សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ នៅក្នុងរយៈពេល៧ខែដំបូងនៃឆ្នាំ២០២៦កន្លងទៅនេះ ទំហំពាណិជ្ជកម្មទ្វេភាគីរវាងវៀតណាម និងឡាវ បានកើនឡើងដល់ ១,៤៧ ពាន់លានដុល្លារ ខណៈដែលការនាំចេញរបស់ប្រទេសឡាវ ទៅកាន់វៀតណាម មានទំហំរហូតដល់ប្រមាណ ១ពាន់លានដុល្លារ ។
យោងតាមសេចក្ដីរាយការណ៍ពី Asia News Network បានបញ្ជាក់ថា នៅក្នុងរយៈពេល ៧ ខែដំបូងនៃឆ្នាំនេះ ឡាវនាំចេញទំនិញទៅកាន់វៀតណាមក្នុងទំហំទឹកប្រាក់ប្រមាណ ១ ពាន់លានដុល្លារ ខណៈដែលការនាំចូលពីវៀតណាមមកវិញមានទំហំ ៤២០ លានដុល្លារ។ ទិន្នន័យទាំងនេះត្រូវបានលើកឡើងនៅក្នុងកិច្ចប្រជុំបូកសរុបការងារពាក់កណ្តាលអាណត្តិរបស់គណៈកម្មាធិការសហប្រតិបត្តិការរួមឡាវ និងវៀតណាមឆ្នាំ២០២៦ នៅទីក្រុងដាណាំង ប្រទេសវៀតណាម កាលពីថ្ងៃទី២៧ ខែសីហា កន្លងទៅនេះ។ កិច្ចប្រជុំនេះក៏បានគូសបញ្ជាក់ពីវឌ្ឍនភាពនៃការអភិវឌ្ឍហេដ្ឋារចនាសម្ព័ន្ធយុទ្ធសាស្ត្រផងដែរ ដូចជា ៖ ផ្លូវល្បឿនលឿនវៀងច័ន្ទ-ហាណូយ, ផ្លូវដែកវៀងច័ន្ទ-វុងអាង, និងគម្រោងបណ្តាញបញ្ជូនអគ្គិសនី 500kV រវាងប្រទេសទាំងពីរ។
ជាការកត់សម្គាល់ ទាំងមន្ត្រីវៀតណាម និងមន្ត្រីឡាវ ទទួលស្គាល់ពីវឌ្ឍនភាពដែលសម្រេចបានជាមួយគោលដៅកំណត់ក្នុងផែនការត្រូវបានអនុវត្តសម្រេចបានដូចការគ្រោងទុក ជាពិសេស ការពង្រឹងចំណងទាក់ទងសេដ្ឋកិច្ចតាមរយៈគម្រោងហេដ្ឋារចនាសម្ព័ន្ធ ដោយភាគីទាំងពីរបានព្រមព្រៀងគ្នាបន្តជំរុញការអភិវឌ្ឍផ្លូវល្បឿនលឿនវៀងច័ន្ទ-ហាណូយ, ផ្លូវដែកវៀងច័ន្ទ-វុងអាង, គម្រោងឃ្លាំងស្តុកទំនិញ, គម្រោងបំពង់បង្ហូរប្រេង, និង ការជួញដូរអគ្គិសនីឆ្លងដែន។ ជាមួយគ្នានេះ ពួកគេបន្តសិក្សាស្រាវជ្រាវលើគម្រោងបណ្តាញបញ្ជូនអគ្គិសនី 500kV ខណៈដែលស្វែងរកការពង្រឹងទំនាក់ទំនងផ្នែកថាមពលបន្ថែមទៀត។ គម្រោងទាំងនេះត្រូវបានរំពឹងថានឹងលើកកម្ពស់ពាណិជ្ជកម្ម និងការវិនិយោគ ពង្រឹងទំនាក់ទំនងរវាងសេដ្ឋកិច្ចទាំងពីរ និងរួមចំណែកដល់ការអភិវឌ្ឍសង្គម-សេដ្ឋកិច្ចឲ្យកាន់តែទូលំទូលាយ។ លើសពីនេះ ភាគីទាំងពីរពិនិត្យលើបញ្ហាមួយចំនួនដែលនៅសេសសល់ ដោយបានព្រមព្រៀងគ្នាបន្តដោះស្រាយការលំបាក និងធានាថាគម្រោង និងកម្មវិធីដែលបានព្រមព្រៀងគ្នា ត្រូវអនុវត្តដោយមានប្រសិទ្ធភាព។
អ្វីដែលសំខាន់ជាងនេះទៅទៀតនោះ ប្រទេសទាំងពីរបានប្តេជ្ញាចិត្តអនុវត្តផែនការសហប្រតិបត្តិការនាពេលអនាគត ឆ្នាំ ២០២៦-២០៣០ ឲ្យមានប្រសិទ្ធភាពខ្ពស់ តាមរយៈការពង្រឹងទំនាក់ទំនងនយោបាយ ការទូត ការវិនិយោគ និងការតភ្ជាប់ហេដ្ឋារចនាសម្ព័ន្ធដឹកជញ្ជូន ដើម្បីជំរុញកំណើនសេដ្ឋកិច្ចរួមគ្នា៕
Account
Security
Favourite Content