សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី បានសហការជាមួយនឹងក្រុមហ៊ុន SEVEA បានរៀបចំ“កម្មវិធីជួបជុំក្រុមហ៊ុនផ្គត់ផ្គង់សម្រាប់ហិរញ្ញប្បទានដោយនិរន្តរភាពស្តីពីគម្រោងកម្ចីបៃតង” ។ កម្មវិធីនេះបានត្រូវធ្វើឡើងនាព្រឹកថ្ងៃទី២៩ ខែមិថុនា ឆ្នាំ២០២៤ នៅសាលប្រជុំរបស់ LOLC រាជធានីភ្នំពេញ ដោយមានការចូលរួមពីគណៈគ្រប់គ្រងអិលអូអិលស៊ី ,គណៈគ្រប់គ្រងក្រុមហ៊ុន SEVEA និងតំណាងក្រុមហ៊ុនផ្គត់ផ្គង់។
គម្រោងកម្ចីបៃតងនេះ ផ្តល់អត្ថប្រយោជន៍ច្រើនដល់ក្រុមហ៊ុនផ្គត់ផ្គង់, អតិថិជន, គ្រឹះស្ថាន LOLC , សង្គម និងបរិស្ថាន ព្រមទាំងសេដ្ឋកិច្ច។
លោក សុខ វឿន ប្រធាននាយកប្រតិបត្តិ អិលអូអិលស៊ី (ខេមបូឌា) ភីអិលស៊ី បានថ្លែងនៅក្នុងកម្មវិធីជួបជុំក្រុមហ៊ុនផ្គត់ផ្គង់សម្រាប់ហិរញ្ញប្បទានដោយនិរន្តរភាពស្តីពីគម្រោងកម្ចីបៃតងនេះថា ៖ កម្មវិធីជួបជុំក្រុមហ៊ុនផ្គត់ផ្គង់នៅថ្ងៃនេះ ធ្វើឡើងក្នុងគោលបំណង៖ ទី១.ផ្សព្វផ្សាយឱ្យក្រុមហ៊ុនផ្គត់ផ្គង់បានយល់ដឹងអំពីផលិតផលរបស់អិលអូអិលស៊ីដែលគាំទ្រដល់គម្រោងកម្ចីបៃតង និងឱកាសក្នុងការចាប់ដៃគូសហការជាមួយអិលអូអិលស៊ី ដើម្បីបង្កើនការលក់ និងផ្តល់លទ្ធភាពដល់អតិថិជនក្នុងការទទួលបានហិរញ្ញប្បទានសម្រាប់កម្ចីបៃតង។ ទី២.ផ្តល់នូវការយល់ដឹងកាន់តែស៊ីជម្រៅអំពីទីផ្សារសក្តានុពលសម្រាប់បច្ចេកវិទ្យាបៃតង ទិដ្ឋភាពទូទៅនៅក្នុងទីផ្សារ រួមមាននិន្នាការទីផ្សារ គោលនយោបាយ និងបទបញ្ញត្តិពាក់ព័ន្ធនានា។ បន្ថែមលើនេះផងដែរ អ្នកចូលរួមទាំងអស់នឹងទទួលបាននូវការយល់ដឹងបន្ថែមលើប្រភេទនៃបច្ចេកវិទ្យាបៃតង ដែលកំពុងត្រូវបានប្រើប្រាស់នាពេលបច្ចុប្បន្ន វិសាលភាពនៃការប្រើប្រាស់ អត្ថប្រយោជន៍ ក៏ដូចជាផលប៉ះពាល់នានាដែលត្រូវយកចិត្តទុកដាក់និង ទី៣.ស្វែងយល់អំពីបញ្ហាប្រឈម និងផលលំបាកនានារបស់ក្រុមហ៊ុនផ្គត់ផ្គង់ ក្នុងការផ្សព្វផ្សាយ និងលក់ផលិតផលបៃតង ព្រមទាំងដំណោះស្រាយលើបញ្ហាទាំងនោះតាមរយៈការពិភាក្សាជាមួយអ្នកជំនាញបច្ចេកទេសមកពីក្រុមហ៊ុនផ្គត់ផ្គង់ផ្សេងៗជាច្រើននៅក្នុងកិច្ចពិភាក្សាវគ្គសំណួរចម្លើយ (Q&A Session) ។
