សមាគមសហគ្រិនវ័យក្មេងកម្ពុជារៀបចំកិច្ចជំនួបសហគ្រិនវ័យក្មេងលើកទី១ ឆ្នាំ​២០២៤

ភ្នំពេញ ៖ នាថ្ងៃទី០២ ខែកុម្ភៈ ឆ្នាំ២០២៤ សមាគមសហគ្រិនវ័យក្មេងកម្ពុជាបានរៀបចំកិច្ចជំនួបសហគ្រិនវ័យក្មេងលើកទី១ ឆ្នាំ​២០២៤។​ ដូចទៅនឹងរៀងរាល់ឆ្នាំ កម្មវិធីនេះគឺជាកិច្ចជំនួបលើកទី១ក្នុងចំណោមកិច្ចជំនួប ៥ ដងជាប្រចាំឆ្នាំរបស់សមាគម។​ ជំនួបសហគ្រិនវ័យក្មេង ឬជាភាសាអង់គ្លេសថា Young Entrepreneurs Gathering គឺជាកម្មវិធីជួបជុំពិសេស និងដ៏សំខាន់មួយសម្រាប់ម្ចាស់អាជីកម្មដែលត្រូវបានរៀបចំឡើងសម្រាប់តែសមាជិករបស់សមាគមសហគ្រិនវ័យក្មេងកម្ពុជាតែប៉ុណ្ណោះ។​

គោលបំណងសំខាន់នៃកិច្ចជំនួបម្ចាស់អាជីវកម្មនេះ គឺដើម្បីពង្រឹង និងពង្រីកទំនាក់ទំនង បណ្តាញគាំទ្រអាជីវកម្មរវា​ងសមាជិកនិងសមាជិក ដែលជាវេទិកាសម្រាប់ចែករំលែកនូវបទពិសោធ បញ្ហាប្រឈម ឬ ដំណោះស្រាយផ្សេងៗ​ ​ដែលអាចផ្សារភ្ជាប់បណ្តាញអាជីវកម្ម និងបង្កើតឱកាសគាំទ្រគ្នាទៅវិញទៅមក។​​

ជាងនេះទៅទៀត ម្ចាស់អាជីវកម្មទទួលបាននូវការចែករំលែកនូវព័ត៌មានស្ដីពីច្បាប់ និងគោលនយោបាយសំខាន់ៗសម្រាប់អាជីវកម្មពីវាគ្មិនពាក់ព័ន្ធ ជាពិសេសពីរាជរដ្ឋាភិបាលដែលទាក់ទងនឹងធុរកិច្ចរបស់ពួកគេ។​ ក្នុងកិច្ចជំនួបនេះផងដែរ មានការអញ្ជើញចូលរួមពីថ្នាក់ដឹកនាំ​ និងសមាជិករបស់សមាគម ក៏ដូចជាម្ចាស់ឧបត្ថម្ភ ដៃគូអភិវឌ្ឍ និងដៃគូសហការជាច្រើនរបស់សមាគម​ប្រមាណជា ១៥០ នាក់។

សមាគមសហគ្រិនវ័យក្មេងកម្ពុជាមានបេសកកម្មធ្វើការក្នុងភាពជាដៃគូសហការជាមួយអ្នកពាក់ព័ន្ធនានា ដើម្បីធានាឱ្យមានការប្រកួតប្រជែងថ្នាក់តំបន់ លើធុរកិច្ចបែបបច្ចេកវិទ្យា ឌីជីថល អាជីវកម្មបរិយាបន្ន ការច្នៃប្រឌិត និងការបង្កើតថ្មីរបស់សហគ្រាសធុនមីក្រូ តូច និងមធ្យម (MSMEs) នៅក្នុងប្រទេសកម្ពុជា។ សមាគមសហគ្រិនវ័យក្មេងកម្ពុជា​ មានជំនឿរួមមួយថាការជឿនលឿននៃសេដ្ឋកិច្ចរបស់ប្រទេសមួយ ភាគច្រើនត្រូវពឹងផ្អែកទៅលើអ្នកជំនាញ និងធុរជនវ័យក្មេងជំនាន់ក្រោយ។

