សម្តេច​ធិបតី​៖ ការបោះពុម្ព​​ក្រដាស​ប្រាក់​ថ្មី​មាន​គោលដៅ​ពង្រឹង​សុវត្ថិភាព​ ​និង​ជំនួស​ក្រដាស​ប្រាក់​ចាស់​

​សម្តេចធិបតី​ ហ៊ុន ម៉ាណែត ​នាយក​រដ្ឋមន្ត្រី​នៃ​កម្ពុជា​ ​បាន​បញ្ជាក់​ថា​ ​ការ​បោះពុម្ព ​និង​ដាក់​ឱ្យ​ចរាចរ​ក្រដាស​ប្រាក់​ថ្មី​ប្រភេទ​ ៥០​,​០០០​រៀល ​និង​ ១០០​,​០០០​រៀល ​មិន​មែន​ដោយសារ​រាជ​រដ្ឋាភិបាល​ខ្វះខាត​ថវិកា​នោះ​ទេ​ ​ប៉ុន្តែ​ជា​ការ​រៀបចំឡើង​ដើម្បី​ពង្រឹង​សុវត្ថិភាព​ ​សោភ័ណ​ភាព និង​ជំនួស​ក្រដាស​ប្រាក់​ចាស់​ដែល​មាន​អាយុកាល​យូរ​។

​ថ្លែង​ក្នុង​ពិធី ​“​សម្ពោធ​បើក​ឱ្យ​ប្រើប្រាស់​ជា​ផ្លូវការ​ផ្លូវ​ជាតិ​លេខ​១០ ​ប្រវែង​សរុប​ ​១៩៨​,​៥១៨​គីឡូម៉ែត្រ​”​ ​នៅ​ខេត្ត​ពោធិ៍​សាត់ នា​ព្រឹក​ថ្ងៃ​ព្រហស្បតិ៍​ ទី​១ ​ខែ​តុលា ​ឆ្នាំ​២០២៦​ ​សម្តេច​ធិបតី​បាន​លើកឡើង​ថា​ ​ក្រដាស​ប្រាក់​ដែល​មាន​តម្លៃ​ធំ​ងាយ​ប្រឈម​នឹង​ការ​ក្លែងបន្លំ​ជាង​ក្រដាស​ប្រាក់​តម្លៃ​តូច ​ដូច្នេះ​ការ​ចេញ​ក្រដាស​ប្រាក់​ថ្មី​ទាំង​ពីរ​ប្រភេទ​នេះ​ ​បាន​បន្ថែម​បច្ចេកទេស ​និង​ចំណុច​សុវត្ថិ​ភាព​ពិសេស​មួយ​ចំនួន​ ​ដើម្បី​ធ្វើឱ្យ​ការ​ក្លែងបន្លំ​កាន់តែ​លំបាក​។​

​សម្តេចធិបតី​ ហ៊ុន​ ម៉ាណែត ​បាន​មានប្រសាសន៍​ថា​៖​ ​«​មូលហេតុ​មួយ​ទៀត​នៃ​ការ​ចេញ​ក្រដាស​ប្រាក់​ថ្មី ​គឺ​ដើម្បី​ជំនួស​ក្រដាស​ប្រាក់​ចាស់​ដែល​ខូច​ ​និង​ចាស់​។ ​នៅ​ពេល​ប្រមូល​ក្រដាស​ប្រាក់​ចាស់​ ធនាគារ​ជាតិ​នៃ​កម្ពុជា​នឹង​យក​ទៅ​កិន​កម្ទេចចោល ​ហើយ​បញ្ចេញ​ក្រដាស​ប្រាក់​ថ្មី​ចូល​ទៅក្នុង​ចរាចរ​វិញ​»​។​