លោកប្រធាននាយកប្រតិបត្តិ បានគូសបញ្ជាក់ថា ៖«ហិរញ្ញប្បទានដោយនិរន្តរភាពស្តីពីគម្រោងកម្ចីបៃតង ពិតជាមានសារៈសំខាន់ខ្លាំងណាស់ចំពោះគ្រប់ភាគីពាក់ព័ន្ធក្នុងការចូលរួមលើកកម្ពស់ ថែរក្សាការពារបរិស្ថាន និងសង្គម តាមរយៈការប្រើប្រាស់បច្ចេកវិទ្យាបៃតងដែលមិនប៉ះពាល់ដល់បរិស្ថាន និងសង្គម»។
ទាក់ទងនឹងអត្ថប្រយោជន៍វិញ លោក សុខ វឿន បានថ្លែងឱ្យដឹងថា៖ អត្ថប្រយោជន៍ចំពោះអិលអូអិលស៊ីគឺជួយបង្កើនកំណើនឥណទាន ការវិវត្ត និងវឌ្ឍនភាពនៃបច្ចេកវិទ្យា។ អ្វីដែលសំខាន់ជាងនេះទៅទៀត គឺការបង្កើនកេរ្តិ៍ឈ្មោះល្អ និងការលើកកម្ពស់ការវិនិយោគរយៈពេលវែងប្រកបដោយនិរន្តរភាព។ សម្រាប់អត្ថប្រយោជន៍ក្រុមហ៊ុនផ្គត់ផ្គង់វិញគឺជួយបង្កើនការលក់បានកាន់តែច្រើន និងបង្កើនកេរ្តិ៍ឈ្មោះល្អក្នុងការផ្គត់ផ្គង់ឧបករណ៍ ឬបច្ចេកវិទ្យាបៃតងនៅក្នុងទីផ្សារ។ ចំពោះអតិថិជន នឹងទទួលបានលទ្ធភាពក្នុងការទទួលបានហិរញ្ញប្បទានដើម្បីគាំទ្រដល់ការទទួលបាន ឬការប្រើប្រាស់ឧបករណ៍ និងបច្ចេកវិទ្យាបៃតងសម្រាប់លើកកម្ពស់ការបង្កបង្កើនផល ដែលបង្កើនចំណូល និងកាត់បន្ថយចំណាយ។
លោកប្រធាននាយកប្រតិបត្តិ អិលអូអិលស៊ី បានលើកឡើងផងដែរថា ៖ បរិស្ថាន និងសង្គម ក៏ទទួលបានអត្ថប្រយោជន៍ដែរ គឺកាត់បន្ថយការបញ្ចេញឧស្ម័នពុលទៅក្នុងបរិយាកាស លើកកម្ពស់ការប្រើប្រាស់ថាមពលដែលកកើតឡើងវិញ ជួយថែរក្សាធនធានធម្មជាតិ និងលើកកម្ពស់សុខភាពសាធារណៈ។ មិនត្រឹមតែប៉ុណ្ណោះ គម្រោងកម្ចីបៃតងក៏ចូលរួមលើកកម្ពស់សេដ្ឋកិច្ច តាមរយៈការបង្កើតឱកាសការងារ កាត់បន្ថយចំណាយ និងអភិវឌ្ឍសេដ្ឋកិច្ចក្នុងតំបន់។
លោក សុខ វឿន ប្រធាននាយកប្រតិបត្តិ អិលអូអិលស៊ី (ខេមបូឌា) ភីអិលស៊ី សង្ឃឹមយ៉ាងមុតមាំថា ៖ « កម្មវិធីជួបជុំក្រុមហ៊ុនផ្គត់ផ្គង់នៅថ្ងៃនេះនឹងផ្តល់ជាធាតុចូលសំខាន់ៗ ដើម្បីដោះស្រាយនូវបញ្ហាប្រឈមនានា និងបង្កើនបណ្តាញទីផ្សារកាន់តែទូលំទូលាយជាងមុន តាមរយៈការចាប់ដៃគូសហការជាមួយគ្រឹះស្ថានមីក្រូហិរញ្ញវត្ថុ អិលអូអិលស៊ី ដើម្បីផ្តល់លទ្ធភាពដល់អតិថិជនក្នុងការទទួលបានហិរញ្ញប្បទានសម្រាប់កម្ចីបៃតង»។
លោកក៏បានថ្លែងអំណរគុណចំពោះ លោក លោកស្រីតំណាងក្រុមហ៊ុនផ្គត់ផ្គង់ និងភ្ញៀវកិត្តិយសទាំងអស់ដែលបានចំណាយពេលវេលាដ៏មានតម្លៃចូលរួមក្នុងកម្មវិធីនាថ្ងៃនេះ៕
Account
Security
Favourite Content