សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់ ក្នុងគោលបំណងលើកកម្ពស់វប្បធម៌ប្រពៃណីជាតិ ក៏ដូចជាការគាំទ្រ និងលើកកម្ពស់ផលិតផលខ្មែរផងដែរ។
កម្មវិធី “សង្រ្កាន្តអម្រឹត” ឆ្នាំនេះ ក៏បានផ្សារភ្ជាប់ជាមួយនឹងការគោរពដឹងគុណ និងការគាំទ្រដល់វវីរៈកងទ័ពជួរមុខដែលក្នុងនោះ គណៈគ្រប់គ្រង និងបុគ្គលិកនៃគ្រឹះស្ថាន បានចូលរួមឧបត្ថម្ភ និងនាំយកគ្រឿងឧបភោគបរិភោគចាំបាច់មួយចំនួនជូនដល់បងៗវីរៈកងទ័ពជួរមុខកាលពីថ្ងៃទី៩ ខែមេសា កន្លងទៅនេះ។
ជារៀងរាល់ឆ្នាំ គ្រឹះស្ថានមីក្រូហិរញ្ញវត្ថុ អម្រឹត តែងតែរៀបចំកម្មវិធីអបអរសាទរសង្រ្កាន្តឆ្នាំថ្មីប្រពៃណីជាតិខ្មែដើម្បីរំលឹកដល់ប្រពៃណី វប្បធម៌ ការទទួលទេវតាឆ្នាំថ្មី និងឆ្លុះបញ្ចាំងពីការយកចិត្តទុកដាក់ខ្ពស់របស់ស្ថាប័នទៅលើសុខុមាលភាព និងស្មារតីសាមគ្គីភាពរបស់បុគ្គលិកគ្រប់ជាន់ថ្នាក់។ កម្មវិធីសង្រ្កាន្តអម្រឹត ឆ្នាំថ្មី២០២៦ អម្រឹតបានរៀបចំកម្មវិធីសូត្រមន្ត ប្រោះព្រំ ប្រសិទ្ធពរជ័យជាមួយបុគ្គលិក និងក្រុមគ្រួសារបុគ្គលិក រៀបចំការសម្ដែងរបាំប្រពៃណី រួមមានរបាំត្រុដិ របាំគោះត្រលោក របាំគោះអង្រែ និងមានការចូលរួមលេងល្បែងប្រជាប្រិយខ្មែរមួយចំនួនពីសំណាក់គណៈគ្រប់គ្រង បុគ្គលិក និងក្រុមគ្រួសារ ប្រកបដោយក្តីសប្បាយរីករាយ និងស្នាមញញឹម ព្រមជាមួយការជួបជុំអាហារសាមគ្គី ប្រកបដោយបរិយាកាសរីករាយ សាមគ្គីភាព និងភាពស្និទ្ធស្នាល។
ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ គណៈគ្រប់គ្រង និងបុគ្គលិក អម្រឹត សូមគោរពជូនពរដល់ប្រជាពលរដ្ឋខ្មែរ និងអតិថិជនទាំងអស់ សូមជួបប្រទះតែសេចក្តីសុខ សេចក្តីចម្រើន សុខភាពល្អបរិបូរណ៍ និងទទួលបានជោគជ័យគ្រប់ភារកិច្ច ជាពិសេសការធ្វើដំណើរជិតឆ្ងាយប្រកបដោយសុខសុវត្ថិភាពគ្រប់ក្រុមគ្រួសារ។
អម្រឹត សូមថ្លែងអំណរគុណយ៉ាងជ្រាលជ្រៅចំពោះអតិថិជនទាំងអស់ ដែលតែងតែផ្តល់ទំនុកចិត្ត និងគាំទ្រប្រើប្រាស់សេវាកម្មហិរញ្ញវត្ថុរបស់អម្រឹតរហូតមក។ អម្រឹត ប្តេជ្ញានឹងបន្តផ្តល់សេវាកម្មដ៏ល្អបំផុត ដើម្បីជួយឱ្យជីវភាពហិរញ្ញវត្ថុរបស់អតិថិជនកាន់តែប្រសើរឡើង។
អំពីអម្រឹត
អម្រឹត មានមោទនភាពជាគ្រឹះស្ថានហិរញ្ញវត្ថុឈានមុខគេមួយក្នុងចំណោមគ្រឹះស្ថានហិរញ្ញវត្ថុចំនួន ១0 នៅក្នុងប្រទេសកម្ពុជាដែលផ្តល់ផលវិជ្ជមានដល់សង្គម ។ អម្រឹត បាន និងកំពុងបម្រើសេវាហិរញ្ញវត្ថុជូនអតិថិជនរបស់ខ្លួន ជិត ៩០ ម៉ឺននាក់ – មានប្រតិបត្តិការអាជីវកម្មនៅតាមសាខាចំនួន ១៥០ ក្នុង២៤ រាជធានី-ខេត្តទូទាំងប្រទេស និងមានបុគ្គលិកជាង ៤.៧០០នាក់ កំពុងបម្រើការងារ ។ អម្រឹត មានទ្រព្យសកម្មជិត ២ពាន់លានដុល្លារអាមេរិក មានប្រាក់បញ្ញើជាង ១.៤ ពាន់លានដុល្លារ អាមេរិក និងផលប័ត្រប្រាក់កម្ចីជាង១.៦ ពាន់លានដុល្លារអាមេរិក។
Account
Security
Favourite Content