សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ និន្នាការគាំទ្រផលិតផលខ្មែរកំពុងមានសន្ទុះកើនឡើងនៅទូទាំងប្រទេស។ ចំណែកក្រុមហ៊ុន និងម្ចាស់អាជីវកម្ម ក៏កំពុងមានមោទនភាពក្នុងការខិតខំផលិតផលិតផលខ្មែរ បង្កើតការងារជូនប្រជាពលរដ្ឋខ្មែរ និងជួយប្រទេសជាតិ។
ក្នុងកាលៈទេសៈបច្ចុប្បន្ននេះ គឺជាពេលដែលខ្មែរត្រូវរួបរួមគ្នាជួយលើកតម្កើងផលិតផលជាតិ ដើម្បីបញ្ចៀសការនាំចូលទំនិញ និងផលិតផលពីបរទេស។ ឥឡូវនេះ ស្រុកយើងមានសមត្ថភាពគ្រប់គ្រាន់ផលិតខ្លួនឯងបានច្រើនហើយ មិនចាំបាច់នាំចូលទំនិញពីបរទេសនោះទេ។ ជាក់ស្តែង យើងអាចក្រឡេកមើលក្រុមហ៊ុន ខ្មែរ ប៊ែវើរីជីស ដែលមានសមត្ថភាពផលិតគ្រប់ភេសជ្ជៈ រាប់តាំងពី ទឹកពិសា ភេសជ្ជៈប៉ូវកម្លាំង ទឹកក្រូច ឬក៏ប្រភេទអាល់កុលក៏មានដែរ ហើយស្តង់ដារកម្រិតពិភពលោក។
ជាទីផ្សារសេរី កម្ពុជាមិនអាចបំបាត់លំហូរចូលទំនិញបរទេសទាំងស្រុងនោះទេ ប៉ុន្តែយើងអាចជ្រើសរើសប្រើប្រាស់ផលិតផលណាដែលមានតម្លៃល្អ និងគុណភាពខ្ពស់។ បើខ្មែរយើងអាចផលិតបានចំណុចទាំងនេះហើយ យើងគួរតែជួយគាំទ្រផលិតផលក្នុងស្រុកយើង។
ផលិតផល ខ្មែរ ប៊ែវើរីជីស ជាច្រើនសុទ្ធសឹងតែមានគុណភាពខ្ពស់ស្តង់ដារអន្តរជាតិ ដូចជា ទឹកពិសាកម្ពុជា ភេសជ្ជៈប៉ូវកម្លាំង WURKZ, DAZZ, KIZZ, ICY COOL, VIKINGZ, ភេសជ្ជៈ EXPREZ, ទឹកក្រូច IZE និង CAMBODIA BEER ព្រមទាំងត្រូវបានទទួលស្គាល់ពីស្ថាប័នអន្តរជាតិ អាចចរាចរក្នុងតម្លៃសមស្របដូចគ្នាជាមួយនឹងផលិតផលបរទេសលើទីផ្សារកម្ពុជា។
បើយើងគាំទ្រក្រុមហ៊ុនក្នុងស្រុក ប្រៀបដូចជាបានជួយជាតិ ជួយប្រជាជនដូច្នោះដែរ ព្រោះមានតែខ្មែរជួយខ្មែរទេ ទើបនាំប្រទេសឱ្យរីកចម្រើន និងអាចជួយជាជំនួយបានលឿនពេលសង្គមជាតិមានអាសន្ន។ជាក់ស្តែង ក្រុមហ៊ុន ខ្មែរ ប៊ែវើរីជីស ដែលមានក្រុមហ៊ុនមេ ជីប ម៉ុង បានចូលរួមចំណែកក្នុងការជួយដល់បងៗ កងទ័ពជួរមុខឈរជើងនៅព្រំដែន ដោយ បានឧបត្ថម្ភថវិកាសរុបកើនដល់ ៥០ម៉ឺនដុល្លារ ព្រមទាំងទឹកពិសាកម្ពុជា និងភេសជ្ជៈសរុប ៥០០០កេស។
ការប្រើប្រាស់ផលិតផលផលិតក្នុងស្រុក មានន័យថាចូលរួមជួយសេដ្ឋកិច្ចជាតិយើងហើយការជ្រើសរើសទឹកពិសាកម្ពុជា ជាផលិតផលរបស់ខ្មែរ ផលិតដោយខ្មែរ មានរោងចក្រនៅខ្មែរ ផលិតសម្រាប់ខ្មែរ គឺជាជម្រើសដ៏ត្រឹមត្រូវមួយ៕
Account
Security
Favourite Content