​សម្តេច​ធិបតី​បាន​បង្ហាញ​ថា ​ត្រឹម​ខែ​ឧសភា​ ​ក្រដាស​ប្រាក់​ចាស់ជិត ​៧២​,​៦ លាន​សន្លឹក​ត្រូវ​បាន​ប្រមូល​យក​ទៅ​កិន​កម្ទេចចោល​ក្នុង​មួយ​ខែ​ ​ខណៈ​ខែ​សីហា ​មាន​ចំនួន​រហូតដល់​ ១១៨​,​៩ ​លាន​សន្លឹក​ ​ដែល​មាន​តម្លៃ​ជិត ៨​៨៨ ​ពាន់​លាន​រៀល​។ ​សម្រាប់​ខែ​កញ្ញា​ ​ក្រដាស​ប្រាក់​ចាស់​ដែល​ប្រមូល​យក​ទៅ​កិន​ចោល​មាន​ជិត ៩៣ លាន​សន្លឹក​។

សរុប​ចាប់​ពី​ខែ​ឧសភា​ដល់​ខែ​កញ្ញា​ ​មាន​ក្រដាស​ប្រាក់​ចាស់​ប្រមាណ​ ៤៣៥ លាន​សន្លឹក​ត្រូវ​បាន​ប្រមូល​យក​ទៅ​កិន​កម្ទេចចោល​។ សម្តេច​ធិបតី​បាន​ពន្យល់​ថា​ ​ដំណើរការ​នេះ​គឺជា​សកម្មភាព​បង្វិល​ចូល ​និង​បង្វិល​ចេញ ​ដោយ​ក្រដាស​ប្រាក់​ចាស់​ត្រូវ​បាន​ដក​ចេញ​ពី​ចរាចរ ​ខណៈ​ក្រដាស​ប្រាក់​ថ្មី​ត្រូវ​បាន​បញ្ចេញ​ជំនួស​វិញ​។

​សម្តេច​ធិបតី​បាន​អះអាង​ថា​ ​ចរន្ត​សាច់​ប្រាក់​នៅ​កម្ពុជា​នៅតែ​ដំណើរការ​ជា​ធម្មតា​ ​និង​បាន​អំពាវនាវ​ឱ្យ​ប្រជា​ពលរដ្ឋ​កុំ​មាន​ការ​ព្រួយបារម្ភ​ចំពោះ​ការ​ចេញ​ក្រដាស​ប្រាក់​ថ្មី​។

​សម្តេច​នាយករដ្ឋមន្ត្រី​ក៏​បាន​បដិសេធ​ចំពោះ​ការ​លើកឡើង​ថា ​រាជ​រដ្ឋាភិបាល​អស់​លុយ ​ទើប​ត្រូវ​បោះពុម្ព​ក្រដាស​ប្រាក់​ថ្មី ​ដោយ​ចាត់ទុក​ការ​លើកឡើង​បែបនេះ​ថា​អាច​បង្ក​ការ​ភ័យខ្លាច ​និង​ជំរុញ​ឱ្យ​ប្រជា​ពលរដ្ឋ​ប្រញាប់​ដក​ប្រាក់​ពី​ធនាគារ​។ សម្តេច​បាន​បញ្ជាក់​ថា​ ​ប្រព័ន្ធ​ធនាគារ​កម្ពុជា​កំពុង​ដំណើរការ​ ​ហើយ​រដ្ឋ​មិន​មាន​ការ​ខ្វះខាត​ថវិកា​នោះ​ទេ​។

​ជាមួយគ្នា​នេះ​ ​សម្តេច​ធិបតី​បាន​បញ្ជាក់​ថា​ ​ក្រដាស​ប្រាក់​ ​១០០​,​០០០​រៀល ​ត្រូវ​បាន​បោះពុម្ព​តាំងពី​ឆ្នាំ​២០១២​ ​ខណៈ​ក្រដាស​ប្រាក់​ ៥០​,​០០០​រៀល ​ត្រូវ​បាន​បោះពុម្ព​តាំងពី​ឆ្នាំ​២០១៣​។ ​ដោយសារ​ក្រដាស​ប្រាក់​ទាំង​ពីរ​ប្រភេទ​មាន​អាយុកាល​ជាង​ ​១០​ឆ្នាំ​ ការ​កែប្រែ ​និង​កែលម្អ​ចំណុច​សុវត្ថិ​ភាព​ត្រូវ​បាន​ធ្វើឡើង​ដើម្បីឱ្យ​សមស្រប​នឹង​បច្ចេកវិទ្យា​បច្ចុប្បន្ន​ ​និង​កាត់បន្ថយ​ហានិភ័យ​នៃ​ការ​ក្លែងបន្លំ​។

