស៊ីបេរី និងចុងបូព៌ា

គម្រោង «អច្ឆរិយៈអង្គរ» នឹងត្រូវអភិវឌ្ឍន៍លើទីតាំងព្រលានយន្តហោះសៀមរាបចាស់ ដើម្បីស្ដារ និងជំរុញវិស័យទេសចរណ៍ឡើងវិញ

ព្រឹត្តិការណ៍, អចលនទ្រព្យ

• 13/08/2026

គម្រោង អច្ឆរិយៈអង្គរ នឹងអភិវឌ្ឍនៅលើទីតាំងអាកាសយានដ្ឋានសៀមរាបចាស់ ដោយគ្រោងប្រែក្លាយទៅជាមជ្ឈមណ្ឌលពាណិជ្ជកម្ម វប្បធម៌ និងទេសចរណ៍នាពេលរាត្រី

ឯកឧត្តមបណ្ឌិត កៅ ថាច ៖ កសិករគួរពិចារណាឱ្យបានម៉ត់ចត់មុនពេលខ្ចីប្រាក់ពីស្ថាប័នធនាគារ និងមីក្រូហិរញ្ញវត្ថុអំពីលទ្ធភាពសងត្រឡប់

ព្រឹត្តិការណ៍, ហិរញ្ញវត្ថុ

• 13/08/2026

ឯកឧត្តមបណ្ឌិត កៅ ថាច ៖ កសិករគួរពិចារណាឱ្យបានម៉ត់ចត់មុនពេលខ្ចីប្រាក់ពីស្ថាប័នធនាគារ និងមីក្រូហិរញ្ញវត្ថុអំពីលទ្ធភាពសងត្រឡប់ និងមានផែនការច្បាស់លាស់ ជៀសវាងការធ្លាក់ចូលក្នុងអន្ទាក់បំណុល

អាម៉េរិកបង្ខំក្រុមហ៊ុនអាវុធធំៗ ដាក់ផែនការបង្កើនផលិតកម្មក្នុងរយៈពេល ២១ ថ្ងៃ

ព្រឹត្តិការណ៍, អាជីវកម្មថ្មី និងនវានុវត្ត

• 13/08/2026

ក្រសួងការពារជាតិអាម៉េរិក បានទុកពេលត្រឹម ២១ ថ្ងៃ ឱ្យក្រុមហ៊ុនផលិតអាវុធធំៗ ដាក់ជូនផែនការលម្អិតសម្រាប់ពន្លឿនការផលិតសព្វាវុធសំខាន់ៗ ខណៈស្តុកមីស៊ីលរបស់អាម៉េរិកបានធ្លាក់ចុះយ៉ាងខ្លាំង បន្ទាប់ពីការប្រើប្រាស់សព្វាវុធក្នុងប្រតិបត្តិការយោធានៅមជ្ឈិមបូព៌ានាពេលថ្មីៗនេះ

មាសហក់ដល់ ៤,៤០៦ ដុល្លារ/អោន ខណៈនៅកម្ពុជាឡើងដល់ ៥,២៨០ ដុល្លារ/តម្លឹង

ព្រឹត្តិការណ៍, សេដ្ឋកិច្ច

• 13/08/2026

តម្លៃមាសបានហក់ឡើងដល់កម្រិតខ្ពស់បំផុតក្នុងរយៈពេលជាង ២ ខែ បន្ទាប់ពីទិន្នន័យអតិផរណារបស់សហរដ្ឋអាម៉េរិកស្របតាមការព្យាករណ៍របស់ទីផ្សារ ដែលជំរុញការរំពឹងថា ធនាគារកណ្តាលអាម៉េរិក (Fed) អាចបន្តរក្សាអត្រាការប្រាក់នៅថេរក្នុងកិច្ចប្រជុំខែកញ្ញាខាងមុខ

រយៈពេល ៦ ខែ វៀតណាមរកចំណូលបានជិត ១ ពាន់លានដុល្លារពីការនាំចេញទុរេនទៅចិន

ព្រឹត្តិការណ៍, សេដ្ឋកិច្ច

• 13/08/2026

វៀតណាមរកចំណូលបានជិត ១ ពាន់លានដុល្លារពីការនាំចេញទុរេនទៅកាន់ប្រទេសចិន ខណៈដែលកំពុងពង្រីកខ្លួនទៅកាន់ទីផ្សារបរទេសផ្សេងទៀតផងដែរ

រដ្ឋាភិបាលជំរុញការអភិវឌ្ឍភូមិភាគឦសានទៅជាប៉ូលសេដ្ឋកិច្ចថ្មី

ព្រឹត្តិការណ៍, សេដ្ឋកិច្ច

• 13/08/2026

ភូមិភាគឦសាន ដែលរួមមានខេត្តស្ទឹងត្រែង រតនគិរី មណ្ឌលគិរី និងក្រចេះ បានក្លាយជាទិសដៅអាទិភាពខ្ពស់សម្រាប់ការអភិវឌ្ឍសង្គម-សេដ្ឋកិច្ច ដោយផ្តោតលើការពង្រឹងហេដ្ឋារចនាសម្ព័ន្ធ ការទាក់ទាញវិនិយោគ និងការអភិវឌ្ឍវិស័យកសិកម្ម កសិ-ឧស្សាហកម្ម និងទេសចរណ៍ ដើម្បីជំរុញកំណើន និងកាត់បន្ថយគម្លាតអភិវឌ្ឍន៍ជាមួយតំបន់កណ្តាលនៃប្រទេស

គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ

Top News, ព្រឹត្តិការណ៍, ហិរញ្ញវត្ថុ

• 12/08/2026

មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