ទីផ្សារ​មូលបត្រ​កម្ពុជា​មាន​ក្រុមហ៊ុន​ចុះ​បញ្ជី​ ២៨ ​និង​ប្រមូល​ទុន​ជិត ១ ពាន់​លាន​ដុល្លារ​

​ភ្នំពេញ​៖​ ទីផ្សារ​មូលបត្រ​កម្ពុជា​មាន​ក្រុមហ៊ុន​ចុះ​បញ្ជី​សរុប​ចំនួន​ ​២៨ ​គិត​ត្រឹម​ខែ​កញ្ញា​ ​ឆ្នាំ​២០២៦ ​និង​បាន​ប្រមូល​ទុន​តាមរយៈ​យន្តការ​ទីផ្សារ​ជិត​ឈាន​ដល់​ ១ ​ពាន់​លាន​ដុល្លារ ​ស្រប​ពេល​សកម្មភាព​ជួញដូរ​ប្រចាំ​ថ្ងៃ​អាច​ឡើង​ដល់​ ៤ ​លាន​ដុល្លារ​។

​ឯក​ឧត្តម​ ​ស៊ូ ​សុជាតិ​ ប្រតិភូ​រាជ​រដ្ឋាភិបាល​ ​ទទួល​បន្ទុក​ជា​អគ្គ​នាយក​នៃ​និយ័តករ​មូលបត្រ​កម្ពុជា ​(​ន.ម.​ក.​)​ ​បាន​ឱ្យ​ដឹង​ថា​ ​កំណើន​នេះ​ជា​លទ្ធផល​នៃ​ការ​ពង្រឹង​ទីផ្សារ​ ការ​ពង្រីក ​និង​ធ្វើ​ពិពិធកម្ម​ផលិតផល​ ​ព្រមទាំង​ការ​ដាក់​ចេញ​វិធានការ​នានា ​ដើម្បី​ជំរុញ​ការ​អភិវឌ្ឍ​ទីផ្សារ​មូលបត្រ​កម្ពុជា​។

ថ្លែង​ក្នុង​វេទិកា​ផ្សព្វផ្សាយ​សមិទ្ធផល​អាណត្តិ​ទី​១ ​របស់​អាជ្ញាធរ​សេវា​ហិរញ្ញវត្ថុ​មិន​មែន​ធនាគារ​ ​នាពេល​ថ្មី​ៗ​នេះ​ ​ឯកឧត្តម​ ​ស៊ូ ​សុជាតិ ​បាន​បញ្ជាក់​ថា​ ​ក្នុង​រយៈពេល​ ៥ ​ឆ្នាំ​ចុងក្រោយ ​និង​ជាពិសេស​ក្នុង​រយៈពេល​ ១ ​ឆ្នាំ​ចុងក្រោយ ​កម្ពុជា​ ​សម្រេច​បាន​លទ្ធផល​ជា​ច្រើន​ក្នុង​ការ​អភិវឌ្ឍ​ទីផ្សារ​មូលបត្រ ​តាមរយៈ​ការ​ពង្រឹង​ទីផ្សារ​ ការ​ពង្រីក​ផលិតផល​ ​និង​ពិពិធកម្ម​ទីផ្សារ ​ព្រមទាំង​វិធានការ​គាំទ្រ​ផ្សេង​ៗ​។​

​ឯក​ឧត្តម​បាន​មានប្រសាសន៍​ថា​៖​ «​គិត​ត្រឹម​ខែ​កញ្ញា​ ​ឆ្នាំ​២០២៦​នេះ​ ​យើង​មាន​ក្រុមហ៊ុន​ចុះ​បញ្ជី​ទាំងអស់​ចំនួន​ ​២៨ ​ដែល​ចុះ​បញ្ជី​ទាំង​ផ្នែក​មូលបត្រ​កម្ម​សិទ្ធិ​ ​ទាំង​ផ្នែក​មូលបត្រ​បំណុល​។ បើ​គិត​ជា​សាច់ប្រាក់​ដែល​ប្រមូល​បាន​ក្នុង​យន្តការ​ទីផ្សារ​ ​យើង​មាន​ការ​ប្រមូល​សាច់​ប្រាក់​ជិត​ដល់​ ១​,​០០០ ​លាន​ដុល្លារ​»​។

