ការភ្ញាស់ពងសត្វដោយប្រើទូភ្ញាស់ ជាជម្រើសល្អ និងផ្ដល់លទ្ធភាពញាស់បានច្រើន

ភ្នំពេញ ៖ ទូភ្ញាស់ ជាឧបករណ៍មួយប្រភេទដំណើរការដោយប្រើបច្ចេកវិទ្យា និងអគ្គិសនី ដែលត្រូវបានបង្កើតឡើងដើម្បីឱ្យការភ្ញាស់ពងសត្វកាន់តែបានច្រើន និងមានប្រសិទ្ធភាពជាងមុន ជាពិសេសនៅរដូវធ្លាក់ខ្យល់ដែលជំរុញឱ្យការភ្ញាស់សត្វបានលទ្ធផលល្អ។

លោក អេង ផេង ជាអ្នកកែច្នៃ និងផលិតទូភ្ញាស់កូនសត្វម្នាក់នៅម្ដុំចាក់អង្រែក្រោម ខណ្ឌមានជ័យ រាជធានីភ្នំពេញ បានរៀបរាប់ឱ្យដឹងថា ការប្រើទូភ្ញាស់នេះគឺល្អ អាចដាក់ពងមាន់ ពងទា ឬពងក្ងានបានច្រើនគ្រាប់ទៅតាមទំហំទូ ហើយម៉្យាងទៀតវាមានលទ្ធភាពជួយឱ្យសត្វញាស់បានដល់ទៅ ៨០ភាគរយ ចំណែកឯ ២០ភាគរយទៀតវាងាប់ដោយសារពេលកូនមាន់ញាស់ហើយធ្លាក់ពីលើកញ្ច្រែងតែប៉ុណ្ណោះ។

លោកបានបញ្ជាក់ថា ៖

«ការភ្ញាស់ដោយប្រើទូភ្ញាស់យើងអាចដាក់ពងសត្វបានច្រើនទៅតាមទំហំ តួយ៉ាងទូរបស់យើងមានចាប់ពី ១៤៤ – ១៣២០គ្រាប់ ដែលអ្នកចិញ្ចឹមអាចទិញយកទៅសាកប្រើបានទាំងអ្នកចិញ្ចឹមតិចតួចតាមផ្ទះ ឬនៅតាមកសិដ្ឋានផ្សេងៗ។ ដោយឡែកអតិថិជនរបស់ខ្ញុំភាគច្រើនគឺនៅតាមបណ្ដាខេត្ត ដូចជា ព្រះវិហារ សៀមរាប និងតាកែវជាដើមដែលសុទ្ធសឹងជាអ្នកចិញ្ចឹមសត្វ និងទទួលបានផលពីទូភ្ញាស់នេះ»។

ពាក់ព័ន្ធនឹងតម្លៃវិញ ទូមួយអាចមានតម្លៃពី ១៦៥ – ៧០០ ដុល្លារ អាស្រ័យទៅតាមទំហំ និងប្រភេទក្បាលម៉ាស៊ីន​ដែល​បំពាក់ក្នុងទូ ហើយទូភ្ញាស់របស់លោកផលិតឡើងចេញពីការច្នៃ និងសិក្សាស្រាវជ្រាវ ក៏ដូចជាអភិវឌ្ឍជាបន្តបន្ទាប់តាំងពីវត្ថុធាតុដើមសម្រាប់ដំឡើងទូ រួមមានដូចជា ជញ្ជាំងកាបូន ស្នោ ក្បាល​បញ្ជា កញ្ច្រែង ដែក ជាដើម ដែលលោកទិញខ្លះ និងច្នៃពីផ្ទាំងផ្សាយពាណិជ្ជកម្មចាស់ៗមួយចំនួនផងដែរ។

ជាមួយគ្នានេះ លោកក៏រៀបរាប់ពីចំណុចពិសេសៗរបស់ទូនេះដែរថា ៖

«យើងប្រើជញ្ជាំងកាបូនដែលអាចជួយបឺតយកសំណើម និងរក្សាកម្ដៅក្នុងទូបានល្អ ហើយវាក៏មានសភារឹងមាំ មិនងាយពុកផុយដូចក្ដារធម្មតានោះទេ។ ដោយឡែកការដាក់ម៉ាស៊ីនកម្ដៅ យើងរៀបចំបំពាក់នៅផ្នែកខាងលើ និងចំហៀងទូ ដែលធ្វើឱ្យទូមានកម្ដៅងំល្អ ចំណែកនៅផ្នែកខាងក្រោមមានក្រាលកម្រាលសម្រាប់ទ្រកូនមាន់តែញាស់ហើយធ្លាក់ចុះមក»។

គួរបញ្ជាក់ដែរថា លោក អេង ផេង បង្កើតអាជីវកម្មផលិត និងកែច្នៃទូភ្ញាស់នេះ ដោយរៀន​បច្ចេក​ទេស​​ពី​គេ​បង្ហាញតាម YouTube ខ្លះ និងអនុវត្តកែច្នៃដោយខ្លួនឯងបន្ថែម។​ ដំបូងឡើងការតម្លើង និងរៀបចំបង្កើតទូភ្ញាស់នេះគឺទទួលបានយោបល់​ពី​អ្នកជិតខាង និងអ្នកប្រើប្រាស់ក្នុងការកែលម្អជារឿយៗ ហើយលោកក៏បានព្យាយាមអភិវឌ្ឍបន្ថែមទាំងរូបរាង និងគុណភាពទូ​ដែលអាច​ផ្ដល់លទ្ធភាពញាស់បានច្រើន។

ចុងក្រោយ លោក អេង ផេង ក៏បានថ្លែងគំណរគុណដល់អតិថិជន​ទាំងអស់ដែលបានគាំទ្រទូភ្ញាស់​របស់លោកជា​បន្តបន្ទាប់​មកនេះ ហើយលោកក៏មានបំណងចង់ពង្រីកអាជីវកម្មមួយនេះឲ្យបានកាន់តែធំជាងនេះផងដែរ ដើម្បីអាចបំពេញតម្រូវការ​របស់​កសិករដែលប្រកបរបរភ្ញាស់ពងមាន់ ពងទាកាន់តែច្រើនតាមការចង់បាន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