សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ប្រមុខដឹកនាំប្រទេស ម៉ារ៉ុក បានសម្រេចប្ដូរឈ្មោះផ្លូវល្បឿនលឿនប្រចាំប្រទេស Tiznit-Dakhla មកជាឈ្មោះ Donald J. Trump Highway វិញ ដែលជាការបង្ហាញពីការដឹកគុណចំពោះលោក Donald J. Trump ដែលបានទទួលស្គាល់អធិបតេយ្យភាពរបស់ម៉ារ៉ុកលើតំបន់សាហារ៉ា ។
ផ្អែកតាមការចេញផ្សាយដោយសារព័ត៌មាន Novinata បានឱ្យដឹងថា ការប្ដូរផ្លូវល្បឿនលឿនរបស់ប្រទេសម៉ារ៉ុក ដែលវែងជាងគេបំផុតនៅអាហ្វ្រិកដូចបានលើកឡើងខាងលើនេះ បានបញ្ជាក់ពីទំនាក់ទំនងស៊ីជម្រៅរវាងប្រទេសម៉ារ៉ុកដែលមានព្រះមហាក្សត្រ Mohammed VI ជាប្រមុខដឹកនាំ ជាមួយប្រធានាធិបតីសហរដ្ឋអាម៉េរិក Donald J. Trump ហើយក៏ជាការបញ្ជាក់ពីកិច្ចសហប្រតិបត្តិការឈានដល់ចំណុចកំពូលជាប្រវត្តិសាស្ត្រនៃប្រទេសទាំង២ផងដែរ។
ចំណុចដែលគួរឱ្យកត់សម្កាល់មួយទៀតនៃការប្ដុរឈ្មោះផ្លូវល្បឿនលឿនពី Tiznit-Dakhla ដែលមានប្រវែងរហូតដល់ ១០៥៥ គីឡូម៉ែត្រ មកជាឈ្មោះ Donald J. Trump Highway គឺជាបង្ហាញយ៉ាងច្បាស់ពីការដឹងគុណដល់រដ្ឋាភិបាលទីក្រុងវ៉ាស៊ីនតោនដេលទទួលស្គាល់អធិបតេយ្យភាពរបស់ម៉ារ៉ុកលើតំបន់សាហារ៉ា កាលពីឆ្នាំ ២០២០។
តបទៅនឹងការសម្រេចប្ដូរឈ្មោះផ្លូវល្បឿនលឿនមួយខ្សែរនេះ ប្រធានាធិបតីអាមេរិក លោកTrump បានថ្លែងអំណរគុណចំពោះការសម្រេចចិត្តរបស់ប្រមុខដឹកនាំប្រទេសម៉ារ៉ុក ព្រះមហាក្សត្រ Mohammed VI ដោយបានបង្ហោះសារនៅលើបណ្តាញសង្គម Truth Social នូវសេចក្តីកោតសរសើរចំពោះព្រះមហាក្សត្រ Mohammed VI និងបានបង្ហាញពីគោលបំណងចង់ទៅទស្សនា និងធ្វើដំណើរលើផ្លូវល្បឿនលឿនមួយខ្សែនេះនាពេលអនាគតដ៏ខ្លីខាងមុខ។
ក្រៅពីតម្លៃនិមិត្តរូបនៃកិច្ចទំនាក់ទំនងយ៉ាងស្អិតល្មួត ផ្លូវល្បឿនលឿន Donald J. Trump នឹងក្លាយទៅជាគ្រឹះដ៏សំខាន់នៃយុទ្ធសាស្ត្រអភិវឌ្ឍន៍ច្រករបៀងអាត្លង់ទិករបស់ម៉ារ៉ុក ខនៈដែលផ្លូវល្បឿនលឿននេះត្រូវបានសាងសង់ឡើងស្របតាមស្តង់ដារអន្តរជាតិ ដោយតភ្ជាប់ជាមួយមជ្ឈមណ្ឌលសេដ្ឋកិច្ចសំខាន់ៗរួមមានដូចជា Tiznit, Guelmim, Laayoune និង Dakhla ហើយក៏ជាផ្លូវដែលជួយកែលម្អសុវត្ថិភាពចរាចរណ៍ផ្លូវគោកយ៉ាងសំខាន់ក្នុងការកាត់បន្ថយពេលវេលាធ្វើដំណើរ ជារបាំងដែលអាចជួយកាត់បន្ថយខ្យល់បក់ខ្លាំង និងជារបាំងការពារទឹកជំនន់ ហើយក៏ជាបណ្តាញតភ្ជាប់នៃសមាហរណកម្មសេដ្ឋកិច្ចនៅទូទាំងតំបន់ទាំងមូលផងដែរ៕
Account
Security
Favourite Content