​តាមរយៈ​ការ​អនុញ្ញាត​របស់​រាជ​រដ្ឋាភិបាល​ ន​.​ម​.​ក. ​ក៏​បាន​ដាក់​ចេញ​ប្រកាស​ស្តីពី​ការ​បោះផ្សាយ​សញ្ញា​បណ្ណ​ឯកជន​។ ​ឯក​ឧត្តម​បាន​លើកឡើង​ថា​ ​តាមរយៈ​ការ​បោះផ្សាយ​សញ្ញា​បណ្ណ​ឯកជន​ ទុន​ដែល​ប្រមូល​បាន​ពី​ការ​បោះផ្សាយ​នឹង​ឈាន​ទៅដល់​ ​១​,​០០០​ ​លាន​ដុល្លារ​ដូចគ្នា​។​

​ឯក​ឧត្តម​ ​ស៊ូ ​សុជាតិ ​បាន​លើកឡើង​ថា​ ​សមិទ្ធផល​ទាំង​នេះ​បង្ហាញ​ពី​កំណើន​របស់​ទីផ្សារ​មូលបត្រ ​ដែល​កំពុង​វិវត្ត​ស្រប​ជាមួយ​បរិវត្ត​កម្ម​បច្ចេកវិទ្យា​ ​តាមរយៈ​ការ​ផ្លាស់ប្តូរ​ពី​របៀប​ប្រតិបត្តិការ​បែប​ចាស់​មក​ប្រើប្រាស់​ប្រព័ន្ធ​ឌីជីថល ​ព្រមទាំង​ការ​អភិវឌ្ឍ​ប្រកបដោយ​ចីរភាព​។

​សម្រាប់​សកម្មភាព​ជួញដូរ​ ​ឯកឧត្តម​បាន​រំលឹក​ថា​ ​កន្លង​មក​លោក​ធ្លាប់​ប្រមើល​មើល​ថា​ ​ត្រូវ​ចំណាយ​ពេល​ ៣ ​ទៅ​ ៥ ​ឆ្នាំ​ទៀត​ ​ទើប​ការ​ជួញដូរ​ប្រចាំ​ថ្ងៃ​អាច​ឈាន​ដល់​ ​១ ​លាន​ដុល្លារ​។ ​ប៉ុន្តែ​បច្ចុប្បន្ន​ ការ​ជួញដូរ​មិន​សូវ​ធ្លាក់​ក្រោម​ ១ ​លាន​ដុល្លារ​នោះ​ទេ​ ​ហើយ​ថ្ងៃ​ខ្លះ​អាច​កើនឡើង​ជិត​ ២ លាន​ដុល្លារ​ ​ឬ​ឈាន​ដល់​ ៤ ​លាន​ដុល្លារ​។

​ឯក​ឧត្តម​បាន​ទទួល​ស្គាល់​ថា​ ទីផ្សារ​មូលបត្រ​កម្ពុជា​នៅ​មាន​ទំហំ​តូច ​បើ​ធៀប​នឹង​ទីផ្សារ​មួយចំនួន​ក្នុង​តំបន់​ ​និង​ទីផ្សារ​សកល​។ ​លោក​បាន​លើកឡើង​ថា​ ​ការ​ដឹកនាំ​តាម​ក្របខ័ណ្ឌ​យុទ្ធសាស្ត្រ​ច្បាស់លាស់​ ការ​ចូលរួម​ពី​គ្រប់​តួអង្គ​ក្នុង​វិស័យ​មូលបត្រ​ ​និង​ការ​គាំទ្រ​ពី​ដៃគូ​អភិវឌ្ឍ​ ​បាន​ជួយ​ឱ្យ​ទីផ្សារ​នេះ​ឈាន​ដល់​ដំណាក់កាល​ថ្មី​មួយ​នៃ​ការ​អភិវឌ្ឍ​។

​លោក​ ​ហុង ​សុហួរ​ ​អគ្គ​នាយក​ក្រុមហ៊ុន​ផ្សារ​មូលបត្រ​កម្ពុជា​ ​បាន​ឱ្យ​ដឹង​នា​ពេល​ថ្មី​ៗ​នេះ​ថា​ ​នៅ​ដើម​ខែ​កញ្ញា​ ​ទំហំ​ជួញដូរ​នៅ​ផ្សារ​មូលបត្រ​មិន​ទាន់​មាន​ការ​ថមថយ​នោះ​ទេ ​ប៉ុន្តែ​នៅតែ​បន្ត​កើនឡើង​។ ​លោក​បាន​បន្ថែម​ថា​ ​ការ​ចាប់​អារម្មណ៍​របស់​សាធារណជន​ក៏​កើនឡើង ​ស្រប​ពេល​តម្លៃ​ភាគហ៊ុន​មាន​កំណើន​ល្អ ​និង​មាន​វត្តមាន​ក្រុមហ៊ុន​ថ្មី​ៗ​កំពុង​សម្រុក​ចូល​មក​បន្ថែម​ក្នុង​ទីផ្សារ​៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ឯកឧត្តម ម៉ាក្រុង ចាត់ទុកវត្តមានរបស់លោកនៅកម្ពុជា គឺជាការបើកទំព័រប្រវត្តិសាស្ត្រថ្មីនៃទំនាក់ទំនងបារាំង-កម្ពុជា

Top News, ព្រឹត្តិការណ៍, អាជីវកម្មថ្មី និងនវានុវត្ត

• 16/11/2026

ភ្នំពេញ ៖ ឯកឧត្តម ម៉ាក្រុង (Emmanuel MACRON) ប្រធានាធិបតីបារាំង បានចាត់ទុកវត្តមានបស់ឯកឧត្តមមកកាន់ទឹកដីកម្ពុជានៅពេលនេះ នឹងបើកទំព័រប្រវត្ដិសាស្ត្រថ្មីនៃទំនាក់ទំនងរវាងបារាំង-កម្ពុជា។ ការលើកឡើងដូច្នេះ នៅក្នុងជំនួបទ្វេភាគីជាមួយសម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នារសៀលថ្ងៃទី១៥ ខែវិច្ឆិកា ឆ្នាំ២០២៦ អំឡុងពេលអញ្ជើញមកបំពេញទស្សនកិច្ចផ្លូវរដ្ឋ និងចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ នៅកម្ពុជា

ឯកឧត្តម តូ ឡឹម ប្រធានរដ្ឋវៀតណាម អំពាវនាវឱ្យសហគមន៍ហ្វ្រង់កូហ្វូនីពង្រឹងកិច្ចសហប្រតិបត្តិការលើវិស័យវិទ្យាសាស្ត្រ និងបច្ចេកវិទ្យា

ព្រឹត្តិការណ៍, អាជីវកម្មថ្មី និងនវានុវត្ត

• 16/11/2026

មេដឹកនាំកំពូលវៀតណាមឯកឧត្តម តូ ឡឹម អំពាវនាវឱ្យមានការពង្រឹងកិច្ចសហប្រតិបត្តិការលើវិស័យវិទ្យាសាស្ត្រ និងបច្ចេកវិទ្យាក្នុងអំឡុងពេលថ្លែងសុន្ទរកថានៅក្នុងព្រឹត្តិការណ៍ Franco Tech នៅប្រទេសកម្ពុជា

Hyundai Cambodia សម្ពោធរថយន្ត «All-New Hyundai Grand i10-AURA» ជំនាន់ថ្មី ជាមួយព្រឹត្តិការណ៍ដ៏ប្លែកមិនធ្លាប់មាន

ព្រឹត្តិការណ៍, អត្ថបទពាណិជ្ជកម្ម

• 16/11/2026

រាជធានីភ្នំពេញ៖ ត្រៀមខ្លួនទទួលយកបទពិសោធន៍ថ្មីដ៏អស្ចារ្យ! ក្រុមហ៊ុន Hyundai Cambodia បានបង្កើតភាពភ្ញាក់ផ្អើលតាមរយៈការរៀបចំព្រឹត្តិការណ៍បើកសម្ពោធរថយន្តដ៏ប្លែកខុសគេ ទាក់ទាញ និងមិនធ្លាប់មានពីមុនមកនៅកម្ពុជា កាលពីថ្ងៃទី១៤ ខែវិច្ឆិកា នេះ ដើម្បីអបអរសាទរការមកដល់ជាផ្លូវការនៃរថយន្តស៊េរីថ្មី «All-New Hyundai Grand i10» ម៉ាស៊ីនសាំងជំនាន់ចុងក្រោយ ដែលនាំមកនូវការរចនាយ៉ាងស្រស់ស្អាត ទាន់សម័យ និងការវិវត្តថ្មីមួយកម្រិតទៀត

បារាំង – កម្ពុជា ឯកភាពគ្នាពង្រឹង និងពង្រីកកិច្ចសហប្រតិបត្តិការឱ្យកាន់តែស៊ីជម្រៅ

Top News, ព្រឹត្តិការណ៍, សេដ្ឋកិច្ច

• 16/11/2026

ភ្នំពេញ ៖ នារសៀលថ្ងៃទី១៥ ខែវិច្ឆិកា ឆ្នាំ២០២៦ នៅវិមានសន្តិភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានជួបពិភាក្សាការងារទ្វេភាគីជាមួយ ឯកឧត្តម Emmanuel MACRON ប្រធានាធិបតីនៃសាធារណរដ្ឋបារាំង ក្នុងឱកាសដែលឯកឧត្តមប្រធានាធិបតី អញ្ជើញមកបំពេញទស្សនកិច្ចផ្លូវរដ្ឋ និងចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ នៅព្រះរាជាណាចក្រកម្ពុជា ចាប់ពីថ្ងៃទី១៤

អ្នកជំនាញណែនាំឱ្យម្ចាស់អចលនទ្រព្យដែលទុកនៅទំនេរ​ គួរកែប្រែទ្រព្យនោះ​ដើម្បីរកចំណូល​ និងជំរុញ​ចរន្ត​សេដ្ឋកិច្ច​

ព្រឹត្តិការណ៍, អចលនទ្រព្យ

• 16/11/2026

អ្នកជំនាញអចលនវត្ថុ​បានណែនាំឱ្យ​ម្ចាស់ទ្រព្យ​ដែលមិនប្រើប្រាស់​គួរ​កែប្រែទ្រព្យនោះ ដើម្បីរកចំណូល​ឡើងវិញ

ក្រសួងឧស្សាហកម្ម អំពាវនាវឱ្យមាននវានុវត្តន៍ហិរញ្ញវត្ថុ ដើម្បីពង្រីកវិសាលភាពវិស័យ SME

ព្រឹត្តិការណ៍, ហិរញ្ញវត្ថុ

• 15/11/2026

ភ្នំពេញ ៖ ថ្លែងនៅក្នុងកិច្ចប្រជុំកំពូល Black Swan Summit Cambodia 2026 ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានសង្កត់ធ្ងន់ថា វេទិកានេះ គឺជាឱកាសដ៏សំខាន់ក្នុងការដោះស្រាយឧបសគ្គរបស់សហគ្រាសផ្នែកហិរញ្ញប្បទាន និងការទាញយកអត្ថប្រយោជន៍ពីនវានុវត្តន៍ហិរញ្ញវត្ថុ ដើម្បីជួយជំរុញកំណើនអាជីវកម្មខ្នាតតូច។

កម្ពុជាមានបំណងប្រែក្លាយភ្នំពេញឱ្យទៅជាស្ពានតភ្ជាប់រវាងអាស៊ីនិងលំហហ្វ្រង់កូហ្វូនី

Top News, ព្រឹត្តិការណ៍, សេដ្ឋកិច្ច

• 15/11/2026

ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នៅរាជធានីភ្នំពេញ សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា កម្ពុជាមានបំណងប្រែក្លាយទីក្រុងភ្នំពេញឱ្យទៅជាស្ពានតភ្ជាប់អាស៊ីនិងលំហហ្វ្រង់កូហ្វូនី ។ សម្ដេចធិបតីបានមានប្រសាសន៍ថា ពិភពលោករបស់យើងកំពុងប្រឈមនឹងការបែកបាក់ ហើយទំនុកចិត្តក៏ធ្លាក់ចុះ ។ ក្នុងកាលៈទេសៈនេះ និងលើសពីពេលណាៗទាំងអស់ ហ្វ្រង់កូហ្វូនី ត្រូវតែបន្តជាទីកន្លែងដែលយើងផ្ដល់អាទិភាពលើកិច្ចសន្ទនា និងជាទីកន្លែងដែលមានច្បាប់ការពារដល់មនុស្សគ្រប់រូប ។ កម្ពុជានិយាយពីសន្តិភាព