ឧកញ៉ា  ប៉ិច បូឡែន ប្រធានសមាគមសហគ្រិនវ័យក្មេងកម្ពុជា បានធ្វើការវាយតម្លៃខ្ពស់ពីសមិទ្ធផលដែលសមាគមសម្រេចបានក្នុងឆ្នាំ២០២៣។ ឧកញ៉ាប្រធាន បានគូសបញ្ជាក់បន្ថែមទៀតដែរថា “សហគ្រិនវ័យក្មេងមានសក្តានុពលសេដ្ឋកិច្ចខ្លាំង ដែលពួកគាត់ត្រូវការលើកទឹកចិត្ត ការគាំទ្រ និងការជ្រោមជ្រែងពីគ្រប់តួអង្គពាក់ព័ន្ធទាំងអស់ ដូច្នេះយើងត្រូវបង្កើត និងបង្កើនកិច្ចអន្តរាគមន៍ដល់សហគ្រិនរបស់យើង។ សមាគមសហគ្រិនវ័យក្មេងកម្ពុជា ត្រូវតែខ្លាំង និងប្រឹងប្រែងឱ្យបានកាន់តែច្រើនទ្វេដងជាងមុន ត្រូវរកគ្រប់មធ្យោបាយ និងវិធីសាស្ត្រទាំងអស់ ដើម្បីជួយដល់សមាជិកសមាជិការរបស់សមាគម ម្ចាស់សហគ្រាស និងប្រព័ន្ធអេកូឡូស៊ី ដែលគាំទ្រដល់សហគ្រិនវ័យក្មេងនិងម្ចាស់អាជីវកម្មនៅកម្ពុជា”។

ឧកញ៉ាប្រធាន បានអំពាវនាវបន្ថែមដល់ម្ចាស់សហគ្រាសធំៗ ដៃគូអភិវឌ្ឍន៍ ស្ថាប័នពាក់ព័ន្ធ ជាពិសេសរាជរដ្ឋាភិបាលកម្ពុជា បន្តជួយឧបត្ថម្ភគាំទ្រក្នុងភាពជាដៃគូបន្ថែមទៀតដល់សមាគម ដើម្បីអភិវឌ្ឍសហគ្រិនវ័យក្មេង និងម្ចាស់សហគ្រាស ឲ្យកាន់តែប្រសើរ និងអាចប្រកួតប្រជែងជាមួយធុរកិច្ចក្នុងតំបន់ និងនៅលើឆាកអន្តរជាតិ ដើម្បីសេដ្ឋកិច្ចជាតិរបស់យើង និងដើម្បីយើងទាំងអស់គ្នា។

ក្នុងឱកាសនៃកិច្ចជំនួបនេះផងដែរ សមាគមក៏បានចុះអនុស្សរណៈនៃភាពជាដៃគូជាមួយម្ចាស់ឧបត្ថម្ភជាច្រើន រួមមាន Partner Sponsor, National Sponsor, Main Sponsor, Media Sponsor និង Co-Sponsor។ គួរបញ្ជាក់ថា បច្ចុប្បន្នសមាគមមានសមាជិកចំនួនជាង ៦០០ នាក់ ដែលជាម្ចាស់អាជីវកម្មប្រមាណជា ១៨០០ ក្រុមហ៊ុនក្នុងប្រទេសកម្ពុជា ដែលមានសាខាតាមខេត្តចំនួន ៧ និងបន្តបង្កើតសាខាឲ្យបានគ្រប់ខេត្តត្រឹមឆ្នាំ២០២៦។

