សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅថ្ងៃទី១៨ ខែកុម្ភៈ ឆ្នាំ២០២៥ នេះ ធនគារ អុឹម ប៊ី ខេមបូឌា ជាមួយក្រុមហ៊ុន អឺបេនលែន (Urbanland) ដែលក្រុមហ៊ុនអភិវឌ្ឍគម្រោងបុរីចន្ទគីរី បានចុះអនុស្សរណៈយោគយល់រួមគ្នា (MoU) ក្នុងការផ្តល់ជូននូវឥណទានសម្រាប់ទិញផ្ទះជាមួយអត្រាការប្រាក់ដ៏ពិសេសត្រឹមតែ ៤.៩០% ក្នុងមួយឆ្នាំ ដល់អតិថិជនរបស់បុរីចន្ទគីរី នៅគម្រោងចន្ទគីរីមួយ និងគម្រោងផ្ទះអាជីវកម្មចន្ទគីរី។
លោក ហ៊ីម ភិរម្យ នាយកប្រតិបត្តិសេវាកម្មធនាគារបុគ្គលនៃធនាគារ អុឹម ប៊ីខេមបូឌា បានមានប្រសាសន៍នៅក្នុងពិធីចុះហត្ថលេខាលើអនុស្សរណៈយោគយល់គ្នានេះថា៖ ពិធីចុះហត្ថលេខាក្នុងថ្ងៃនេះ គឺជាការឆ្លុះបញ្ចាំងពីការប្តេចជ្ញារបស់ធនាគារ អុឹម ប៊ី ខេមបូឌា ជាមួយដៃគូអភិវឌ្ឍលំនៅឋាននៅកម្ពុជាក្នុងការផ្តល់ជូននូវដំណោះស្រាយហិរញ្ញវត្ថុដ៏ល្អប្រសើរសម្រាប់អតិថិជនដែលមានតម្រូវការទិញផ្ទះថ្មី។ ឥឡូវនេះ អតិថិជនរបស់បុរីចន្ទគីរី នឹងទទួលបាននូវដំណោះស្រាយឥណទានសម្រាប់ទិញផ្ទះថ្មីជាមួយអត្រាការប្រាក់ទាបត្រឹមតែ ៤.៩០% ក្នុងមួយឆ្នាំ ពីធនាគារ អ៊ឹម ប៊ីខេមបូឌា សម្រាប់ឆ្នាំទី ១ និងទី ២ បន្ថែមជាមួយនឹងការអនុគ្រោះប្រាក់ដើមរហូតដល់រយៈពេល ២ឆ្នាំ។
ក្នុងព្រឹត្តិការណ៍នេះដែរ កញ្ញា កឹម ស៊ីថេន បានមានប្រសាសន៍ថា៖ ជាមួយនឹងចក្ខុវិស័យរួមគ្នាដើម្បីបំពេញតម្រូវការរបស់អតិថិជន និងតម្រូវការនៃការទិញផ្ទះក្នុងពេលបច្ចុប្បន្ននេះ បុរីចន្ទគីរី និងធនាគារ អុឹម ប៊ី ខេមបូឌា បានប្តេជ្ញាផ្តល់ជម្រើសប្រាក់កម្ចីទិញផ្ទះកាន់តែប្រសើរជាមួយការប្រឹក្សាយោបល់ពីអ្នកជំនាញ និងសេវាកម្មឆាប់រហ័ស ធានាឱ្យបាននូវភាពរលូនដល់ដល់អតិថិជនក្នុងការទិញផ្ទះដែលប្រកបដោយគុណភាព។