អគ្គលេខាធិការហ្វ្រង់កូហ្វូនី៖កម្ពុជាបានរៀបចំធ្វើជាម្ចាស់ផ្ទះនៃកិច្ចប្រជុំហ្វ្រង់កូហ្វូនី លើកទី២០នេះគឺជាការ រំលឹកឡើងវិញនូវអនុស្សាវរីយ៍របស់សម្តេចព្រះបរមរតនកោដ្ឋ នរោត្តម សីហនុ

ព្រឹត្តិការណ៍, អាជីវកម្មថ្មី និងនវានុវត្ត

• 15/11/2026

ភ្នំពេញ៖ កម្ពុជា ជាបេះដូងអាស៊ីអាគ្នេយ៍ ហើយការដែលកម្ពុជាបានរៀបចំធ្វើជាម្ចាស់ផ្ទះនៃកិច្ចប្រជុំហ្វ្រង់កូហ្វូនី លើកទី២០នេះ គឺជាពេលវេលាមួយដែលរំលឹកឡើងវិញនូវអនុស្សាវរីយ៍របស់សម្តេចព្រះបរមរតនកោដ្ឋ នរោត្តម សីហនុ និងជាព្រះវរាជបិតាស្ថាបនិករួមនៃអង្គការហ្វ្រង់កូហ្វូនី ។ នេះជាការថ្លែងបញ្ជាក់ពីសំណាក់អគ្គលេខាធិការហ្វ្រង់កូហ្វូនី លោកជំទាវ ល្វីស មូស៊ីគីវ៉ាបូ (Louise Mushikiwabo )។ ថ្លែងក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នាព្រឹកថ្ងៃទី១៥ ខែវិច្ឆិកា

សម្ដេចធិបតី ប្រាប់សមាជិកហ្វ្រង់កូហ្វូនីថា ការប៉ះទង្គិចដោយអាវុធ២លើករវាងកម្ពុជានិងថៃ កម្ពុជាមិនមែនជាអ្នកផ្ដើមបាញ់មុននោះទេ

Top News, ព្រឹត្តិការណ៍, អាជីវកម្មថ្មី និងនវានុវត្ត

• 15/11/2026

ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនី នៅព្រឹកថ្ងៃទី១៥ ខែវិច្ឆិកា ឆ្នាំ២០២៦ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា នៅឆ្នាំ២០២៥ ការប៉ះទង្គិចដោយអាវុធរវាងកម្ពុជា និងថៃ បានកើតឡើងចំនួន ២ លើក ដែលក្នុងនោះកម្ពុជាមិនមែនជាអ្នកផ្ដើមបាញ់មុននោះទេ ។ សម្ដេចធិបតីបានមានប្រសាសន៍ថា

Canadia Impact Fund វិនិយោគលើ DOCONCHAIN ​​ដើម្បីគាំទ្រដល់ប្រតិបត្តិការឌីជីថលដែលមានសុវត្ថិភាពនៅក្នុងតំបន់អាស៊ីអាគ្នេយ៍

ព្រឹត្តិការណ៍, អត្ថបទពាណិជ្ជកម្ម

• 15/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ ឬក៏ «Canadia Impact Fund Co.» (CIFC) ជាស្ថាប័នមួយក្នុងចំណោមស្ថាប័នដែលគ្រប់គ្រងក្រុមហ៊ុនធុរកិច្ចថ្មីសកម្មច្រើនជាងគេនៅកម្ពុជា បានចុះហត្ថលេខាលើកិច្ចព្រមព្រៀងវិនិយោគជាមួយ DOCONCHAIN។ DOCONCHAIN ​​គឺជាក្រុមហ៊ុនបច្ចេកវិទ្យាដែលមានទីស្នាក់ការកណ្តាលនៅប្រទេសសិង្ហបុរី និងកំពុងប្រតិបត្តិការនៅក្នុងប្រទេសហ្វីលីពីន ដោយផ្តល់សេវាកម្មជួយដល់ធុរកិច្ច និងស្ថាប័នសាធារណៈ ក្នុងការចុះហត្ថលេខា