សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ របាយការណ៍ឥណទាន សំដៅលើរបាយការណ៍ដែលបង្ហាញពីប្រវត្តិនៃការសងត្រលប់របស់បុគ្គលម្នាក់ៗមកកាន់ធនាគារ ឬស្ថាប័នហិរញ្ញវត្ថុផ្លូវការណាមួយ។ គេអាចត្រួតពិនិត្យរបាយការណ៍ឥណទានបានតាមរយៈប្រព័ន្ធ CBC (Credit Bureau Cambodia)។
បើតាមអ្នកជំនាញ ប្រជាជនទូទៅគួរតែឆែករបាយការណ៍ឥណទានរបស់ខ្លួនយ៉ាងហោចណាស់មួយឆ្នាំម្ដង ដើម្បីអាចដឹងពីស្ថានភាពហិរញ្ញវត្ថុរបស់ខ្លួន។
លោក ខុម ច័ន្ទតារា នាយកផ្នែកប្រតិបត្តិការនៃក្រុមហ៊ុនក្រេឌីតប្យូរ៉ូ (CBC) បានឱ្យដឹងថា របាយការណ៍ឥណទានមានសារៈសំខាន់សម្រាប់មនុស្សគ្រប់រូប ជាពិសេសអ្នកដែលធ្លាប់ប្រើប្រាស់ និងកំពុងប្រើកម្ចី ឬមានបំណងចង់ស្នើសុំកម្ចីពីគ្រឹះស្ថានធនាគារ ឬមីក្រូហិរញ្ញវត្ថុ។ ម៉្លោះហើយទើប លោកលើកទឹកចិត្តឱ្យមានការតាមដានរបាយការណ៍របស់ខ្លួនជាប្រចាំ។
សម្រាប់លោកយល់ថា ការត្រួតពិនិត្យរបាយការណ៍ឥណទានជាប្រចាំនេះ អាចជាការក្រើនរំលឹកសម្រាប់អ្នកប្រើប្រាស់កម្ចីដែលបង់សងត្រឡប់មិនទៀងទាត់ ឱ្យត្រឡប់មកបង់ទៀងទាត់វិញ ដើម្បីរក្សារបាយការណ៍ឱ្យល្អ។
លោកបានបន្តឱ្យដឹងទៀតថា៖
«មិនខុសអីពីការឆែកសុខភាព ប្រសិនបើឆែករបាយការណ៍ឥណទាន ឃើញថាមានបញ្ហា គឺអតិថិជននឹងងាយស្រួលក្នុងការព្យាបាល។ ក្នុងការស្រោចស្រង់របាយការណ៍ឥណទាន អតិថិជនអាចសងត្រឡប់ឱ្យបានទៀងទាត់ ដើម្បីឱ្យទិន្នន័យល្អៗទាំងនោះឡើងមកលើវិញ»។
បើតាមការគូសបញ្ជាក់របស់លោក សម្រាប់ការឆែករបាយការណ៍ឥណទាននេះទៀតសោត គឺប្រជាជនអាចឆែកបានម្ដងក្នុងមួយឆ្នាំដោយមិនគិតប្រាក់ឡើយ។
យ៉ាងណាក៏ដោយ លោកនៅតែលើកទឹកចិត្តអតិថិជនដែលប្រើប្រាស់កម្ចី ឱ្យសងត្រឡប់ឱ្យទៀងទាត់ ដើម្បីរក្សាប្រវត្តិឥណទានរបស់ខ្លួនឱ្យល្អ ដែលងាយស្រួលក្នុងការស្នើសុំកម្ចីទៅថ្ងៃអនាគតទៀត។ ងាយស្រួលព្រោះ បើពួកគេមានប្រវត្តិឥណទានល្អ លក្ខខណ្ឌនៅក្នុងការសិក្សាក៏នឹងធូររលុង ហើយលឿនរហ័ស៕
Account
Security
Favourite Content