​ជា​ឧទាហរណ៍​ ​សម្តេច​ធិបតី​បាន​លើកឡើង​ពី​ការ​បើក​ប្រាក់​ខែ​ឌុប​ជូន​មន្ត្រីរាជការ​ក្នុង​ឱកាស​បុណ្យ​ភ្ជុំ​បិណ្ឌ ​រួមទាំង​ប្រាក់​ឧបត្ថម្ភ​បន្ថែម​ ​៥០​,​០០០​រៀល ​ដែល​សម្តេច​ចាត់ទុក​ថា​ជា​ផ្នែក​មួយ​បង្ហាញ​ថា​ ​រាជ​រដ្ឋាភិបាល​មិន​មាន​ការ​ខ្វះខាត​ថវិកា​ដូច​ការ​លើកឡើង​មួយចំនួន​នោះ​ទេ​។

​ដោយឡែក​ ធនាគារ​ជាតិ​នៃ​កម្ពុជា​បាន​ពន្យល់​កាលពី​ថ្ងៃ​ទី​២៥​ ​ខែ​កញ្ញា​ ​ឆ្នាំ​២០២៦ ​តាមរយៈ​វីដេអូ​ខ្លី​មួយ​ថា​ ​ក្រដាស​ប្រាក់​ថ្មី​ប្រភេទ​ ៥០​,​០០០​រៀល ​និង​ ​១០០​,​០០០​រៀល ​នៅ​រក្សា​ការ​រចនា ​និង​រូបភាព​ដដែល​ ​ប៉ុន្តែ​បាន​បន្ថែម​ចំណុច​សុវត្ថិភាព​ ​និង​សោភ័ណ​ភាព​ឱ្យ​កាន់តែ​ប្រសើរ​។

ធនាគារ​ជាតិ​បាន​បញ្ជាក់​ថា ​ចំណុច​សុវត្ថិភាព​មួយ ​គឺ​រូប​ព្រះ​រាជ​សង្ហា​ព្រះ​រាជាណាចក្រ​កម្ពុជា​ ​ត្រូវ​បាន​បោះពុម្ព​លើ​បន្ទះ​ហូឡូក្រាម ​ដើម្បី​ការពារ​ការ​បកបន្ទះ​នេះ​យក​ទៅ​ប្រើ​លើ​ក្រដាស​ប្រាក់​ប្រភេទ​ផ្សេង​។

​លើស​ពី​នេះ​ ​លេខ​តម្លៃ​ជា​អក្សរ​ឡាតាំង​ត្រូវ​បាន​ពង្រីក​ឱ្យ​ធំ​ជាង​មុន ​ដើម្បី​ជួយ​ឱ្យ​ទេសចរ​បរទេស​ងាយស្រួល​ស្គាល់​តម្លៃ​ក្រដាស​ប្រាក់​រៀល​។ ​សម្រាប់​ក្រដាស​ប្រាក់​ ​១០០​,​០០០​រៀល​ ​រូប​ផ្កា​ចន្ទ​ត្រូវ​បាន​បោះពុម្ព​ដោយ​ទឹក​ថ្នាំ​ពិសេស ​ដែល​អាច​ផ្លាស់ប្តូរ​ពណ៌​ពី​បៃតង​ទៅ​ពណ៌​ស្វាយ​ខ្ចី ​នៅពេល​អៀង​ក្រដាស​ប្រាក់​ចុះ​ឡើង​។

