សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ បើទោះជាកំពុងស្ថិតក្នុងស្ថានភាពប្រឈមនឹងវិបត្តិជំងឺឆ្លងក៏ដោយ ប្រទេសវៀតណាម បាន និងទទួលវត្តមានវិនិយោគិនអន្តរជាតិថ្មីៗជាច្រើនដែលសម្រុកចូលទៅបណ្តាក់ទុនវិនិយោគលើគ្រប់វិស័យ ដែលក្នុងនោះវិស័យអចលនទ្រព្យមានភាពផុសផុលជាងគេ។
ក្រៅតែពីកិច្ចព្រមព្រៀងដ៏ទូលំទូលាយ និងវឌ្ឍនភាពសម្រាប់ភាពជាដៃគូអន្តរប៉ាស៊ីហ្វិក (CPTPP) វៀតណាមបានទទួលកិច្ចព្រមព្រៀងពាណិជ្ជកម្មសេរីជាច្រើនដូចជា កិច្ចព្រមព្រៀងពាណិជ្ជកម្មសេរីសហភាពអឺរ៉ុប (EVFTA) និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ជាដើម ដែលវាត្រូវបានគេមើលឃើញថា កំពុងជម្រុញឲ្យវិនិយោគបរទេសតម្រង់ជួរគ្នាសម្រុកចូលទៅប្រទេសវៀតណាមបើទោះជាស្ថិតនៅក្នុងស្ថានភាពវាយប្រហារដោយកូវីដក្តី។
Vietnam Net ដែលបានចេញផ្សាយកាលពីប៉ុន្មានថ្ងៃកន្លងមកនេះបានបង្ហាញថាទំហំទឹកប្រាក់ដែលបានចុះឈ្មោះនៅក្នុងអាជីវកម្មនៃវិស័យអចលនទ្រព្យគិតចាប់ពីខែមករាដល់ខែសីហាឆ្នាំ២០២១នេះវៀតណាមទទួលបានរហូតទៅដល់១,៦ពាន់លានដុល្លារពីសំណាក់ក្រុមហ៊ុនវិនិយោគបរទេស ហើយវាត្រូវបានគេមើលឃើញកំពុងស្ថិតនៅចំណាត់ថ្នាក់លេខ៣ក្នុងចំណោមវិស័យទាំង១៨របស់វៀតណាមដែលនេះបានន័យថា ទោះបីជាស្ថានភាពកូវីដកំពុងនៅតែបន្តវាយទៅលើប្រទេសវៀតណាមក្តី ប៉ុន្តែវិស័យអចលនទ្រព្យរបស់ប្រទេសវៀតណាមគឺនៅតែមានភាពទាក់ទាញខ្លាំងចំពោះវិនិយោគទុនបរទេស។
ទោះបីជាយ៉ាងណាក្តី តួលេខនេះគឺនៅតែមានទំហំតិចជាងទំហំនៃការវិនិយោគសរុបកាលពីឆ្នាំទៅក្នុងពេលវេលាដូចគ្នាដែលវៀតណាមធ្វើបាន២,៨៧ពាន់លានដុល្លារ ហើយអ្នកជំនាញអចលនទ្រព្យជាច្រើនបានលើកឡើងថាជារឿងដែលសមហេតុផល ពីព្រោះថាផលប៉ះពាល់ដោយសារកូវីដបានធ្វើឲ្យក្រុមវិនិយោគិនបរទេសពិបាកទាំងការធ្វើដំណើរមកដល់វៀតណាមផងព្រមទាំងពិបាកក្នុងការសម្រេចចិត្តធ្វើវិនិយោគផងដែរ។
នៅក្នុងឆ្នាំនេះកិច្ចព្រមព្រៀងជាច្រើនដែលពាក់ព័ន្ធទៅនឹងការផ្គត់ផ្គង់ប្រភេទអចលនទ្រព្យជាដីធ្លីសម្រាប់បម្រើឲ្យវិស័យឧស្សាហកម្មមានកំណើនខ្លាំង ហើយក្នុងនោះគម្រោងធំៗ កាលពីត្រីមាសដំបូងត្រូវបានទទួលភាគច្រើនមកពីបណ្តាអ្នកវិនិយោគនៃទីក្រុងហុងកុង និងប្រទេសសិង្ហបុរីដោយពួកគេបានចាប់យកគោលដៅគោលដៅអចលនទ្រព្យសំខាន់នៅដូចជាខេត្ត Quang Ninh និងខេត្ត Bac Giangជាដើម។
Savills Hong Kong ក្រុមហ៊ុនអ្នកជំនាញហិរញ្ញវត្ថុនិងវិនិយោគបានអះអាងថា វៀតណាមគឺជាប្រទេសតែមួយគត់នៅលើលោក ដែលទទួលបានតួលេខកំណើនជាវិជ្ជមាននៅក្នុងអត្រានៃការវាយតម្លៃដោយក្រុមហ៊ុនទីភ្នាក់ងារវាយតម្លៃឥណទានអន្តរជាតិទាំងបីគឺ Moody’s, S&P និង Fitch ដូចនេះវៀតណាមគឺនៅតែជាគោលដៅវិនិយោគដ៏ពេញនិយម សម្រាប់វិនិយោគិនបរទេសដដែលរហូតមកដល់បច្ចុប្បន្ននេះ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជា កំពុងពិនិត្យលទ្ធភាពកែច្នៃសំរាម ទៅជាអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ
Top News, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 02/10/2026
ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបរិស្ថាន កំពុងពិនិត្យលទ្ធភាពកែច្នៃសំរាម និងសំណល់រឹង ទៅជាថាមពលអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ។ មន្ដ្រីជាន់ខ្ពស់ក្រសួងបរិស្ថាន បានប្រាប់បណ្ដាញសារព័ត៌មាន AMS នៅថ្ងៃទី២ ខែតុលា នេះ ថា លទ្ធភាពកែច្នៃទៅរួច ឬអត់ គឺស្ថិតនៅលើទុនវិនិយោគរបស់ក្រុមហ៊ុនធំណាមួយនឹងចូលខ្លួនមកកែច្នៃ ព្រោះគម្រោងនេះត្រូវចំណាយច្រើន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content