កម្ពុជា កំពុង​ពិនិត្យលទ្ធភាពកែច្នៃសំរាម ទៅ​ជាអគ្គិសនី និងឥន្ធនៈ ដើម្បី​បង្កើត​តម្លៃសេដ្ឋកិច្ចជាតិ

ភ្នំពេញ ៖ រាជរដ្ឋាភិបាល​កម្ពុជា តាម​រយៈ​ក្រសួង​បរិស្ថាន កំពុង​ពិនិត្យ​លទ្ធភាពកែច្នៃសំរាម និង​សំណល់​រឹង ទៅ​ជាថាមពល​អគ្គិសនី និងឥន្ធនៈ ដើម្បី​បង្កើត​តម្លៃ​សេដ្ឋកិច្ចជាតិ។ មន្ដ្រី​ជាន់ខ្ពស់​ក្រសួង​បរិស្ថាន បាន​ប្រាប់​បណ្ដាញ​សារព័ត៌មាន AMS នៅ​ថ្ងៃ​ទី២ ខែ​តុលា ​នេះ ថា លទ្ធភាព​កែច្នៃ​ទៅរួច ឬអត់ គឺស្ថិតនៅលើ​ទុនវិនិយោគ​របស់​ក្រុមហ៊ុនធំណាមួយនឹងចូល​ខ្លួន​មក​កែច្នៃ ព្រោះគម្រោងនេះ​ត្រូវ​ចំណាយ​ច្រើន និង​មាន​បច្ចេកទេស​ខ្ពស់។

អ្នកនាំ​ពាក្យក្រសួងបរិស្ថាន ឯកឧត្ដម ខ្វៃ អាទិត្យា ​បានមាន​ប្រសាសន៍​ថា អ្នក​ជំនាញ​បច្ចេកទេស បាន​សិក្សា​រួច​​ហើយថា សំរាម​ ឬសំណល់​រឹង គេអាចទាញយកឧស្ម័ន​មេតានទៅផលិតថាមពលអគ្គិសនី និងកែច្នៃ​ទៅ​ជាឥន្ធនៈ​ប្រភេទ RDF ដើម្បីយកទៅផ្គត់ផ្គង់ឧស្សាហកម្មផលិតស៊ីម៉ងត៍។​ ប៉ុន្ដែ​​សំរាម​នៅ​ទីលាន “ដង្កោ” ដែល​គេ​​មើល​ឃើញ​ថា​​ មាន​បរិមាណ​អាច​ទាញ​យក​ជា​ប្រយោជន៍​សេដ្ឋកិច្ច​បាន​នោះ មិន​ទាន់​មាន​ក្រុមហ៊ុន​​វិនិយោគ​ណា​មួយដាក់សំណើ​មក​ក្រសួង ដើម្បីចាប់ផ្ដើម​ប្រតិបត្ដិការ​គម្រោង​កែច្នៃ​​នៅ​ឡើយ​ទេ។

បើ​តាម​ឯកឧត្ដម ខ្វៃ អាទិត្យា កម្ពុជា​ស្វាគមន៍​ក្រុមហ៊ុន​វិនិយោគជាតិ និង​អន្ដរជាតិ ហើយក៏​រង់ចាំ​គាំទ្រ​ពេញ​ទំហឹង​លើ​ដំណើរការកែច្នៃ ប្រសិន​បើ​មាន​ក្រុមហ៊ុនធំៗចាប់​អារម្មណ៍ចង់បណ្ដាក់ទុន ខណៈ​ក្រសួង​ក៏កំពុងស្វែងរក​ដៃគូអភិវឌ្ឍន៍​លើ​វិស័យ​នេះឱ្យ​បាន​លឿន​ផងដែរ។ បើ​គម្រោង​នេះ​ត្រូវ​បាន​អនុវត្ដមែន វា​នឹង​ជួយ​បង្កើត​តម្លៃ​សេដ្ឋកិច្ច​ផង និង​កាត់បន្ថយ​ផលប៉ះពាល់​បរិស្ថាន និង​មនុស្សជាតិផង។