ធនាគារ អុឹម ប៊ី (ខេមបូឌា) ម.ក ជាបុត្រសម្ព័ន្ធរបស់ធនាគារ អុឹម ប៊ី ដែលជាធនាគារឈានមុខគេនៅក្នុងប្រទេសវៀតណាម និងបានទទួលអាជ្ញាប័ណ្ណជាធនាគារពាណិជ្ជពេញលេញពីធនាគារជាតិនៃកម្ពុជានៅដើមខែមករា ឆ្នាំ២០២៣ បន្ទាប់ពីបានធ្វើប្រតិបត្តិការនៅក្នុងប្រទេសកម្ពុជាតាំងពីឆ្នាំ២០១១ ដោយផ្តល់ជូននូវដំណោះស្រាយហិរញ្ញវត្ថុប្រកបដោយភាពច្នៃប្រឌិត និងសេវាកម្មល្អឥតខ្ចោះជូនអតិថិជន។
ក្រុមហ៊ុន អឺបេនលែន គឺជាក្រុមហ៊ុនអភិវឌ្ឍគម្រោងអចលនទ្រព្យក្នុងស្រុកមួយ ដែលបានបង្កើតឡើងនៅឆ្នាំ២០១៣ ដោយស្ថាបត្យករ លោក កាំង ហុក ក្នុងមានគោលដៅបង្កើតទីកន្លែងប្រកបដោយភាពច្នៃប្រឌិតខ្ពស់ ដើម្បីឱ្យមនុស្សគ្រប់គ្នារស់នៅ ធ្វើការ និងកម្សាន្តដោយការប្តេជ្ញាលើគុណភាព ភាពឋិតឋេរ និងភាពផ្ចិតផ្ចង់។ បុរីចន្ទគីរី គឺជាគម្រោងអភិវឌ្ឍន៍របស់ក្រុមហ៊ុន អឺបេនលែន (Urbanland) ក្រោយពីការចំណាយពេលជាង ២ឆ្នាំក្នុងការសិក្សាស្រាវជ្រាវ ដើម្បីយល់ច្បាស់អំពីអត្ថន័យនៃផ្ទះ និងតម្រូវការដែលអ្នករស់នៅក្នុងទីក្រុងភ្នំពេញប្រាថ្នាចង់បាន។ បុរីចន្ទគីរី ផ្តោតយ៉ាងសំខាន់លើការរចនាលំនៅឋានដែលហ៊ុមព័ទ្ធដោយធម្មជាតិ និងជាសហគមន៍ដ៏ជិតស្និទ្ធមួយ មានទីតាំងនៅលើផ្លូវជាតិលេខ២ ចំណាយពេលធ្វើដំណើរត្រឹមតែ ១០ នាទីពីផ្សារទំនើបអ៊ីអនម៉លមានជ័យ និង ១៥ នាទីពីអាកាសយានដ្ឋានអន្តរជាតិតេជោ ព្រមទាំងស្ថិតនៅជាប់នឹងផ្សារទំនើប ខេ ម៉ល ព្រែកត្នោត (K Mall Prek Thnaot) ដែលជាតំបន់ប្រមូលផ្តុំដោយមណ្ឌលពាណិជ្ជកម្មដ៏រស់រវើកជាមួយដំណាក់កាលដំបូងនឹងបើកដំណើរការនៅពាក់កណ្តាលឆ្នាំ២០២៥ ។ ផ្ទះអាជីវកម្មចន្ទគីរី គឺជាគម្រោងមួយទៀតរបស់ក្រុមហ៊ុន អឺបេនលែន ដែលមានទីតាំងស្ថិតនៅតំបន់ ISI PARK តាមបណ្តោយផ្លូវវេង ស្រេង ត្រឹមតែ ៥ នាទីពីផ្សារទំនើប ខេ ម៉ល វេង ស្រេង (K Mall Veng Sreng) អគារការិយាល័យ ISI TOWER និងកីឡដ្ឋានបាល់ទាត់ AIA Stadium ដែលផ្តល់ឱកាសល្អក្នុងការរស់នៅ និងការប្រកបអាជីវកម្មបានយ៉ាងងាយស្រួល៕
Account
Security
Favourite Content