ធនាគារ​ជាតិ​បន្ថែម​ថា​ ​ក្រដាស​ប្រាក់​ថ្មី​ទាំង​ពីរ​ប្រភេទ​នៅ​មាន​ចំណុច​សុវត្ថិ​ភាព​ជា​ច្រើន​ទៀត​ ​ដែល​អាច​ពិនិត្យ​ឃើញ​តាមរយៈ​ឧបករណ៍​បច្ចេកទេស ​ដូចជា​ការ​ប្រើ​ពន្លឺ​កាំរស្មី​ពណ៌​ស្វាយ ​ដែល​បង្ហាញ​លក្ខណៈ​ពណ៌​ចម្រុះ​នៅលើ​ក្រដាស​ប្រាក់​៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ឯកឧត្តម ម៉ាក្រុង ចាត់ទុកវត្តមានរបស់លោកនៅកម្ពុជា គឺជាការបើកទំព័រប្រវត្តិសាស្ត្រថ្មីនៃទំនាក់ទំនងបារាំង-កម្ពុជា

Top News, ព្រឹត្តិការណ៍, អាជីវកម្មថ្មី និងនវានុវត្ត

• 16/11/2026

ភ្នំពេញ ៖ ឯកឧត្តម ម៉ាក្រុង (Emmanuel MACRON) ប្រធានាធិបតីបារាំង បានចាត់ទុកវត្តមានបស់ឯកឧត្តមមកកាន់ទឹកដីកម្ពុជានៅពេលនេះ នឹងបើកទំព័រប្រវត្ដិសាស្ត្រថ្មីនៃទំនាក់ទំនងរវាងបារាំង-កម្ពុជា។ ការលើកឡើងដូច្នេះ នៅក្នុងជំនួបទ្វេភាគីជាមួយសម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នារសៀលថ្ងៃទី១៥ ខែវិច្ឆិកា ឆ្នាំ២០២៦ អំឡុងពេលអញ្ជើញមកបំពេញទស្សនកិច្ចផ្លូវរដ្ឋ និងចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ នៅកម្ពុជា

ឯកឧត្តម តូ ឡឹម ប្រធានរដ្ឋវៀតណាម អំពាវនាវឱ្យសហគមន៍ហ្វ្រង់កូហ្វូនីពង្រឹងកិច្ចសហប្រតិបត្តិការលើវិស័យវិទ្យាសាស្ត្រ និងបច្ចេកវិទ្យា

ព្រឹត្តិការណ៍, អាជីវកម្មថ្មី និងនវានុវត្ត

• 16/11/2026

មេដឹកនាំកំពូលវៀតណាមឯកឧត្តម តូ ឡឹម អំពាវនាវឱ្យមានការពង្រឹងកិច្ចសហប្រតិបត្តិការលើវិស័យវិទ្យាសាស្ត្រ និងបច្ចេកវិទ្យាក្នុងអំឡុងពេលថ្លែងសុន្ទរកថានៅក្នុងព្រឹត្តិការណ៍ Franco Tech នៅប្រទេសកម្ពុជា

Hyundai Cambodia សម្ពោធរថយន្ត «All-New Hyundai Grand i10-AURA» ជំនាន់ថ្មី ជាមួយព្រឹត្តិការណ៍ដ៏ប្លែកមិនធ្លាប់មាន

ព្រឹត្តិការណ៍, អត្ថបទពាណិជ្ជកម្ម

• 16/11/2026

រាជធានីភ្នំពេញ៖ ត្រៀមខ្លួនទទួលយកបទពិសោធន៍ថ្មីដ៏អស្ចារ្យ! ក្រុមហ៊ុន Hyundai Cambodia បានបង្កើតភាពភ្ញាក់ផ្អើលតាមរយៈការរៀបចំព្រឹត្តិការណ៍បើកសម្ពោធរថយន្តដ៏ប្លែកខុសគេ ទាក់ទាញ និងមិនធ្លាប់មានពីមុនមកនៅកម្ពុជា កាលពីថ្ងៃទី១៤ ខែវិច្ឆិកា នេះ ដើម្បីអបអរសាទរការមកដល់ជាផ្លូវការនៃរថយន្តស៊េរីថ្មី «All-New Hyundai Grand i10» ម៉ាស៊ីនសាំងជំនាន់ចុងក្រោយ ដែលនាំមកនូវការរចនាយ៉ាងស្រស់ស្អាត ទាន់សម័យ និងការវិវត្តថ្មីមួយកម្រិតទៀត