សូម​ជម្រាប​ថា សំរាម​មិន​ទាន់​ញែកជាង ៤០០០តោន ក្នុង​ ១ថ្ងៃ បន្ដ​ដឹកចេញ​ពី​រាជធានីភ្នំពេញ ទៅ​ចាក់​នៅ​ទីលានសំរាម​ ស្ថិតនៅខណ្ឌដង្កោ​ដែលផ្ទុកសំរាមចន្លោះពី ១៤លាន ទៅ​ ១៥លាន​តោន​ស្រាប់​​ហើយ​នោះ ត្រូវ​បាន​ក្រសួង​បរិស្ថាន និង​ក្រុមហ៊ុន​ប្រមូល គ្រប់គ្រងសំរាម​នៅ​រាជធានីភ្នំពេញ ត្រៀម​ផ្ទេរ​ទៅ​ចាក់​នៅ​ទីលានទួលព្រិច ស្ថិតនៅស្រុក​អង្គស្នួល ខេត្ដ​កណ្ដាល​វិញ ចាប់​ពី​ខែ​មករា ឆ្នាំ​២០២៧។ ចំណែកឯគំនរសំរាម “ដង្កោ” ត្រូវបិទជាមួយ​នឹង​ការ​ឃ្លាំមើលទីតាំង​នេះ​ជាប់លាប់ រង់ចាំការអភិវឌ្ឍន៍ ឬការកែច្នៃចូល​មក​ដល់។ ទោះ​ជា​យ៉ាងណា​ គ្រប់​ប្រភេទសំរាម ឬសំណល់​រឹង​ មិនមែន​សុទ្ធតែ​អាច​ទាញ​យកថាមពល​អគ្គិសនី និងប្រេងឥន្ធនៈបាន​ឡើយ លើកលែង​តែមាន​ការ​បែងចែក ឬញែក​ទៅ​តាម​ប្រភេទ​របស់​វា។

 បើ​តាម​លោក ឃុន ស៊ីវ ដែល​ជា​កូនខ្មែរ​ម្នាក់​មានសមត្ថភាពកែច្នៃប្លាស្ទិកទៅ​ជា​ប្រេងម៉ាស៊ូត នៅ​ខេត្ដ​ត្បូងឃ្មុំ បានឱ្យ​ដឹង​ថា ប្លាស្ទិកចំនួន ៧ប្រភេទ បាន​បង្កផលប៉ះពាល់ធ្ងន់ធ្ងរ​ដល់​បរិស្ថាន​ ហើយក្នុងចំណោម​នោះ មាន​ប្លាស្ទិកតែ​ ២​ប្រភេទ​ប៉ុណ្ណោះ​ដែល​គេ​អាច​យក​ទៅចម្រាញ់​ជា​ប្រេង​ម៉ាស៊ូត​បាន។ ក្រៅ​ពី​នោះ គេ​អាចច្នៃបាន​ត្រឹម​ជាឥដ្ឋបរិស្ថាន ប៉ុន្ដែ​មុនកែច្នៃទាមទារឱ្យ​មាន​ការ​ញែក​ប្រភេទ​វា​ដាច់​ចេញ​ពី​គ្នា។

តាម​រយៈ​ការ​ចុះ​ផ្សាយ​របស់ NEWSROOM CAMBODIA កាលពីខែតុលា ឆ្នាំ២០២០ ​លោក ឃុន ស៊ីវ បានប្រើប្លាស្ទិកចំនួន ៧៥៥ក្រាម ទើប​អាចចម្រាញ់បាន​ប្រេង​​ ១លីត្រ ដោយ​ប្រើ​កំដៅ​ក្នុង​ឡគ្មាន​វត្ដមាន​អ៊ុកស៊ីហ្សែន។ របៀបចម្រាញ់​នេះ បង្ក​ផលប៉ះពាល់​បរិស្ថាន​តិច​តួច​ជាង​ដុតប្លាស្ទិក​នៅ​វាលលំហ។ លោក​ថា បើ​ដុត​ប្លាស្ទិក​មួយ​គីឡូក្រាម វា​នឹង​បញ្ចេញ​ជាតិ​ពុល ៣គីឡូក្រាម។ ដូច្នេះ​ បើ​គេ​យកវា​ទៅ​ច្នៃ នឹង​កាត់បន្ថយផលប៉ះពាល់រហូត​ដល់ ៨០% នៃបរិមាណសំរាម ១០០%។

