សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ អិលអូអិលស៊ី ដែលជាស្ថាប័នគ្រឹះស្ថានមីក្រូហិរញ្ញវត្ថុឈានមុខគេនៅកម្ពុជា ទទួលបានវិញ្ញាបនបត្រ ISO / IEC 27001: 2022 ស្តង់ដារអន្តរជាតិក្នុងការគ្រប់គ្រងសុវត្ថិភាពព័ត៌មាន ដែលជាវិញ្ញាបនបត្រដ៏មានកិត្យានុភាពមួយកាលពីពេលថ្មីៗនេះ។
វិញ្ញាបនបត្រ ISO / IEC 27001: 2022 ក្នុងការគ្រប់គ្រងសុវត្ថិភាពព័ត៌មាននេះត្រូវបានចេញ និងទទួលស្គាល់ជាផ្លូវការដោយស្ថាប័ន Bureau Veritas Certification Holding SAS មានមូលដ្ឋាននៅចក្រភពអង់គ្លេស ដែលជាស្ថាប័នធំមួយផ្តល់នូវសេវាកម្មអនុលោមភាព និងការវាយតម្លៃស្តង់ដារសុវត្ថិភាពកម្រិតអន្តរជាតិ។ ការទទួលបានវិញ្ញាបនប័ត្រលំដាប់អន្តរជាតិនេះសបញ្ជាក់ឱ្យឃើញពីការប្តេជ្ញាចិត្តខ្ពស់របស់ អិលអូអិលស៊ី ក្នុងការការពារទិន្នន័យរបស់អតិថិជនឱ្យមានសុវត្ថិភាពខ្ពស់ និងផ្តល់ទំនុកចិត្តជូនដល់អតិថិជន ដោយអនុលោមតាមស្ដង់ដារសុវត្ថិភាពអន្តរជាតិ។
អិលអូអិលស៊ី ផ្ដោតទៅលើការធានាព័ត៌មាន និងការការពារព័ត៌មានវិទ្យារបស់ខ្លួន ខណៈពេលដែលកំពុងអភិវឌ្ឍប្រព័ន្ធព័ត៌មានប្រកបដោយប្រសិទ្ធភាព។ ការប្តេជ្ញាចិត្តនេះ ពាក់ព័ន្ធនឹងការរក្សាបាននូវក្របខ័ណ្ឌសន្តិសុខព័ត៌មានដ៏រឹងមាំដែលធានានូវភាពសម្ងាត់ សុចរិតភាព និងលទ្ធភាពទទួលបានទិន្នន័យនៅ អិលអូអិលស៊ី។ លើសពីនេះស្ថាប័នក៏ប្រកាន់ខ្ជាប់នូវរាល់ច្បាប់និយតកម្ម និងកាតព្វកិច្ចកិច្ចសន្យាដែលពាក់ព័ន្ធទាំងអស់។
អិលអូអិលស៊ី ជាស្ថាប័នគ្រឹះស្ថានមីក្រូហិរញ្ញវត្ថុដ៏ធំមួយនៅកម្ពុជា មានភាពល្បីល្បាញសម្រាប់ការផ្តល់ដំណោះស្រាយហិរញ្ញវត្ថុដែលបំពេញតម្រូវការរបស់គ្រួសារ សហគ្រិន និងអតិថិជនកម្ពុជា ដែលស្វែងរកឱកាសសេដ្ឋកិច្ចដើម្បីផ្លាស់ប្តូរគុណភាពរស់នៅរបស់ពួកគេ។ តាមរយៈការផ្តល់ប្រាក់កម្ចីប្រកបដោយការទទួលខុសត្រូវ និងផ្តោតលើនិរន្តរភាព អិលអូអិលស៊ី ជំរុញកំណើនសេដ្ឋកិច្ច និងឥទ្ធិពលវិជ្ជមានយូរអង្វែងនៅទូទាំងប្រទេសកម្ពុជា។
ស្របជាមួយនឹងការទទួលស្គាល់នេះ អិលអូអិលស៊ី ប្តេជ្ញាចិត្តខិតខំប្រឹងប្រែងអភិវឌ្ឍសមត្ថភាពឱ្យកាន់តែខ្លាំងក្លាថែមទៀត តាមរយៈការផ្តល់សេវាផ្នែកព័ត៌មានវិទ្យាដែលអាចជឿជាក់បាន មានគុណភាពខ្ពស់ និងការអភិវឌ្ឍកម្មវិធីដែលផ្តល់អាទិភាពដល់តម្រូវការរបស់អតិថិជន និងផ្តល់នូវគុណភាពល្អបំផុត៕
Account
Security
Favourite Content