បារាំង – កម្ពុជា ឯកភាពគ្នាពង្រឹង និងពង្រីកកិច្ចសហប្រតិបត្តិការឱ្យកាន់តែស៊ីជម្រៅ

Top News, ព្រឹត្តិការណ៍, សេដ្ឋកិច្ច

• 16/11/2026

ភ្នំពេញ ៖ នារសៀលថ្ងៃទី១៥ ខែវិច្ឆិកា ឆ្នាំ២០២៦ នៅវិមានសន្តិភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានជួបពិភាក្សាការងារទ្វេភាគីជាមួយ ឯកឧត្តម Emmanuel MACRON ប្រធានាធិបតីនៃសាធារណរដ្ឋបារាំង ក្នុងឱកាសដែលឯកឧត្តមប្រធានាធិបតី អញ្ជើញមកបំពេញទស្សនកិច្ចផ្លូវរដ្ឋ និងចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ នៅព្រះរាជាណាចក្រកម្ពុជា ចាប់ពីថ្ងៃទី១៤

អ្នកជំនាញណែនាំឱ្យម្ចាស់អចលនទ្រព្យដែលទុកនៅទំនេរ​ គួរកែប្រែទ្រព្យនោះ​ដើម្បីរកចំណូល​ និងជំរុញ​ចរន្ត​សេដ្ឋកិច្ច​

ព្រឹត្តិការណ៍, អចលនទ្រព្យ

• 16/11/2026

អ្នកជំនាញអចលនវត្ថុ​បានណែនាំឱ្យ​ម្ចាស់ទ្រព្យ​ដែលមិនប្រើប្រាស់​គួរ​កែប្រែទ្រព្យនោះ ដើម្បីរកចំណូល​ឡើងវិញ

ក្រសួងឧស្សាហកម្ម អំពាវនាវឱ្យមាននវានុវត្តន៍ហិរញ្ញវត្ថុ ដើម្បីពង្រីកវិសាលភាពវិស័យ SME

ព្រឹត្តិការណ៍, ហិរញ្ញវត្ថុ

• 15/11/2026

ភ្នំពេញ ៖ ថ្លែងនៅក្នុងកិច្ចប្រជុំកំពូល Black Swan Summit Cambodia 2026 ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានសង្កត់ធ្ងន់ថា វេទិកានេះ គឺជាឱកាសដ៏សំខាន់ក្នុងការដោះស្រាយឧបសគ្គរបស់សហគ្រាសផ្នែកហិរញ្ញប្បទាន និងការទាញយកអត្ថប្រយោជន៍ពីនវានុវត្តន៍ហិរញ្ញវត្ថុ ដើម្បីជួយជំរុញកំណើនអាជីវកម្មខ្នាតតូច។

កម្ពុជាមានបំណងប្រែក្លាយភ្នំពេញឱ្យទៅជាស្ពានតភ្ជាប់រវាងអាស៊ីនិងលំហហ្វ្រង់កូហ្វូនី

Top News, ព្រឹត្តិការណ៍, សេដ្ឋកិច្ច

• 15/11/2026

ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នៅរាជធានីភ្នំពេញ សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា កម្ពុជាមានបំណងប្រែក្លាយទីក្រុងភ្នំពេញឱ្យទៅជាស្ពានតភ្ជាប់អាស៊ីនិងលំហហ្វ្រង់កូហ្វូនី ។ សម្ដេចធិបតីបានមានប្រសាសន៍ថា ពិភពលោករបស់យើងកំពុងប្រឈមនឹងការបែកបាក់ ហើយទំនុកចិត្តក៏ធ្លាក់ចុះ ។ ក្នុងកាលៈទេសៈនេះ និងលើសពីពេលណាៗទាំងអស់ ហ្វ្រង់កូហ្វូនី ត្រូវតែបន្តជាទីកន្លែងដែលយើងផ្ដល់អាទិភាពលើកិច្ចសន្ទនា និងជាទីកន្លែងដែលមានច្បាប់ការពារដល់មនុស្សគ្រប់រូប ។ កម្ពុជានិយាយពីសន្តិភាព

