តោះ ! មកដឹងពីចំណុចសំខាន់ៗ និងការលូតលាស់របស់ផ្កាអង្គាសីល

ភ្នំពេញ ៖ គ្រាន់តែឮឈ្មោះថា អង្គាសីល គេតែងតែគិតដល់ផ្កាមួយប្រភេទ ដែលគេតែងយកមកដាក់តាំងលម្អក្នុងគេហដ្ឋានផ្ដល់នូវភាពស្រស់ស្អាត និងមានជំនឿថាអាចនាំមកនូវសំណាងល្អដល់ក្រុមគ្រួសារ ជាពិសេសនៅរដូវបុណ្យចូលឆ្នាំចិនតែម្តង។ ចង់ដឹងទេថា តើដំណើរការនៃការដុះលូតលាស់របស់ដើមផ្កាដែលមានតម្លៃមួយប្រភេទនេះមានការវិវឌ្ឍបែបណា?

រុក្ខជាតិអង្គាសីល ជាប្រភេទផ្កាម្យ៉ាងដែលមានផ្កាស្រស់ស្អាត និងមានប្រយោជន៍អាចធ្វើជាឱសថទាំងផ្កា ដើម និងឫស ហើយអង្គាសីលមានពីរប្រភេទធំៗគឺ អង្គាសីលទេស (ផ្កាចូលឆ្នាំចិន) និងអង្គាសីលអង្គា (ភ្លៅកង្កែប) ដែលភាគច្រើនដុះនៅតាមព្រៃល្បោះនៃប្រទេសមួយចំនួននៅតំបន់អាស៊ីអាគ្នេយ៍ ជាពិសេសគឺនៅកម្ពុជា ហើយមែករុក្ខជាតិដែលមានផ្កា ឬពន្លកផ្កាច្រើន ត្រូវបានគេកាប់យកមកដាក់លក់ក្នុងទីផ្សារនាពេលរដូវចូលឆ្នាំចិន។

វាជារុក្ខជាតិដុះនៅតំបន់សីតុណ្ហភាពទាប មានសំណើមខ្ពស់ ដូចជាតាមតំបន់ភ្នំដែលមានរយៈកម្ពស់មធ្យម និងនៅក្រោមគម្របម្លប់។ ផ្កាអង្គាសីលមានពណ៌ក្រហម លឿង ស ទឹក្រូច ផ្កាឈូក ចំប៉ាក្រៀម ដំណក់ទឹកភ្លៀងសប្រផេះ អាស្រ័យទៅតាមតំបន់ ដោយខ្លះចែកចេញជា ១រដូវ ៣រដូវ ឬ៤រដូវ។

ដើមអង្គាសីលមានកម្ពស់ជាមធ្យមពី ២-៨ម៉ែត្រ ជាប្រភេទដើមមិនសូវត្រង់ និងបែកមែកសាខាច្រើន។ ជាទូទៅ សំបកដើមមានពណ៌ប្រផេះក្រម៉ៅ មានលាយពណ)អុចៗ។ ប្រភេទផ្កា Hypogyne ជាផ្កា ២ភេទ ដែលគេចែកជា ផ្កា៥ស្រទាប់ (មានប្រភេទតូចៗ ១៤ប្រភេទ) និងផ្កាច្រើនស្រទាប់ (មានប្រភេទតូចៗ ១២ប្រភេទ) តែប្រភេទផ្កាក្នុងស្រុកភាគច្រើនជាផ្កាមួយរដូវ មានពណ៌លឿង ៥ស្រទាប់ ចេញផ្កានៅខែមាឃ ឯប្រភេទផ្សេងទៀតជាផ្កានាំចូល។

ផ្កាអង្គាសីល អាចចេញផ្ការយៈពេលខ្លីពី ១០-១៥ថ្ងៃ រួចចេញផ្លែប្រមាណ ២សប្ដាហ៍ទើបជ្រុះ ហើយផ្លែរបស់វាជាប្រភេទផ្លែសាច់ នៅពេលខ្ចីមានពណ៌ខៀវ និងពេលទុំមានពណ៌ក្រហមក្រម៉ៅ។ ចំណែកស្លឹក ជាប្រភេទស្លឹកឆ្លាស់បីរដូវ មានទម្រង់ស្រួចចុង ហើយស្លឹកមានបន្លានៅផ្នែកគែមនៃស្លឹក។

ពាក់ព័ន្ធនឹងការដាំរុក្ខជាតិអង្គាសីល គេអាចដាំដោយការបណ្ដុះគ្រាប់ និងការសាកមែក តែការបណ្ដុះគ្រាប់ត្រូវប្រើរយៈពេលដល់ទៅ ៥-១០ឆ្នាំទើបដើមធំល្អ។ សម្រាប់ដីសម្រាប់ដាំវិញ អង្គាសីលត្រូវការដីដែលមានអត្រាដីឥដ្ឋ ៧០ភាគរយ ដីខ្សាច់ ២០ភាគរយ និងជីកំប៉ុស្ត៍ ១០ភាគរយ ហើយក្នុងករណីដាំក្នុងផើង ត្រូវការផ្លាស់ប្ដូរដីរៀងរាល់ ២-៣ឆ្នាំទើបផ្កាអាចលូតលាស់បានល្អ។

ទាក់ទងនឹងការមើលថែ ផ្កាអង្គាសីលមិនរើសប្រភេទជីសម្រាប់បំប៉ននោះទេ ដែលគេត្រូវការបន្ថែមជីក្នុងមួយឆ្នាំ ២ដង និងស្រោចទឹកឱ្យសើមជាប់នឹងគល់ បើពុំដូច្នោះទេអង្គាសីលនឹងស្ងួតដើម ស្វិត និងជ្រុះស្លឹកជាក់ជាមិនខាន។ ឯទឹកសម្រាប់ស្រោច មិនត្រូវមានជាតិជូរ ប្រៃ និងក្លរ (Cl) ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល