ប៉េកាំង ៖ ធនាគារពិភពលោក (World Bank) នៅក្នុងសប្តាហ៍នេះបានធ្វើការព្យាករណ៍សាជាថ្មីអំពីកំណើនសេដ្ឋកិច្ចពិភពលោកដែលនឹង មានការធ្លាក់ចុះខ្លាំងជាងការព្យាករណ៍ទុកលើកមុន ពោលគឺពី ៤,១ភាគរយ មកត្រឹមតែ ២,៩ភាគរយប៉ុណ្ណោះក្នុងឆ្នាំ២០២២នេះ ហើយក៏បានព្រមានដែរថាប្រទេសមួយចំនួននឹងប្រឈមមុខទៅនឹងវិបត្តិសេដ្ឋកិច្ចជាមិនខាន។
ដោយឡែកសម្រាប់តែប្រទេសចិនស្ថិតនៅក្នុងពេលជាមួយគ្នានេះ បានពង្រីកទំហំពាណិជ្ជកម្ម និងបង្កើនកំណើនសេដ្ឋកិច្ចជាបន្តបន្ទាប់ក្នុងគ្រាដែលពិភពលោកកំពុងមានវិបត្តិជាច្រើន។ យោងតាមទិន្នន័យដែលត្រូវបានចេញបង្ហាញដោយអជ្ញាធរគយរបស់ចិននៅសប្ដាហ៍នេះបានឲ្យដឹងថា ទំហំពាណិជ្ជកម្មក្រៅប្រទេសរបស់ចិនក្នុងខែឧសភាកន្លងទៅនេះ ទាំងការនាំចេញ និងនាំចូលមានការកើនឡើងក្នុងអត្រាដល់ទៅ ៩,៦ភាគរយធៀបទៅនឹងពេលដូចគ្នាកាលពីឆ្នាំទៅ។ ទំហំនៃការធ្វើពាណិជ្ជកម្មក្រៅប្រទេស ឬ Foreign Trade របស់ចិនក្នុងខែឧសភាមានទៅដល់ ៣,៤៥ទ្រីលានដុល្លារ ឬប្រមាណជា៥១៦,២ពាន់លានដុល្លារ បើធៀបជាមួយនឹងទំហំពាណិជ្ជកម្មដែលធ្វើបានកាលពីខែមេសា មានកំណើនមានប្រមាណជា០,១ភាគរយ។
របាយការណ៍ដដែលបានបង្ហាញដែរថា ក្នុងរយៈពេល៥ខែដើមឆ្នាំនេះពាណិជ្ជកម្មចិនមានការកើនឡើងសរុបដល់ទៅ ៨,៣ភាគរយធៀបទៅនឹងឆ្នាំ២០២១ ឬសរុបជាទឹកប្រាក់១៦,០៤ទ្រីលានយ័ន ឬត្រូវ២,៤ទ្រីលានដុល្លារ ខណៈដែលកំណើនគិតចន្លោះពីខែមករាដល់ខែមេសា ចិនទទួលបានត្រឹមតែ៧,៩ភាគរយប៉ុណ្ណោះ។
គួរឲ្យដឹងដែរថា បច្ចុប្បន្ននេះក្រៅតែពីបញ្ហាវិបត្តិថាមពលហើយនោះ បញ្ហាអតិផរណា ជាពិសេសការកើនឡើងនៃវិបត្តិស្បៀងអាហារក៏កំពុងកើនឡើងខ្លាំងនៅតាមបណ្តាប្រទេសជាច្រើនលើសកលលោកផងដែរ គិតចាប់តាំងតែពីពេលមានជម្លោះដោយយោធារវាងអ៊ុយក្រែន និងរុស្ស៊ីកាលពីខែកុម្ភៈមក៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧Kukula Solar ធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍ក្រីក្រ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 25/04/2024
គំរូអាជីវកម្មបរិយាបន្នរបស់ Kukula Solar គឺការធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍មូលដ្ឋាន ដើម្បីជំរុញការធ្វើទីផ្សារផលិតផលពន្លឺព្រះអាទិត្យ និងផ្តល់ការគាំទ្របន្ថែមដូចជាការជួសជុល និងសេវាកម្មអតិថិជនក្នុងសហគមន៍របស់ពួកគេ
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
ព្រឹត្តិការណ៍, អាជីវកម្មថ្មី និងនវានុវត្ត
• 25/04/2024
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
Barefoot College ជួយផ្លាស់ប្តូរជីវភាពសហគមន៍ក្រីក្រ និងជួយបណ្តុះបណ្តាលស្ត្រីទៅជាវិស្វករក្នុងវិស័យថាមពលសូឡា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 24/04/2024
Barefoot College បាន និងបន្តបេសកកម្មរបស់ខ្លួនទៅតាមគោលការណ៍អភិវឌ្ឍប្រកបដោយចិរភាព ហើយបានចូលរួមក្នុងកិច្ចការងារជាច្រើនជាមួយប្រជាសហគមន៍ក្រីក្រ