ជុំវិញ​ការកែច្នៃសំរាម​ទៅ​ជា​ប្រភព​ថាមពល(Waste to Energy)​ នេះ ​មាន​បណ្ដាប្រទេស​​សេដ្ឋកិច្ច​ជឿនលឿន​មួយ​ចំនួន​នៅ​លើ​ពិភព​លោក​ដូច​ជា សិង្ហបុរី ជប៉ុន ចិន ស៊ុយអែត និង​ប្រទេសដាណឺម៉ាក បាន​កែច្នៃ​ទៅ​ជា​ថាមពលស្អាត ហើយ​កាត់​បន្ថយ​ផលប៉ះពាល់​បរិស្ថានបាន​យ៉ាង​ជោគជ័យ។ ជាក់ស្ដែង​ សិង្ហបុរី ដែល​នៅ​មិនឆ្ងាយ​ប៉ុន្មាន​ពី​កម្ពុជា មាន​រោងចក្របំប្លែងសំរាមទៅជាថាមពល( WTE​ ) ជាច្រើន ដោយ​ប្រើ​ការ​ដុត​ទាញ​ទៅ​ជា​អគ្គិសនី ដែល​កាត់បន្ថយ​បរិមាណសំរាម​រហូត​ដល់ ៩០% ហើយបាន​រួមចំណែក​ប្រមាណ ២% នៃ​ការ​ផ្គត់ផ្គង់អគ្គិសនី​​នៅ​ទូទាំង​ប្រទេស។ នេះ​បើតាម​ការ​ចុះផ្សាយ​របស់ទីភ្នាក់ងារបរិស្ថានជាតិសិង្ហបុរី៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អូស៊ីអាយស៊ី រៀបចំកិច្ចពិភាក្សាតុមូលជាមួយក្រុមប្រឹក្សាធុរកិច្ចកាណាដា-អាស៊ាន ដោយនាំយកថ្នាក់ដឹកនាំធុរកិច្ចមកពីប្រទេសកាណាដា និងតំបន់មេគង្គមកជួបជុំគ្នានៅអគារ Connexion កោះពេជ្រ

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានរៀបចំកម្មវិធីពិភាក្សាតុមូលផ្នែកពាណិជ្ជកម្មរវាងកាណាដា និងតំបន់មេគង្គ នៅថ្ងៃទី ១៤ ខែវិច្ឆិកា ឆ្នាំ ២០២៦ នៅ Innovation Lab ក្នុងអគារ Connexion កោះពេជ្រ។ កម្មវិធីនេះត្រូវបានរៀបចំឡើងដោយក្រុមប្រឹក្សាពាណិជ្ជកម្មកាណាដា-អាស៊ាន (CABC)

កម្ពុជា​រំពឹង​សម្រេច​កំណើន​សេដ្ឋកិច្ច​ ៤​%​ ​នៅ​ឆ្នាំ​ ២០២៦ ​និង​កើន​ដល់​ ៤​,​៨​%​​ នៅ​ឆ្នាំ ​២០២៧

ព្រឹត្តិការណ៍, សេដ្ឋកិច្ច

• 17/11/2026

សេដ្ឋកិច្ច​កម្ពុជា​ត្រូវ​បាន​ព្យាករ​ថា​នឹង​សម្រេច​កំណើន​ក្នុង​រង្វង់​ ៤​%​ ​នៅ​ឆ្នាំ ​២០២៦ ​និង​បន្ត​កើន​ដល់​ ៤​,​៨​%​ ​នៅ​ឆ្នាំ​២០២៧ ​ដោយ​រាជ​រដ្ឋាភិបាល​គ្រោង​ប្រមូល​ចំណូល​ថវិកា​រដ្ឋ​ប្រមាណ​ ​១៥​,​២៤​%​ ​នៃ​ផលិតផល​ក្នុង​ស្រុក​សរុប​ ​(​ផ.ស.ស.​) ​និង​កំណត់​ចំណាយ​សរុប​ថ្នាក់​ជាតិ​ក្នុង​ទំហំ​ ១៥​,​៨៩​%​ ​នៃ​ ​ផ.​ស.ស. ​ដើម្បី​រក្សា​លំនឹង​សង្គម​-​សេដ្ឋកិច្ច​ ​និង​គាំទ្រ​កំណើន​ក្នុង​បរិការណ៍​នៃ​ភាព​មិន​ប្រាកដប្រជា

ណា​តូ ​លុប​ចោល​កិច្ច​ប្រជុំ​កំពូល​ឆ្នាំ ​២០២៧ ​ចំពេល​ភាព​តានតឹង​អាម៉េរិក​-​អឺរ៉ុប​កើនឡើង​