សមាគមមានទិសដៅយុទ្ជសាស្រ្តសសំខាន់ៗចំនួយ ៦ សម្រាប់គាំទ្រសមាជិកដូចជា៖

  1. បង្កើនលទ្ធភាពក្នុងការទទួលបានហិរញ្ញប្បទានធនាគារ និងទុនវិនិយោគដល់សមាជិក
  2. ពង្រឹងសមត្ថភាព MSMEs លើជំនាញឌីជីថល អាជីវកម្មបរិយាបន្ន និងនវានុវត្តន៍
  3. ពង្រឹងកម្លាំងពលកម្មជំនាញ និងពង្រឹកទីផ្សារការងារ​ និងអនាគតទីផ្សារការងារអាស៊ាន
  4. ចូលរួមជាមួយរដ្ឋាភិបាលក្នុងការបង្កើតគោលនយោបាយ និងយន្តការនានាដើម្បីគាំទ្រដល់ SMEs 
  5. បង្កើនសហប្រតិបត្តិការអន្តរជាតិ និងទីផ្សារសម្រាប់ពាណិជ្ជកម្ម និងអាជីវកម្មរបស់សមាជិក 
  6. បង្កើនសមាជិក ពង្រីកសាខា និងអភិវឌ្ឍប្រកបដោយចីរភាព

អំពីសមាគមសហគ្រិនវ័យក្មេងកម្ពុជា

សមាគមសហគ្រិនវ័យក្មេងកម្ពុជា (YEAC) វ៉ាយអ៊ីអេស៊ី ត្រូវបានបង្កើតឡើងនៅខែកញ្ញា ឆ្នាំ២០០៩ ដោយក្រុមសហគ្រិនវ័យក្មេង មកពីវិស័យអាជីវកម្មផ្សេងៗគ្នា នៅក្នុងប្រទេសកម្ពុជា។ សមាគមសហគ្រិនវ័យក្មេងកម្ពុជា បង្កើតឡើងជាសមាគម មិនរកប្រាក់ចំណេញ ដែលផ្តល់អំណាចដល់សហគ្រិនវ័យក្មេង ជាពិសេសសហគ្រិនស្ត្រីដើម្បីលើកកម្ពស់សហគ្រិន និងយុវជន តាមរយៈការបង្កើតវេទិកា ចងក្រង និងពង្រឹងបណ្តាញសហគ្រិន ការចែករំលែកការរៀនសូត្រពីធុរកិច្ច និងបង្កើតនូវឱកាសអាជីវកម្មនានា ដើម្បីបសង្កើនផលិតភាព ការបង្កើតការងារ ការអភិវឌ្ឍសេដ្ឋកិច្ចនិងការកសាងសមត្ថភាពអ្នកជំនាន់ក្រោយសម្រាប់សេដ្ឋកិច្ចកម្ពុជា។

សមាគមសហគ្រិនវ័យក្មេងកម្ពុជាមានចក្ខុវិស័យជួយដល់សហគ្រាសធុនមីក្រូ តូច និងមធ្យមនៅកម្ពុជា ឈានទៅរកការធ្វើអាជីវកម្មបែបឌីជីថល បរិយាប័ន្ន និងភាពច្នៃប្រឌិត។ ដូច្នេះហើយ បញ្ហាប្រឈមទាំង ៦ ដែលជាអាទិភាពនៅក្នុងទិសដៅយុទ្ធសាស្ត្រថ្មីសម្រាប់ឆ្នាំ២០២០ – ២០២៥ នឹងជាផែនទីយុទ្ធសាស្ត្រសម្រាប់ផែនការប្រតិបត្តិការរបស់សមាគមផងដែរ។ វាក៏បានផ្តល់ឱ្យសមាគមសហគ្រិនវ័យក្មេងកម្ពុជានូវតួនាទីយ៉ាងសំខាន់ និងប្រកបដោយភាពច្នៃប្រឌិតក្នុងការបម្រើផលប្រយោជន៍ដល់សហគ្រិនវ័យក្មេងកម្ពុជាទាំងមូល។ ទាំងអស់នេះគឺជាឱកាសចូលរួមចំណែកក្នុងបរិយាកាសអាជីវកម្មដែលមានភាពប្រសើរជាងមុន ដោយការអនុវត្តជំនាញជាក់ស្ដែង បទពិសោធ ឥទ្ធិពល និងធនធានរបស់សមាគមសហគ្រិនវ័យក្មេងកម្ពុជា។,

សម្រាប់ព័ត៌មានបន្ថែម៖

លោក ស៊ឹម តារា អគ្គលេខាធិការរងសមាគម

លេខទូរសព្ទ៖ ០១២ ៧៧១ ០៥១/ ០៩៦ ៦៩៩ ៩៩៦៨


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