អគ្គលេខាធិការហ្វ្រង់កូហ្វូនី៖កម្ពុជាបានរៀបចំធ្វើជាម្ចាស់ផ្ទះនៃកិច្ចប្រជុំហ្វ្រង់កូហ្វូនី លើកទី២០នេះគឺជាការ រំលឹកឡើងវិញនូវអនុស្សាវរីយ៍របស់សម្តេចព្រះបរមរតនកោដ្ឋ នរោត្តម សីហនុ

ព្រឹត្តិការណ៍, អាជីវកម្មថ្មី និងនវានុវត្ត

• 15/11/2026

ភ្នំពេញ៖ កម្ពុជា ជាបេះដូងអាស៊ីអាគ្នេយ៍ ហើយការដែលកម្ពុជាបានរៀបចំធ្វើជាម្ចាស់ផ្ទះនៃកិច្ចប្រជុំហ្វ្រង់កូហ្វូនី លើកទី២០នេះ គឺជាពេលវេលាមួយដែលរំលឹកឡើងវិញនូវអនុស្សាវរីយ៍របស់សម្តេចព្រះបរមរតនកោដ្ឋ នរោត្តម សីហនុ និងជាព្រះវរាជបិតាស្ថាបនិករួមនៃអង្គការហ្វ្រង់កូហ្វូនី ។ នេះជាការថ្លែងបញ្ជាក់ពីសំណាក់អគ្គលេខាធិការហ្វ្រង់កូហ្វូនី លោកជំទាវ ល្វីស មូស៊ីគីវ៉ាបូ (Louise Mushikiwabo )។ ថ្លែងក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នាព្រឹកថ្ងៃទី១៥ ខែវិច្ឆិកា

សម្ដេចធិបតី ប្រាប់សមាជិកហ្វ្រង់កូហ្វូនីថា ការប៉ះទង្គិចដោយអាវុធ២លើករវាងកម្ពុជានិងថៃ កម្ពុជាមិនមែនជាអ្នកផ្ដើមបាញ់មុននោះទេ

Top News, ព្រឹត្តិការណ៍, អាជីវកម្មថ្មី និងនវានុវត្ត

• 15/11/2026

ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនី នៅព្រឹកថ្ងៃទី១៥ ខែវិច្ឆិកា ឆ្នាំ២០២៦ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា នៅឆ្នាំ២០២៥ ការប៉ះទង្គិចដោយអាវុធរវាងកម្ពុជា និងថៃ បានកើតឡើងចំនួន ២ លើក ដែលក្នុងនោះកម្ពុជាមិនមែនជាអ្នកផ្ដើមបាញ់មុននោះទេ ។ សម្ដេចធិបតីបានមានប្រសាសន៍ថា

Canadia Impact Fund វិនិយោគលើ DOCONCHAIN ​​ដើម្បីគាំទ្រដល់ប្រតិបត្តិការឌីជីថលដែលមានសុវត្ថិភាពនៅក្នុងតំបន់អាស៊ីអាគ្នេយ៍

ព្រឹត្តិការណ៍, អត្ថបទពាណិជ្ជកម្ម

• 15/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ ឬក៏ «Canadia Impact Fund Co.» (CIFC) ជាស្ថាប័នមួយក្នុងចំណោមស្ថាប័នដែលគ្រប់គ្រងក្រុមហ៊ុនធុរកិច្ចថ្មីសកម្មច្រើនជាងគេនៅកម្ពុជា បានចុះហត្ថលេខាលើកិច្ចព្រមព្រៀងវិនិយោគជាមួយ DOCONCHAIN។ DOCONCHAIN ​​គឺជាក្រុមហ៊ុនបច្ចេកវិទ្យាដែលមានទីស្នាក់ការកណ្តាលនៅប្រទេសសិង្ហបុរី និងកំពុងប្រតិបត្តិការនៅក្នុងប្រទេសហ្វីលីពីន ដោយផ្តល់សេវាកម្មជួយដល់ធុរកិច្ច និងស្ថាប័នសាធារណៈ ក្នុងការចុះហត្ថលេខា