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

អង្គការ​សន្ធិសញ្ញា​អាត្លង់ទិក​ខាង​ជើង​ ​(​NATO​) ​បាន​សម្រេច​មិន​រៀបចំ​កិច្ច​ប្រជុំ​កំពូល​ថ្នាក់ដឹកនាំ​នៅ​ឆ្នាំ ​២០២៧ ​តាម​ផែនការ​ដើមឡើយ​ ​ដោយសារ​ការ​ខ្វែងគំនិត​គ្នា​កាន់តែ​ខ្លាំង​ឡើង​ក្នុង​ចំណោម​សម្ព័ន្ធមិត្ត​ ​ជាពិសេស​រវាង​សហរដ្ឋ​អាម៉េរិក​ ​និង​ប្រទេស​ជា​សមាជិក​អឺរ៉ុប

កម្មវិធីសហគ្រិនចុងភៅ ឆ្នាំ២០២៦ ! អបអរសាទរទេពកោសល្យចុងភៅជំនាន់ថ្មី និងសហគ្រិនភាពក្នុងវិស័យម្ហូបអាហារ ចាប់ផ្តើមពីគំនិតច្នៃប្រឌិតម្ហូបអាហារ ឆ្ពោះទៅកាន់ឱកាសក្លាយជាសហគ្រិន

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ សហគ្រិនខ្មែរបានបញ្ចប់កម្មវិធី «សហគ្រិនចុងភៅ» (Chefpreneur) ឆ្នាំ២០២៦ តាមរយៈការប្រកួតចម្អិនអាហារវគ្គផ្តាច់ព្រ័ត្រ្រ ដោយមានការចូលរួម ពីយុវជនដែលមានទេពកោសល្យ គណៈកម្មការជំនាញ ដៃគូធុរកិច្ច និងអ្នកប្រឹក្សាជំនាញ ក្នុងវិស័យសេវាកម្ម។ កម្មវិធីនេះបានឆ្លុះបញ្ចាំងពីយុទ្ធសាស្ត្រអភិវឌ្ឍសហគ្រិនភាពក្នុងវិស័យម្ហូបអាហារ តាមរយៈការរួមបញ្ចូល ការបណ្តុះបណ្តាលអំពីគំនិតអាជីវកម្ម ការគ្រប់គ្រងថ្លៃដើម ការប្រើប្រាស់គ្រឿងទេសចម្រុះ និងការកសាង ម៉ាកយីហោ

វឌ្ឍនភាព ៖ គម្រោងសង់​ស្ពានឆ្លងទន្លេបាសាក់ (ចាក់អង្រែក្រោម-ព្រែកប្រា) កាន់តែជិតរួចរាល់ កាន់តែធ្វើឱ្យតំបន់ជុំវិញ​នោះ​មានសក្ដានុពលខ្ពស់

ព្រឹត្តិការណ៍, អចលនទ្រព្យ

• 17/11/2026

គម្រោង​សាងសង់ស្ពានឆ្លង​កាត់ទន្លេបាសាក់​ ចាក់អង្រែក្រោម-ព្រែក​ប្រា​ សម្រេច​បានលទ្ធផល​ជាង​៨៧ហើយ គិតត្រឹមខែវិច្ឆិកា ២០២៦​នេះ

កិច្ច​សហការ​បច្ចេកវិទ្យា​ថ្មី​​ ៣ ​ជំរុញ​សន្តិសុខ​សាយប័រ ​AI ​និង​បរិវត្ត​កម្ម​ឌីជីថល​នៅ​កម្ពុជា​

ព្រឹត្តិការណ៍, សេដ្ឋកិច្ច

• 17/11/2026

ក្រុមហ៊ុន​ ​មេគង្គណិត ​បាន​ចុះ​អនុស្សរណៈ​នៃ​ការ​យោគយល់​ចំនួន​ ៣ ​ជាមួយ​ក្រុមហ៊ុន​បច្ចេកវិទ្យា​អន្តរជាតិ​ ​និង​ដៃគូ​ក្នុង​ស្រុក ​ដើម្បី​ពង្រីក​សេវា​សន្តិសុខ​សាយប័រ ​ពង្រឹង​ការ​តភ្ជាប់​មជ្ឈមណ្ឌល​ទិន្នន័យ​ ​និង​ជំរុញ​ការ​ប្រើប្រាស់​បច្ចេកវិទ្យា​បញ្ញា​សិប្បនិម្មិត ​(​AI​)​ ​និង​ដំណោះស្រាយ​ឌីជីថល​នៅ​កម្ពុជា

លទ្ធផលសំខាន់ៗពីកិច្ចប្រជុំកំពូលចិន-អាស៊ាន លើកទី ២៩ ដែលប្រព្រឹត្តទៅនៅទីក្រុងម៉ានីល ប្រទេសហ្វីលីពីន

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

នាយករដ្ឋមន្ត្រីចិន លោក Li Qiang ជំរុញឱ្យប្រទេសចិន និងអាស៊ានរួមគ្នាការពារ និងអភិវឌ្ឍសហគមន៍រួម ដើម្បីផ្តល់នូវស្ថិរភាព និងភាពប្រាកដប្រជាកាន់តែខ្លាំងដល់ការអភិវឌ្ឍ និងវិបុលភាពរបស់ពិភពលោក

សូហ្វី​ណា ​ហ្វាម​ ​បោះ​ទុន​ ​៦​,​៥​ ​លាន​ដុល្លារ​ ​បង្កើត​កសិដ្ឋាន​មាន់​ពង ​និង​កែច្នៃ​សាច់​ខ្នាត​ធំ​នៅ​ព្រៃ​វែង

ព្រឹត្តិការណ៍, សេដ្ឋកិច្ច

• 17/11/2026

​ក្រុមហ៊ុន​ សូហ្វី​ណា ​ហ្វាម ​ដែល​ជា​ក្រុមហ៊ុន​មាន​ម្ចាស់​ជា​ជនជាតិ​ខ្មែរ​ទាំងស្រុង​ ​បាន​វិនិយោគ​ទុន​ចំនួន​ ៦​,​៥ ​លាន​ដុល្លារ​អាម៉េរិក​ ​ដើម្បី​បង្កើត​កសិដ្ឋាន​ចិញ្ចឹម​មាន់​ពង ​និង​រោងចក្រ​កែច្នៃ​សាច់​មាន់​ខ្នាត​ធំ​ ​នៅ​ស្រុក​កញ្ចៀច ​ខេត្ត​ព្រៃវែង ​ដោយ​គ្រោង​ចាប់ផ្ដើម​ដំណើរការ​នៅ​ថ្ងៃ​ទី​៤​ ​ខែ​មេសា ​ឆ្នាំ​២០២៧

សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុនៅខេត្តសៀមរាប ចំនួន ១៧៥ ៣៦៤ បណ្ណ

Top News, ព្រឹត្តិការណ៍, អចលនទ្រព្យ

• 17/11/2026

សៀមរាប ៖ សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាតំណាងរាស្ត្រមណ្ឌលសៀមរាប នាថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុជានិមិត្តរូបជូនម្ចាស់កម្មសិទ្ធិករក្នុងខេត្តសៀមរាប សរុបចំនួន ១៧៥ ៣៦៤ បណ្ណ ស្មើនឹង ៨ស្រុកស្មើនឹង ២៣ឃុំ ដែលក្នុងនោះ៖

អាស៊ាន​ ចុះ MOU ស្តីពី បណ្តាញអគ្គិសនី និងសេដ្ឋកិច្ចឌីជីថល ខណៈប្រទេសចំនួន ៥ ចាប់អារម្មណ៍លើការស្តុកប្រេងក្នុងតំបន់

ព្រឹត្តិការណ៍, សេដ្ឋកិច្ច

• 17/11/2026

បរទេស ៖ រដ្ឋាភិបាលបណ្តាប្រទេសជាសមាជិកអាស៊ានបានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីបណ្តាញអគ្គិសនីអាស៊ាន (ASEAN Power Grid) ខណៈដែលប្រទេសចំនួន ៥ បង្ហាញចំណាប់អារម្មណ៍លើការស្តុកប្រេងទុកក្នុងតំបន់។ នេះបើតាមការលើកឡើងរបស់រដ្ឋមន្ត្រីក្រសួងពាណិជ្ជកម្មហ្វីលីពីន លោកស្រី Cristina Roque កាលពីថ្ងៃចន្ទ សប្ដាហ៍នេះ បន្ទាប់ពីបញ្ចប់កិច្ចប្រជុំក្រុមប្រឹក្សាសហគមន៍សេដ្ឋកិច្ចអាស៊ានលើកទី ២៨។ លោកស្រី